Search
❌❌❌銅鑼灣春陽茶事賣呢個冒牌洪瑞珍！
唔小心叫咗一次deliveroo（以為香港有洪瑞珍賣）
叫咗三文治加奶茶set，
一黎到見到個杯係春陽茶事嘅！（聽講扮黃）奶嘢！
而且極難食！
聽講春陽茶事同雞翼山同一老細
聽講黃藍成疑
（自己上和你Pay看看）
我就唔會幫襯㗎喇
黃藍都好，都唔好食！
希望真嘅洪瑞珍快啲喺銅鑼灣出現
（喺銅鑼灣嘅朋友要小心）
#黃色經濟圈 #洪瑞珍
九份飽,係一間價位平民既台式小吃店
牛肉麵,滷味,小吃,台灣茶飲,款式唔多
但水準尚可,所以開左一段時間都好多人排隊
最勁最出名係佢既裝飾,整到成間都係打卡風格
所以老中青都比佢吸引曬,仲好識選址
九龍灣淘大一帶都無台灣菜,佢獨市,由2020年10月底開幕到而家都係日日排長龍,唔到你唔信
我今次就襯解禁晚市堂食人數約朋友試下啦
先上台灣茶飲,跟餐10蚊優惠價,本身超甜,建議選半糖岩岩好,唔飲甜最微糖比較好
牛肉麵,牛展片有5片,薄切,滷得入味,口感帶爽
肉質有彈性,用油麵做麵底,油麵無咁易吸到發脹,可以慢慢食,加上紅蘿蔔,酸菜碎,本身唔辣
先喝一口湯,再拌勻酸菜同加少少辣油
咁就似樣夠曬似樣,紅燒牛肉麵點可以唔辣
$50有找,呢個水準算係咁啦
小吃,肉鬆芝士蛋餅
蛋皮薄,芝士唔多,夾時要小心,好易散
但味道唔錯,可能太耐無食台灣野
另外叫左個酥炸魷魚,灑左鹽酥椒鹽粉
炸得香口,夠惹味
最後仲有一碗香酥雞扒滷肉飯
肉碎係切粒,唔係用肉碎,食落味道幾好
汁太多,食到尾D飯會太濕,口感唔好
但調味係唔錯既,雞扒切件上,無骨雞扒
滷蛋半隻好入味
整體上平均一位100有找,抵食,免加一
九龍灣牛頭角道77號
淘大商場一期地下G142號舖
Shop G142, G/F, Phase 1, Amoy Plaza, 77 Ngau Tau Kok Road, Kowloon Bay
係中環同灣仔都有分店既WINGMAN,雞翼專門店
接近20款口味選擇,可單點可選擇放題!大食朋友可以挑戰放題雞題,任飲任食指定款式雞翼
口味包括 : 黑椒檸檬,田園風味,咖啡,蒙古燒烤,印度烤雞,巴馬臣芝士蒜蓉
水牛城醬,黑芝麻海鮮蜜糖,新加坡辣蟹,死神辣醬,泰式甜辣,日本蜜糖芥辣,日式吉列咖哩,香辣味
另有雞翼雞煲,金雞,咸蛋黃味等等,單點一款6隻,另可選擇拼盤,包雞翼及小吃配菜
配菜有幾款沙律,烤蔬菜選擇,素食朋友都可以選擇
講返雞翼先,即點即炸,上菜時熱到出煙,雞翼分為濕身有醬或香料乾身
咁我個人比較喜歡食乾身雞翼,唔會食到一咀都係醬汁
黑椒檸檬味,重咸重黑椒味,再加上檸檬汁,係好惹味既選擇,雞翼仍然好飽滿有肉汁,好食
蜂蜜芥辣,甜味唔夠重,隻炸雞翼偏乾身,芥末味不重
另外叫左個烤蒜大啡菇,焗過既菇身上面加添了大量蒜碎,又香又脆口,與質感相反既大啡菇好大對比,食起黎口感更為突出,更豐富,又衝突又撞出美味
胃口大建議食放題,但要留意上菜比較慢,因為即點即煮
純粹吹水飲酒食少少野就選擇拼盤就OK
#WINGMAN #雞翼 #放題 #中環 #灣仔 #酒吧 #HKVLOG #HKBLOG
#HKBLOGGER #HKFOOD #HKFOODBLOG #HKFOODBLOGGER #HKIGFOOD
