香港掛8號，我相信澳門情況唔會好過我地太多。所以寫呢篇文，先小人後君子，給大家先打個底。
首先，如果facebook又開safety check，大家今次做個好孩子，記得唔好再玩safety check啦。如果有朋友玩，第一件事唔係cap佢圖公審，而係私下pm禮貌地向對方解釋點解唔好玩safety check，大家成年人唔會唔明掛？
其次，盡量避免抽水，我其實都寫左一篇文婊揚「中國式多難興邦與公關騎劫」。但我都臨時抽起左佢唔出街，因為風災水災來到，我們理應讓路給其他更值得大家注意的安全資訊，不用急著搶focus，要是你的文章真的有意義和價值，就算遲兩天出，依舊會有人看（亦能避免出現才子式的抽錯火水）。
此外，我也不建議大家出「從澳門的災難看香港政治」類型的文章，原因很簡單，要是有個師奶在街上指著一個露宿者，跟自己子女說：「拿！你睇下！唔讀書唔努力，第時就訓街架啦！」很涼薄吧？咁我地又點可以指著澳門，對香港說：「拿！你睇下！唔抗爭唔上街，第時就到你水浸眼眉架啦！」
係，總會有人突然間好理性，一句「事實怕咩人講呀？」但係大佬呀，講事實都要睇場合同時間，要是在錯誤的時候講正確的說話，那不是「敢言」，而是「口不擇言」。適當場合做適當的事情，是很基本的待人接物禮儀和家教。
另外，作為香港人，近日媒體大風向都是轉吹「澳門出動解放軍」。我個人認為我們沒什麼置喙的空間，因為站著說話不腰痛。我們不是自家樓下水浸，不是自己地區隨時爆發瘟疫，我們沒有資格代表澳門人向解放軍說是或說不，否則也只是慷他人之慨。某程度上，和那些一早移民去外國，成日鬧香港班廢青唔上進，淨係搞搞震的那一班外國親戚根本冇分別。
你都識得講「你班死老野離晒地，根本唔知道香港生活幾難、買樓幾難」，難道我們香港人又知道澳門現在生活有幾難、邊區冇水冇電冇人救嗎？承認吧，我們其實除了「大三巴 觀音像 媽閣廟景緻真優美」之外，根本不了解澳門。既然不了解，你又何來見解？要不，你告訴我澳門現任土地工務運輸局局長是誰？不准google哦！
無錯，講波係唔需要好波過C朗，但你連基本認識都冇，又憑咩去評論？這樣缺乏底氣的評價到底是嘩眾取寵還是真知焯見？到最尾只會出現「射十二碼只有兩個可能性，一係入，一係唔入」黃興桂式的不專業評論，咁又何必呢？
面對天災，在最緊急的時間，我依家深信有錢出錢，有力出力，無錢又無力的，其實出少兩句聲，一樣可以幫忙。待緊要的事情都忙完了，大家慢慢秋後算帳打口水仗也不遲，反正公義都遲到了這麼久，我相信大家不在乎多等數天。
#我寫完一千字後電腦死機冇save到
#無錯係重新再寫
#趕時間
#有錯別字就包容下啦
#請尊重一下澳門人的情感
#利申我老豆係澳門人
#呀爺都葬喺澳門
