《花X蘭》玩首輪VOD咁大單嘢，到而家先講真係唔好意思，其實冇乜感覺。都合理呀… 套野本來都係主攻大陸市場，而家大陸戲院叫做慢慢重開，乜鬼2小時片長限制之類都如同虛設，無意外的話去到9月應該累積到一定既影廳投入正常運作，咁耐無新片大片實多人睇。
Disney+方面，個實驗味超重。會員之餘仲要俾多兩舊幾三舊水貴到癲，不過多人買嚟睇佢就話反應好大賺，少人買就轉移視線話吸引多咗人訂閲Disney+服務長遠發展係好事，總之點講都係贏咁啦。今次其實喺Disney+買呢套戲個模式仲有啲唔同，你俾完癲價費用，唔係睇1次，唔係睇1日，唔係睇1星期，係可以睇完又睇直至你唔再續Disney+，主要都係想你唔好cut。姐係PS Plus咁囉，送game俾你但一cut就無得玩，係一個保持長久持續性忠誠度的舉動。不過又咁睇，戲呢家野，有幾多套係會翻睇又翻睇？有幾多人share帳號？盜版嘅打撃令到呢個計畫work唔work?唔知，試下囉。
香港呢啲地區，細市場理得你杯唔杯，有無Disney+，由頭到尾都唔係個目標，我都無乜心機理佢有無得上。呢套野就應該唔會蝕既，始終大陸OK+新網絡串流服務發展得好，只係做唔到預期咁大賺姐… 始終都2億美金成本。但咁時勢，有返多啲資金收返點都係需要同埋已經好好。套野落得此下場，無開心，無唔開心。我反而想佢正常上戲院，睇下傻婆威力有幾大，而家出到嚟咩結果都比較唔到。
disney plus香港有咩睇 在 Disney+ 香港討論區｜開心Share 的推薦與評價
歡迎各位喜歡追劇的朋友加入，呢到可以分享你既Disney劇集推薦和劇評! ... 分享一下入門懶人包，例如片名意思同有咩好睇，仲有電影細節如點解對左手執著，仲有電影同 ... ... <看更多>