今日收到一個行家電話,佢係嫁雞隨雞的流浪泰婆。
我好開心聽到泰婆把聲,話哂大家同一行列,真係好多話題雞啄唔斷嫁。自從大家的男人喺北京一齊做嘢令我同佢相識之後,兩年幾都冇見過面了。
諗返起嗰陣,泰婆同佢老公到埗北京後,因為啲男人日頭去哂返工,佢老公亦叮囑我麻煩幫佢睇住泰婆一大一細。當時泰婆個肚有4個月,相處咗幾個月,我成日問住佢「點解個肚大得咁慢咁嘅?我知中國冇乜泰國嘢啱你口味,但你唔食肚裡面嗰個都要食嫁,你想食乜我盡量幫你揾啦」佢話「我成日都覺得四肢無力,我食魚大,呢度得返魷魚賣,我靠指天椒補充體力,呢度又只得青椒冇嚟聞味」。
弊家鷯我初初真係唔知可以點幫佢,每日上網摷邊度有泰菜館,海鮮酒家,又逐間超市買咗n款辣椒俾泰婆,都話唔夠辣。後來有次一齊出街,佢行行吓話睇唔清楚條路想瞓覺!喂大佬,唔好暈啊!呢度北京唔係北區喎,我真係唔知可點樣求救!大陸啲醫院又永遠同你講緣份,你有錢擺低咪有緣見吓醫生,冇或唔夠咯,咪緣盡下一位唔該。
街上啲契弟又只會望你同影你,我徬徨無助。最終我用一招陸上橫胸拖,夾拖夾揹咁抬咗泰婆同佢肚裡面嗰個返屋企。咁啱我嗰陣剛喺意大利返北京冇耐,仲有意媽自家種嘅十級媽辣椒喺雪櫃,即管搏一搏俾咗一隻手指公咁大嘅佢啪落口。果然,呢隻回魂指天椒仲靈騎過白花油同心口燙斗,泰婆啪完嗰隻椒後渾身是勁咁話精神返好多喎。
自嗰次之後,我每次同佢出街都帶定m巾同指天椒。泰仔喺肚裏8個月時,我哋同泰婆兩公婆就要各奔前程。
呢個電話令我更值得會心微笑嘅係,佢俾佢兩歲仔仔喺個電話度「cup kun 卡 」咁噏咗幾句跟住隊返個電話俾佢阿媽。抱歉我仲未進展到去學泰文咁瘋癲,但就算聽唔明阿泰仔仔噏乜,我個心都甜到笑咗出來。
我今日能聽到泰B把聲,全賴佢媽媽曾經駝住佢離鄉別井,勇敢無比地,就算斷水斷電斷辣椒,都叉叉腰咁撐起來,誇越一切障礙去帶泰B來到呢個世界。
#cupkunka
#勇敢的泰媽
#原來大肚要食辣椒
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...