［今日寫呢啲］Happy Birthday to me！多謝大家，在我生日（七一呀！今日）就真係達到1700人。感激感激。「下個月就係開Patreon一周年」，「不如整夠2000人賀下佢」（我就好似某啲港女咁巧立名目個個月要送嘢，或者某啲港仔咁要蛋白質缺乏日做節）
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
正經，我都唔記得今日紅日（冇返工嘅人係咁架啦），但反正美股都仲有市，同埋反正以往我年中無休，聖誕節都照出文的。大家唔使PM或留言生日快樂了，你去訂Patreon已經係最好嘅禮物。下半年仲有更多精彩嘢，包括之前講嘅大project （Andrew Wiles），都完成咗，今個月會公佈。仲有勞蘇基金都希望有進展。
正文，半年結，咁我好直接的，你上半年嘅表現係點？今年我原本以為幾難玩，咁當然難過舊年（3月後），但都比我想像中易。港股嘅，視乎你買乜，但三大指數平均夾埋都有得升，美股更加係三大指數都12-14%。即係平均大約13%。全部夾埋，你嘅投資回報，如果冇6%，就跑輸大市。當然跑輸唔係咩極大問題，但首先，就唔好平時咁撚多嘢講，人地叫你買ETF你就話升得唔多，你跑得贏咩？另外，跑輸唔係咩大問題，但如果搞到輸錢嘅，就真係出咗好大問題。你檢討下，不如買勞蘇基金算。我扣埋fee都肯定唔會搞到你輸錢（我指上半年，唔係以後永遠）
五月唔窮，六月唔絶。咁七月又點？文入面有講了。雖然，「其實個個月都估升包冇衰」，「因為股票升多過跌」。
新股嘅，唔係幸災樂禍，但，冇點你啦，寫到明話奈雪的茶2150唔掂，果然插水。仲追唔追？你話呢？不過Patreon上個月都有篇4000字分析，你訂咗即時睇到（同埋過去11個月嘅文）。
至於和黃醫藥13，我冇寫過，但有朋友私下問過，我都睇淡隻嘢。結果當然係我睇錯。See？有人話我睇錯唔認，錯了，我連Patreon冇寫嘅我都認。有乜問題？錯咪錯。不過文入面我會話你知我睇漏咗乜，我就係靠不停檢討反省，先減少錯誤（減少咋，都仲係成日錯的，但贏嗰時夠冚咪得）。我學到嘢，你都會學到嘢。
每日一圖，兩個都係美股圖。第一個圖超正，畀你睇到到底有咩行業（同埋factor）係連續兩季都跑贏，又或者連續兩季都跑輸。但呢兩部份都唔係最有趣，你可能都估到。最有趣係，睇埋剩返兩格！邊啲係之前跑輸而家跑贏，邊啲係之前跑贏而家跑輸，同埋，因乜原因？see？就算畀埋個圖你（你咪去Google），你都係要買埋本說明書嘅。我咪本說明書。
第二個圖簡單啲，「唔使點用說明書」。畀你見到N咁多美股公司都上調第二季盈利指引。即係點？即係之前個Q個話啲分析員太進取，結果唔係，實情舊年年尾，仲有今年，幾次業績，次次都大多數勝過預期，分析員追到氣咳。咁你明白點解美股升未？有幾難明？
Good Read嘅仲正，兩個新搞作（人地，唔係我），我就討論下，work唔work架？我嘅睇法就Patreon入面講，唔劇透。但，呢度話你知啲新搞作係咩事先
第一壇，交友app．搞交友app表面嘅成本唔高，但一樣係network effect，多女嘅咪自然多仔去，多仔嘅咪吸到更多女。你任何新嘅交友app，問任何人拎錢，佢都必然問你：咁你同Tinder有乜唔同？今次呢個？叫Thursday，有乜賣點？睇名咪知！只係星期四用到！其他日子做乜？你話呢？咁到底work唔work？你估下？
第二壇，冇廣告又保障你私隱嘅search engine。「即係MeWe咁咯」「咁你估下 work 唔work」。但個背景係，Google同Facebook一樣，都係廣告公司（冇話你知？），大家各有極強嘅領域，對方點都踩唔到入嚟（Google+，anyone？）。Google嘅 search，當然都係靠廣告養（好Q好搵），同埋唔多唔少都出埋你data．咁個個當然私隱大過天，就有以前嘅Google員工搞一個唔靠廣告，又保障你私隱嘅search engine。咁一句：點賺錢？答案係收月費。你估下work唔work？都唔止係5蚊美金月費嘅問題，仲有兩大問題，我文入面有講。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
engine仔 在 Engine仔世界第一正 - 港澳感情事板 | Dcard 的推薦與評價
2022年2月19日 — 向來好多人標籤engine仔即係毒L，嫌無情趣，木頭，唔識同異性相處，搞到有啲engine仔都會自卑，失去希望，但係！！！！！！，我覺得其實engine仔真係 ... ... <看更多>