【運動朋友請注意】
根據呢個專頁嘅表示，其實飲Coke Zero都係無助減肥，反而因代糖蒙騙身體，會令你食得更多。意思即係減唔到。想減肥，除左多做運動。食少啲好西。
特別係好似版主步入中年呢啲歲數，身陳代謝會減慢，去完旅行立即肥幾磅。咁所以要好好控制下飲食之餘，多做運動。一個星期做兩日帶氧運動都減得快啲。
Zero 可樂真係可以減肥？
Zero 即係 0 卡可樂。呢篇講下飲Zero 可唔可以幫助減肥。
首先，Zero 同普通可樂最唔同既地方係後者多數用果葡糖漿或高果糖玉米糖漿甜化作為甜味來源，而前者就會用代糖去增加甜味，例如係阿斯巴甜(Aspartame)﹑安賽蜜-K(Acesulfame K)﹑甜蜜素(Sodium cyclamate) 或糖精(Saccharin) 等。普通可樂有 35 克糖，142 卡熱量，Zero 就用人工甜味劑將熱量降到 0 卡，令產品大受歡迎。
請睇附圖1，Zero 用左甜味劑分別有951, 950, 955，而三個數字對應既係阿斯巴甜﹑ 安賽蜜同三氯半乳蔗糖。
咁零卡可樂對減肥係咪真係有幫助？唔係，反而會令人肥。睇附圖 2，紫線代表加左代糖既食品推出市場既百分比，紅線代表過肥既人士。可以見到，當紫線既百分比升高果陣，紅線都會跟住升高，意味住越多代糖既食品，越多人會肥。
但點解明明零卡，都令人變肥？
第一，增加食慾，代糖其實就係呃緊我地身體，當我地食左代糖落肚之後，身體會準備接受同消化食物，但當然，最後都係冇野落肚可以比身體消化。所以，Zero 令身體分泌各種生物信號，令我地感覺肚餓，呢種感覺令身體對其他含糖食物或零食產生極大興趣。
第二，令我地上癮，代糖打亂我地既進食習慣，當我地食左甜野之後，大腦會釋放多巴胺，令我地感覺愉快。代糖食品既甜度遠遠高於普通醣類，長期食用會上癮，對甜味產生依賴，結果會變肥。
所以，Zero 因為本身熱量是 0 卡，所以本身唔會令人肥，但佢入面所含有既代糖先係陷阱，間接令身體變肥，呢點要多加注意。
市場上當然唔只得上面三種添加劑，如果下次買野留意到有咩編號而又想知係咩黎，可以去下列網址查閱︰
https://www.cfs.gov.hk/…/whatsnew_fstr_food_additives_list.…
