《大麻二酚入饌🧪食完會唔會Hi😵💫》
@medchefhk應該係全港第一間大麻二酚餐廳，呢啲咁有𝑔𝒾𝓂𝓂𝒾𝒸𝓀嘅嘢草根梗係要幫大家試吓😚🤟🏻。菜式會加入大麻二酚(CBD)，有得調校份量，想完全唔落都得❗️不過其實CBD唔係大麻，只係大麻嘅提取物，食完之後有放鬆身心同神經嘅作用，仲有助改善失眠😴。
.
當日草根點左4款食物，當中只有2款落咗CBD。唔知係咪份量太少，我哋就完全冇反應喇🤣，下次再去試吓全部野都會落唔知會唔會有大啲效果呢。
.
📍威靈頓三文魚配秘魯黃椒醬（$198）
一定要講呢個菜式好有驚喜😍! 完全比我哋想像中更好! 喺香港食咗好多威靈頓牛柳，通常中間嘅牛柳都煮得過熟🥩。不過呢個三文魚就完全冇呢個問題，中間嘅三文魚保持軟嫰油潤🐟，切開魚油豐腴，加上煮到軟腍嘅菠菜做餡料🥬，外邊配上酥皮，真係好好食❤️🤟🏻。
另外附有酸酸辣辣嘅秘魯黃椒醬，令三文魚食落冇咁膩。旁邊嘅沙律🥗都落咗熱情果醋，好有誠意！好食😋！
.
📍香烤海鮮白醬啤酒薯條（$98）
最近轉左餐牌，由薯角變咗番薯條😭。番薯條炸得唔算油膩，帶自然甜味🍠。上面淋上白汁海鮮芝士醬，味道似周打蜆湯。海鮮比較細粒，有蜆、蝦🦐、魷魚仔🦑，不過海鮮唔突出完全係配角。好彩加咗個芝士令成道菜出色咗唔少🧀，食落香口，整體唔錯。
.
📍夏威夷柚子漬三文魚珍珠飯($148)
飯量唔算話好多，基本上配料仲多過飯😂。三文魚份量真喺令人驚訝地慷慨，三文魚肥美油潤🐟。另外吞拿魚絕對係一大重點❤️，用咗柚子漬鮮味軟腍，仲加咗生菜沙律菜🥗、大量炸蒜🧄同蘆筍，配料非常豐富。雖然仲落咗隻溫泉蛋，不過唔係好流心對整體作用唔大🥚，其實說白了就係夏威夷食嘅魚生飯亦即係POKE，大堆頭得嚟口感同味道都算唔錯😚。
.
📍流心菲達芝士撻（$58）
撻皮厚得嚟夠脆，中間以芝士軟心做餡料，口感細膩軟滑，基本上無可挑剔。旁邊配有士多啤梨醬、草莓🍓、Nuts同Oreo碎，係個非常好食嘅甜品❤️🥰。
.
📍熱情果柚子伯爵茶梳打（$38）
Passionfruit, Yuzu, Earl Grey, Soda
飲品用上熱情果、柚子、伯爵茶同梳打混合而成🍹，呢個聽到咁有趣嘅組合估唔到味道真係非常討好。味道主要以熱情果為首，酸酸甜甜好醒神😍。
.
食咗先發現呢間野原來唔係得gimmick，餐廳出品都真係好好食，絕對係有實力💪🏻。期待下次再嚟試吓唔同嘅菜式，到時再同大家分享啦！
.
Med Chef (尖沙咀)
尖沙咀厚福街12-12A號藍馬商業大廈1樓
