我記得，初初出道嘅時候，佢哋四個啲衣着打扮好古怪，成日好似着校服咁，有一年叱咤之前我響銅鑼灣，行街撞到佢哋，原來佢哋諗緊要着乜嘢衫，跟住好似過年到最後係介紹咗佢哋俾Dr. Martens🤣然後就解決咗佢哋上台對鞋嘞。
(我見啲人對於奧運運動員嘅衣着咁多嘢講，我即管對住C Allstar，都唔講音樂，由衣着開始講囉係咪先。)
C Allstar的好，耳朵們都知道。
安仔話多謝佢三個兄弟，將棱角磨蝕咗，然後互相融合埋一齊，成為和諧嘅聲音。但我反而認為，佢哋四個就係冇完全磨走佢哋嘅棱角，各自各嘅時候四個都好有性格，啲性格仲要天南地北完全唔相關，冇相似嘅地方，但只要佢哋一開聲唱歌，嗰一種harmony，真接儲入神經系統，開心嘅歌聽到你好舒服，好有意義嘅歌聽到你都流淚了。有一次，响一個商場活動入邊我係主持，佢哋係嘉賓，仲要好似係農曆新年，總之紅噹噹喜氣洋洋咁。你知商場活動都係玩下遊戲唱吓歌，玩遊戲唔緊要，唱歌嘅時候我企響台下面，我聽到眼眶都紅晒想抽泣，呢種喊係來自一種感動，覺得個世界好和諧美好，因為佢哋嘅聲音。我知道唱歌對佢哋來講係好似食車仔麵咁簡單，佢哋仲要係隨時隨地都可以唱得咁好聽，有天份，亦有努力。
佢哋四個嘅性格我會用古怪嚟形容，但古怪得嚟其實好可愛，如果冇呢種古怪，亦都唔會訓練到佢哋成為咁獨特嘅組合，特別地有使命感，特別地擁護廣東歌。睇佢哋表演，最大嘅體驗係佢哋嘅樂迷都受到好好嘅教育，因為一向C Allstar都喜歡將自己嘅歌貫穿唔同嘅廣東流行曲，所以你要做佢嘅樂迷，你都要識得聽返咁上下多歌先得，否則，當地球來的人穿越到迴光物語，呢種令人有高潮嘅感覺，你咩歌都唔聽，點會享受到？
我希望以後久不久都可以聽到你哋一齊唱歌，每一次我都會好珍惜呢個機會，有你地，喺香港樂迷嘅幸福，我相信好多人都講過，但呢個係真㗎！
I love you all! (And love 你哋公司 too!)
@callstarcf @on_callstar @king_c_allstar @jaseforreal @alankan809
謝謝你哋熱愛香港，熱愛香港流行曲
我們都愛你❤️
dr martens香港 在 Dr. Martens Hong Kong - Home | Facebook 的推薦與評價
The first pair of Dr. Martens boots rolled off the production line on the 1st April 1960. With its... Mong Kok, Hong Kong. ... <看更多>