關於 dan ryan's美式餐廳 ，我們在網路上蒐集到這些相關的討論、資訊與評價

👅 Bold Burger! 美國餐廳整嘅漢堡係一流㗎!
🇺🇸 餐廳: #DanRyansChicagoGrill
▫▫▫▫▫
🍽菜式介紹:
❝ 和牛漢堡包 $238 ❞5/5
❝ 羅賓漢堡包 $198 ❞ 4.8/5
❝ 傳統芝加哥甘筍蛋糕 $92 ❞3.5/5
❝ Strawberry Smoothie $65 ❞ 3.5/5
❝ Galaxy Five $68 ❞3.5/5
▫▫▫▫▫
📍餐廳地址:
#尖沙咀 海港城Harbour Cityu海運大廈3樓OT315號舖
#九龍塘 又一城 Fashion WalkLG2層28號舖
#太古 太古城中心 Cityplaza Hong Kong1期3樓311號舖
▫▫▫▫▫
🔻菜式分類: #foodieyanyan外國菜
▫▫▫▫▫
🔻地區分類:
#foodieyanyantst
#foodieyanyankowloontong
▫▫▫▫▫
🔴Yanyan食評:

位於九龍塘的Dan Ryan's Hong Kong 🔸，是一間大名鼎鼎的美國菜家庭餐廳。品牌已經屹立27年😳，相信大部分港人也品嚐過它家的菜式，絕對能稱得上是美國菜的經典之一唷!

餐廳裝潢極具美式派對氣氛🇺🇸，鮮明的燈光，大電視正播在球賽活動，牆上掛上大量油畫、巨大的牛頭、電動小火車等，氣氛相當熱鬧呢。店內座位寬敞😆，有酒吧枱、四人枱和大圓枱，適合不同人士聚會呀。

我光顧過Dan Ryan好多次了😏，每次都大飽口福，滿載而歸。這次再次光臨，是為了品嚐全新推出的超巨型Bold Burger Menu🌟! 六款漢堡包🍔，款款份量十足，絕對是大胃王必食之選!

點選食物後，服務員會呈上Dan Ryan餐前麵包，各有3款🍞，味道和口感也不一樣哦。

和牛漢堡包 ◢

超級巨大的漢堡包🍔，有一塊足足7安士的澳洲和牛漢堡扒，賣相非常吸引呀! 和牛扒煎至完美的五成熟🥩，帶有粉嫩色澤，肉汁鮮嫩豐富，牛味香濃，加上高達芝士後，鹹香十足，啖啖香氣，令我停不了口。這個漢堡包更會附上黑松露薯條🍟，可惜我拍照拍得太久，有點涼掉啦~

羅賓漢堡包 ◢

另一款羅賓漢堡包🍔，同樣邪惡萬分! 漢堡包由4安士傳統美式煙燻牛肉、牛肉漢堡扒、蕃茄、酸菜、生菜等組成。嫩粉的煙燻牛肉帶有光澤👅，口感軟熟，鹹香惹味。整體來說，層次和味道豐富，美國餐廳造的漢堡果然水準不一樣~

傳統芝加哥甘筍蛋糕 ◢

餐廳提供不少令人口水直流的甜品🥳，原本想一人一個，吃多幾款口味。可惜坐在我對面的朋友，吃完一大個漢堡後，已經宣傳投降，只好點一個算啦～

店家招牌甘筍蛋糕🍰，也是超～大一塊! 真不愧是美式餐廳，全部都是巨人份量，超適合我來光顧呀! 甘筍蛋糕🥕，由甘筍、提子乾、核桃等造成，口感超豐富，當中夾著忌廉芝士糖霜，味道很地道哦~
▫▫▫▫▫
🔺相同餐廳食評: #foodieyanyanDanRyans
▫▫▫▫▫
👧🏻 我的飲食&旅遊&美容生活分享平台:
💖 Media Get Ready 香港: [ Foodieyanyannn ]
💛 OpenRice Hong Kong : [ Lokyanyan ]
❤️ Instagram: [ Foodieyanyannn ]
🧡 Facebook Page : [ Foodieyanyannn ]
💜 Dianping : [ Foodieyanyannn ]
💙 Google & Tripadvisor : [ Lokyanyan ]
💚 Blog : [ Japanholicc日本旅遊美食情報 ]
https://foodieyanyan.wixsite.com/japanholicc
▫▫▫▫▫

今次的嘉賓非常特別，令節目充滿文化氣息：李敏。很多人知道夢劇院李敏 (噢 ! 出賣了你的年齡了) ，但她也是填詞人李敏，作家李敏，編劇李敏，電台主持李敏 敏感時刻，阿李媽媽李敏，九月後她也是港大心理學學生李敏，她一天是否有36小時呢 ? 她送了一本最新愛情小說「原諒他77次」，內有她及電影版主角阿SA及周柏豪的簽名(噢，這些機會不屬於你的好嗎 ?)謝謝閨密莊安宜的介紹及餐廳 Dan Ryan's Hong Kong的配合。說到餐廳，這間餐廳在港島東重現，小火車🚂重現，還有熟悉的Bar枱，體育台，油畫，Tiramisu，milk shake🍹。想起美式餐廳，跑出來的畫面，都是同一班Friends開心share的喪笑情景🤣🤣，笑到收唔到聲嗰隻，成間餐廳都知講緊老闆同事壞話嗰隻😇，簡直係集體回憶。

嘉嘉航空 - 北極光（赫爾辛基的一餐）

極光圈的行程是完全結束了，接下來如果見到極光，也應該只是在夢中，不過，講真，我真係未發過極光夢囉！

由Rovaniemi坐飛機到赫爾辛基，前後只係一個鐘頭零二十分鐘，航班包飲品一份，不過都算係有得揀，唔似去台灣咁得包冇得揀嘅紙包飲品，飲品名單中當然有我喜歡嘅可樂，雖然係細罐裝，但係如果自己買，都要5歐羅一罐㗎！

時間過得好快，飲完罐汽水已經landing！抵達赫爾辛基又係搭機場巴士出市區，因為我的酒店就在火車站附近，落車轉個彎再上一條短短嘅斜路已經到。這當然是刻意的安排，其他人點樣做我唔知，但係我係好鍾意住尐由機場方便到達嘅酒店嘅，因為一落機人生路不熟，又上又落又要轉幾輪車之後又要行十九幾分鐘至到嘅酒店，我係覺得好唔方便嘅，而且走嘅時候多數會買到一手都係，到時又拖住一抽二lung咁行九千幾里至到機場，我係好頂唔順嘅！

嘩，入到房，真係唔想出門口，當然我住呢間唔係五星級酒店，但係同之前喺極光圈住嘅旅館真係有分別，高床軟枕，真係好吸引。結果，沖完涼之後，唔知點解就捐咗上床，不過，我都好自律，只係休息咗半個鐘就起身出門口，因為，都成八點㗎喇，除非諗住食即食麵啫，如果凍重唔出門，就冇嘢食㗎喇，佢地真係收得好早㗎！

人生路不熟，而且今次旅行嘅目的係睇極光，對於名店冇乜研究，其實北歐著名食店應該不少，但係我唔識，於是隨便的在酒店附近的街上走走看看，見最多人的一間就走進去。嘩，真係好多人。竟然要排隊添！天寒地凍，好彩係企喺餐廳入面排，冇咁凍，但係亦因為企咗入餐廳而成身好熱，因為佢地尐暖氣真係好似我地香港人嘅冷氣咁，係開得絕不手軟！鋪面唔算大，但係都預咗幾張凳俾你坐，換著喺香港？話之你喺門口吹風，開多幾張枱至係硬道理！而最大功德當然係有好多個勾俾你掛衫，如果唔係，要抱住咁大堆衫喺咁熱嘅地方等位，都幾罄。

呢個時候至有尐心情望下間餐廳，這間餐廳叫MorriSon's，是一間類似我們香港Dan Ryan's的餐廳，賣的是漢堡及牛扒之類的食物。坐位設計基本上係兩人枱，以歐洲水平計，枱與枱之間嘅矩離幾近，但係可以因就你嘅人數而隨時拍台，所以八人甚至十人都冇問題，咁如果多尐人拍枱，就會坐得舒服尐。

企咗十分鐘左右就有位喇，呢個等候時間對於我地喺香港等慣位嘅人嚟講，真係唔算係乜。當侍應話輪到我地，並提我記得攞番尐衫時，我係有尐擔心嘅，嘩，一陣間唔係要咁攬住尐衫食嘛！入到去，睇定尐至見到，原來每個位靠牆嘅方向都裝有一個掛衫勾，其實我真係多得嚟擔心，人地喺呢尐地方做得生意，梗係好識安排喇！

打開menu，入面賣嘅嘢真係同一間美式餐廳一樣，價錢都唔平喎！望下左右隔離，個個都叫漢堡包，係件漢堡扒牛咁大件，而佢伴碟果尐薯角好香之餘，望落去都好脆喎，咁我冇理由唔跟大隊㗎，於是就叫咗個漢堡包同埋一碟凱撒沙律。呢個時候我望下坐喺我地隔離嘅一班亞洲裔年輕人，見佢地叫到一枱都係，我心諗係佢地咁有錢，定係呢度算平呢，唔知喇，量力而為喇！

呢度嘅水係收錢嘅，水喉水除外，我一來孤寒，二來知佢尐水喉水係飲得嘅，而且重係好夠凍嘅添，所以我只係要咗水喉水同埋可樂。食物到喇，好香呀，也真不知是這幾天沒有吃過特別好的一餐還是甚麼，漢堡包及凱撒沙律的味道都很好，就連可樂都特別正！好味之餘，份量亦非常北歐，即刻大份呀，食到攬住個肚！

在進食時見它生意不絕，人客來了一批又一批，價錢不平宜的！後來才知道這間餐廳也算略有名氣，算我有口福喇！所以在外覓食，不熟環境的話，最好跟著人龍走，總錯不了！

#何嘉麗callmeGaGa #何嘉麗 #嘉嘉航空 #極光之旅 #赫爾辛基 #MorriSons

講起美式漢堡，毫無疑問一定搵返間殿堂級嘅美式餐廳，首推喺香港已經有28年歷史嘅Dan Ryan's。咁多年嚟可以話奠定咗大家對美式餐廳嘅印象，碟碟菜式都屬大件頭，漢堡當然唔例外，咁啱餐廳嘅亞太區行政總廚Frank本身最美式漢堡好有研究，搵佢講啱晒！

http://www.menclub.hk/gourmet/11246