乖乖的堂哥堂姐走了
下次見面應該要到夏天一起camping時
上次提過兩個小朋友嘅禮貌令我好impressed
小朋友當然都有佢地打架鬧架 同發脾氣嘅時候
我接受到的
但做人有禮貌 真係會加左好多分
D曳嘢我都唔記得好多啦 哈哈
有禮貌嘅孩子係著數好多
講真 佢兩個嘅老豆係好惡嘅人
即係強哥嘅三哥
教養小朋友奶奶話三哥係超嚴父
真係會打佢地架
佢有好多教法我地honestly 接受唔到
但佢算好好彩 兩個小朋友真心乖
如果無禮貌或者係飯枱扭計
抑或無禮貌
要立即離開飯枱 全晚都無飯食
佢哋餓過好多次 所以食飯特別乖😂
強哥真係完全做唔到
但我係做到架
上次謹姐用手拿飯食
已經講左超過十次唔可以用手拿飯食
仲要特登咁做
果次我嬲到面都紅晒
我當然無打佢 但我請佢離開飯枱
我同謹姐講 今晚你唔需要再食飯
你可以去玩玩具 畫畫
但因為你唔識用匙食飯 所以今晚你唔使再食飯
佢爆喊
喊到收唔到聲 因為講真我都好少咁嬲
然後佢呀爸帶左佢上車兜個圈冷靜下
結果返到黎乖乖地用匙食晒碗飯
之後每次佢一想用手拿飯
我用對眼望一望佢叫佢個名
佢就識立即用返匙
所以小朋友有時真係要惡🤦🏻♀️
強哥後尾話多謝返我
佢話如果只係佢 佢未必會make a big deal
咁咪死囉
有時係要攪場大龍鳳
D小朋友先印象深刻
講真 I am no expert 教仔
日日都邊做邊學
有時鬧完 我都會一秒立即內疚
頭先說話有冇太重？
有無傷害左佢？
但父母都無完美
我地每一個人都經歷過父母言語傷害
大家都盡力做吧
希望唔使下下出王牌🙈
