之前搬屋，啲嘢執極都執唔完，我細佬仲搞笑講咗句：「唔知以為你間屋幾千呎。」
我間屋冇幾千呎，不過一路執返啲舊嘢，一路有好多回憶，我記得執到一張讀書時代嘅相，嗰陣我個同學仲係著緊校服，佢而家已經做咗兩個小朋友嘅媽咪，忍唔住影低再whatsapp過去問佢：「呢張相仲要唔要？寄返比你。」
女同學：「要呀，10幾年前嘅相喎，你仲有keep嘅？」
我唔係keep，只係冇丟嘢，望住佢whatsapp頭像抱住個仔張相，再望下手上呢張學生妹相，真係好大感慨，如果可以回到過去，我話佢聽10年後嘅你會有兩個小朋友，當時仲未拍過拖嘅佢應該唔會信。
再執咗陣，我又搵到表妹細個張相，呢張仲耐，起碼有20年喇，以前我去邊佢都跟到實，而家已經婷婷玉立，做咗某醫院嘅護士，職業唔差，人工更加唔差，由低低能能變到而家咁成熟，我又係影低再whatsapp畀佢，不過呢張我唔寄喇，因為舊相我都想留低，佢見到之後超級驚喜：「嘩，咸豐年前喎！好珍貴。」
我：「你有冇諗過20年後自己會做護士？」
表妹：「諗都冇諗過。」
我：「如果比你send個message畀未來嘅自己，你會同自己講咩？」
表妹：「問嘢得唔得呀？我想問佢買邊隻股票會翻幾翻？」
我：「冇嘢喇，執屋先，Bye Bye。」
如果我可以同未來嘅自己講一句說話，我應該會同佢講，10年前嘅今日我已經追星趕月，好努力咁做好每一件事，希望10年後嘅我唔使再咁辛苦。
你呢？如果你又可以同未來嘅自己講一句說話，你又會講咩呢？呢個聽落天馬行空嘅行為其實好有意義，因為ECCO Shoes已經化身為「未來訊差」，將會跨越時空幫你傳遞未來「訊」件！登入呢個活動網站 http://mailer01.net/1/9LycjVx，寫一句鼓勵說話畀未來嘅自己，每個訊息，ECCO會代表參加者捐出$20支持國際培幼會，用實際行動去幫助發展中國家嘅女孩，協助佢哋擺脫宿命，藉此改寫未來。
除咗可以傳遞愛心之外，每位參加者更可獲ECCO 7折優惠券及窩心禮物乙份！你嘅未來「訊」件，ECCO亦會透過電郵喺2020年嘅最後一日送返畀大家，既可以做善事，寓意又咁深遠，希望你哋都踴躍參加，向更美好嘅未來出發啦！
#ECCOHK #ECCOSHAPE #StepsToABetterFuture #勇敢踏出每一步 #PlanHK #國際培幼會
