【 2018年舊文重推/Locker本來唔係叫Locker?】
MeWe版本:http://bit.ly/3aeu5WO
MIRROR成員呂爵安(Edan)的第一首單飛廣東歌《E先生連環不幸事件》周三(27/1)在各大音樂串流平台上架後,獲得不俗迴響,獲得多個點播排名第一,而由Sheng Wong與Maggie Leung聯合執導的MV (https://bit.ly/2KY9KfI) ,亦迅即成為YouTube瀏覽熱門,首播後不足兩天,至今(29/1)下午5時半已累積近25萬點擊率,走勢凌厲,連帶MV裏的劇情和演員亦成為網民和Edan粉絲的討論焦點,fb專頁「我睇咗啲乜嘢」更順勢推出MV「走女版」 (https://bit.ly/39sD1Zg) ,笑到反艇。
MV呼應「連環錯愛,有誰夠我不幸?」這句由填詞人黃偉文刻在旋律上的主題鋪展劇情── 我愛你你愛他他愛我,三個人都愛別人,偏偏沒有兩情相悅,剩下三顆受傷的心,相當慘情。呂爵安暗戀譚旻萱,譚旻萱只對林家熙有感覺,但去到最後天台示愛一幕,眼利的網民留意到,林家熙暗暗喜歡的其實是好兄弟呂爵安,他哭,並非因為遭人兜頭淋水,而是他明白,就算自己有多愛呂爵安,也不會開花結果,角色頗有發揮,很多幕都感受到林家熙的用心。
林家熙,這個名字你未必知道他是誰,但如果講「試當真」裏「Locker周圍都係」的那個男生呢?有印象吧!他是新晉演員,現時跟胡子彤、吳肇軒、朱鑑然等都是「Triple S Artiste Management」的旗下藝人。大概因為ViuTV劇集《地產仔》,與岑珈其飾演「文英武傑」,以及「試當真」的短片 (如槍王之王2021: https://bit.ly/2Yp8Goj ),Locker都會令人覺得他走搞笑路綫,但我知道,他一直都渴望可以獲得更多演正劇的機會。在書架上翻開2018年在《100毛》(第247期)撰寫他的專訪稿,才記起他為何當初想入行,又驚覺,原來他本來不是叫Locker!
#######
林家熙,原本有個洋名叫Matthew,後來參演陳志發執導的《點五步》(2016),在戲中飾演沙燕隊成員之一「Locker豪」,由於呢個名易讀易記,台前幕後叫慣叫熟,所以後來當他決定入行做演員後,便以Locker取代Matthew「行走江湖」。過去一年,先後演出三套劇集,包括港台電視《獅子山下2017 ─ 當獅子山遇上陽明山》、ViuTV《VR驅魔人》以及網劇《蝕日風暴》。
Q:你幾時決定入做演員?係咪拍完《點五步》之後?
L:係,拍完套戲之後,去咗澳洲玩3、4個月,本來諗住返來香港考消防員,其實之前考過一次,Pass咗體能,但筆試肥咗,所以返來香港之後就諗,應該考多次消防員,定入行呢?都未諗定,之後就連續兩三個月幫《點五步》宣傳,上映期間又要出去謝票,覺得謝票嘅感覺好正,企喺度,觀眾會拍手掌,呢個感覺好好,身邊嘅朋友岑珈其就話,你做呢行,OK呀,你都啱呀,咪試下囉,於是就決定入行。
Q:過去一年你拍咗3套劇,有長有短,你自己嘅感覺係點?
L:開初拍第一套,就係《獅子山下2017》,喺〈當獅子山遇上陽明山〉入面就係做子樂嘅學徒,所以我一直都抱住一個學野的心態去拍,咩都唔識就問,好用心去問。《VR》就做返學生,之前拍學生作品都有演過學生。
但喺《蝕日風暴》入面扮警察就難喇,首先我個造型係個蛋撻頭,好小白臉,但佢哋同我講,話呢個角色係重案組,咁話死喇,咁樣邊似重案組,點拉人?我有個Partner叫陳少邦,佢就話,冇㗎,你咪諗你由學堂出嚟囉,勇探囉,你係好硬淨嘅,咁我覺得OK嘅,但開頭拍頭半段嘅時候,成日都諗住呢個感覺,所以開始時,無論我做咩戲,都係用同一種方法講對白,冇咩變化,開始慣咗舒服啲呢,阿邦好好,佢就話,會唔會試下拍其他唔同戲嘅時候,或者你唔係對住Madam嘅時候,咪放鬆啲囉,咁個角色先會多啲變化。
同埋呢個劇好玩嘅係,有得試下開真槍,亦有得試反應彈爆炸,Overall嚟講好快完,雖然開頭話要拍3個月,但係好快就完咗,諗返轉頭,覺得蝕咗啲,原因就係自己做得唔夠好,中間諗得太多嘢,應該一早就入咗個角色度。
Q:你自己都話,拍劇嘅時候,好容易畀人干擾到,拍《蝕日風暴》嘅時候,你有冇一啲好深刻嘅例子?
L:有一次就係,我嘅對白只係得一句,但嗰場戲,就講張智霖、薛凱琪企喺度,佢哋準備宣布啲好緊要嘅事,另一個演員就要好遠咁跑入來,衝入來講一段對白,但佢嘅對白係有啲難讀,佢又要講得好急,於是就NG咗幾次,但我望住佢講,我就會好心急,我個心就一直跳,我又替佢緊張埋一份,我又驚佢到佢講完之後到我講我會瀨野,呢件事就令我知道,我會畀人影響到。
Q:咁你平日有冇睇咩電視劇?平日點樣鑽研演技?
L:電視劇我睇Netflix多,剛睇完《Stranger Things 2》,又睇一套叫《Atypical》,講自閉症,我覺得男主角Keir Gilchrist好勁,首先佢唔係自閉,但佢畀我嘅感覺係,佢每一下小動作,諗嘢時啲皺眉呢,都好真,我望咗好耐,我不斷重覆咁樣睇實佢嘅演出。
至於鑽研演技,我真係冇受過專業演戲訓練,其實初初接觸拍學生作品嘅時候,已經發現演技原來有好多方式去演,我有諗過去上堂,但費用太貴,Afford唔起,惟有睇多啲戲、睇多啲書,我自己唔係好習慣睇書,因為吸收得慢,但都要迫自己睇,每日拍嘢都要帶本書出去,喺屋企都要睇,近來睇咗兩本,《演員的挑戰》、《表演技術與表演教程》,前者講修養,後者係講點樣理解劇本同分析角色。
(30012021)
#游大東 #游大東影視筆記 #呂爵安 #E先生連環不幸事件 #黃偉文 #EDANLUI #MIRROR #廣東歌 #林家熙 #譚旻萱 #試當真 #電視框外 Triple S Artiste Management 林家𤋮 Locker Edan Lui 呂爵安 快樂的 論盡音樂 Stupid Music 做乜膠睇電視 我睇咗啲乜嘢 Music Picks 港女講劇 MIRROR 我歌故我樂 試當真 Trial & Error 認真毛群組
同時也有1部Youtube影片,追蹤數超過703的網紅林靜翬 Winnie Lam,也在其Youtube影片中提到,#Edan #呂爵安 #小諧星 #E先生連環不幸事件 今次嘗試將Edan嘅兩首歌合埋一齊,唔知大家覺得點呢? 【小諧星 x E先生連環不幸事件】 連環錯愛 有誰夠我不幸 被留在 地雷陣 覓熱吻 然而對你 我無法太安份 但求是 沒遺憾 盡人事做做 怕餘生 良心~ 會斥責我 從未陪襯 跟他怎可硬...
e先生連環不幸事件劇情 在 林靜翬 Winnie Lam Youtube 的精選貼文
#Edan #呂爵安 #小諧星 #E先生連環不幸事件
今次嘗試將Edan嘅兩首歌合埋一齊,唔知大家覺得點呢?
【小諧星 x E先生連環不幸事件】
連環錯愛
有誰夠我不幸
被留在 地雷陣 覓熱吻
然而對你 我無法太安份
但求是 沒遺憾 盡人事做做
怕餘生 良心~ 會斥責我 從未陪襯
跟他怎可硬拼
只好專心做諧星
將單戀劇情
改寫出喜劇場景
用我痛苦表情
換你那好心情
留低這 半條命
早知不可獲勝
擠出喜感做諧星
無力當 你們崇尚的精英
有幸獻醜的 小丑 都不失敬
抗拒永遠成為誰倒影
我要送你某某無法送的 笑聲
懇請將我認清
無求明年人緣能急升
唯求悠悠長途陪住你 不急於得勝
即使找一個伴
越找越不樂觀
但現在已不管
情願調整自我觀
茶杯未滿 仍然裝著大半
盡力做我這手牌 若無法~換
一生都給背叛
别誇大這份悲觀
連環無盡錯戀 教我學會心寬
今年錯了大半 明年或者圓滿
終生都圓滿
安心等 誰接管
——————————————————————————————————————————
Recorded by | Winnie Lam
Arranged by | Winnie Lam
Re-mixed by | Ming Leong
——————————————————————————————————————————
Follow 林靜翬 Winnie Lam
Facebook: https://www.facebook.com/林靜翬-Winnie-Lam羽軍-296201274571233/
Instagram: https://www.instagram.com/winifai/
![post-title](https://i.ytimg.com/vi/UCuhLVTgMME/hqdefault.jpg)
e先生連環不幸事件劇情 在 Edan Lui 呂爵安(@edanlui) • Instagram photos and videos 的推薦與評價
有一看就知懶Chok的有一看便能回想起劇情的還有不同服裝不同時間/地點的彈琴Side Shot ... 邀請Edan 出席「2021 新錶鑑賞活動」 #E先生連環不幸事件#呂爵安#EdanLui”. ... <看更多>