關於 error自救tv導演 ，我們在網路上蒐集到這些相關的討論、資訊與評價

【 賣文時間／ERROR《我們很帥》MV筆直真係得兩皮嘢？ 】
游大東影視筆記Telegram頻道👉🏻👉🏻https://t.me/yautaitung

時局太亂，變化太急太快，就算寫了一些長文，也不知道甚麼時候才應該在這裏發帖，因為今時今日，實在無法預測讀者還有沒有閒暇去閱讀這些跟流行文化有關的報道。比如這篇，早在六月二十六日凌晨，亦即ERROR的《我們很帥》MV於YouTube首播當晚的深夜，已經很想落筆，忍不住透過WhatsApp向導演「格仔Mike」（劉諾衡）不斷提問，斷斷續續談到翌日下午，認真寫，再修改，前後大約花了兩個小時完成，絕對能夠承接MV首播兼《ERROR自救TV》播出後的連環宣傳攻勢，但竟然一直沒有排期出稿，暫擱在旁，一天兩天三天，如是者，又發現其他文章需要趕住出街，白白錯過了推送的「黃金時間」，結果眨眼之間便已七月中旬。

回想當初何以那麼心急想寫這篇，是因為製作預算嚴重不足，從來都是本地演藝行業面對的困境，藤掕瓜瓜掕藤，直接或間接導致香港製作愈來愈無法跟亞洲其他地區比拼，惡性循環漸漸出現。撇開演員薪金不說，編寫劇本，要錢；梳化服（梳頭、化妝、服飾）要錢；租場，要錢；燈光、收音、攝影器材，無一樣不需要錢。香港百物騰貴，限米煮限飯，自然要將貨就價，例如沒有足夠資金，導演無法拍攝所有計劃之中的畫面，最終導致Airtime（播放時間）內沒有足夠Footage使用，只好東拼西湊、拉上補下，結果觀眾只看到劇情拖拉、不好看，憤而轉台或棄劇。拍劇跟拍節目跟拍MV，情況相同。

當然上述這些問題，很多時僅限圈中討論，所以又很難怪觀眾會用最簡單的思考方式，去判斷作品好看不好看。所以我才要寫出來，希望能夠引發討論 ── 為何會導致今天這個局面？以小見大，既然ERROR在MV開首大方的公開製作費用多少和如何花費，就不如以此作例，讓更多讀者知道，香港製作輸給別人的關鍵，並非單純創意上受局限，更重要是因為沒有充裕資金實踐想法，我相信很多台前幕後已盡力，但一個行業的興旺衰落，從來都是共業，如何解決這些問題，也不是一個人說了算。其實強如《想見你》也面對資金不足的問題，詳情稍後另寫一篇再說。

《我們很帥》MV立即睇：https://bit.ly/3fsec0e

【 ERROR相關報道 】
《美女郊遊遊》製作團隊以第十集言志：https://bit.ly/2WQSRFy
《花姐ERROR遊》睇到眼濕濕：https://bit.ly/3eAV5Qd

（16072020）
https://bit.ly/2CGWN5i

＃游大東 ＃游大東影視筆記 ＃ERROR ＃我們很帥 ＃賣文時間 快樂的 做乜膠睇電視 ERROR 何啟華 DeeGor Ho 郭嘉駿 Denis Kwok 193 Poki 吳保錡 論盡音樂 Stupid Music Music Picks 廣東歌fans應援事件 Cpopdaily 葉一知 gregory wong 王宗堯 01眾樂迷

多謝 一路湊住我嘅：
Jer仔（攝影）、阿Ning（執行導演）

多謝 一路幫我善後嘅：
Bobo、射喱、阿Dick、嘉楠、黃老闆、秋刀魚

多謝 化妝整頭嘅：
Bryan、Ryan、Tim

多謝 兩位演員：
@aaaaada2000 （媽媽）、 @jackygoodog （原·囝囝）

多謝 畀機會我地嘅：
葉子文監製

多謝 一路助養我地嘅：
@viutv 生啤神同黑生啤

「導演嘅嘢，我真係識條鐵咩」
冇錯，我真係唔識。
但試完之後，
令我更清楚我究竟「唔識啲咩」
呢個經驗真係十分之寶貴，感激

導演的話：
「其實我真係非常非常非常唔想自己演😩
一.我只想專心去做導演嘅工作，
試嘢兼學嘢
二.從導演審美角度我真心覺得我上鏡係會破壞成個MV美感😞
三.今次MV其實係半自傳形式創作
自己做返難免有啲羞恥心發作🤦🏿‍♂️

而我知道 @jackygoodog
真係十分之想演同內疚
佢癲到提出「切完條盲腸」返嚟再演
我心諗《回魂夜》咩...我只好講：
「你不如借今次機會好好面對身體脾胃嘅問題，你條路仲好長」
但我都係演員，
站在演員角度換轉係我...
我都會咁提出，我明㗎。
但無奈時間問題...
我已經冇呢個資源空間改期拍攝，
所以只好親身上陣硬去。

我係度大大力推薦
「唐浩然」 @jackygoodog
呢位新演員畀同行
同佢溝通過程中
我睇得出佢係一個非常有心
同會做足功課準備嘅演員
希望不久嘅將來我可以還你一個交代。

唔知係「暗黑綜藝之神」從來冇離開我
定係當日嘅「日全蝕」負能量太重
硬係要一而再再而三咁畀啲阻滯我，
但我同團隊只好相信
「#一切係最好嘅安排」
追日光繼續完成拍攝。

今次呢個MV，我主要係想畀每位「母愛泛濫嘅母親」睇（包括我媽媽），多謝你地無私嘅愛，而中間個段對白，我相信係大部分被泛濫母愛湊大嘅兒子心裡嘅心聲，係我追求演藝呢個過程入面，受到現實嘅挫折，夜欄人靜嘅時候，內心都有呢種想法，正因為現實世界嘅我冇親口講過出嚟，所以我想試下係映像世界拍出嚟，而我覺得Ada媽演得好好，展現到我心目中媽媽嘅「溫度」。

分享一下小趣聞，
MV當中個個「我係一盞燈」嘅精神病人A角色，係我本人真實地演出過嘅角色，造型都大致跟返足😂，另外母親偷偷把錢放入我銀包，亦都係真事，「慳啲洗，大個仔要有個錢旁身」都係出自我母親對我講嘅真實對白，至於戶口嘅銀碼⋯我相信十個演員有八個都經歷過，剩低個兩個應該係有錢仔😂

最後我想憑MV寄意：
祝願天下間嘅家庭
無論世界點變遷
都可以好似《我們不碎》
最後三句歌詞一樣
「永不碎 我不碎 你不碎」

再一次多謝
《#Error自救TV》仝人。」

#笑著開工笑著收工
#絕對為這件事劃上了完美的句號
#無論如何我地創造了某種奇蹟
#多謝你地咁撐我
#跟母愛如出一轍
#小弟承蒙你們照顧了
#有今生無來世
#我深信沒有什麼東西是永恒
#這一次我學懂了
#保護自己保護人的道理

[viutv] Error唔至救自己亦都係救緊香港人

期待已久，Error終於有新節目《ERROR自救TV》。對上次Error自己4個擔正做節目主持可以話係《全民來電》(雖然得5集，仲要有埋《造星2》嘅參賽者一齊)。但再數佢哋真係4個做主持就係《花姐Error遊2》，但原來已經係9個月前嘅事。

去到今次《ERROR自救TV》，一開始已經講明Error成軍一年多，到底要點樣面對日後嘅挑戰，所以今次就透過唔同訓練同挑戰，加強佢哋喺娛樂圈生活嘅技能。我 #膠兄 本身對Error都有好大期望，之前193亦有DM我去講今次節目真係會令大家睇得開心，而且佢亦都有講到今次呢個節目同《花姐Error遊》好唔同，因為會係從佢哋四人角度出發。

之前喺Facebook Live宣傳呢個節目，佢哋亦都有講過今次製作組就唔再係「花姐組」，即係唔會再係格仔導演阿Mike去負責。而係另一隊製作組拍攝，呢組就係負責之前《港男入贅手冊》同《Chill Club》嘅製作組，193仲有講話係大製作，有6個導演去負責今個節目。

只於 我 #膠兄 睇到今日第3集，真係每晚都要坐喺電視機面前等睇。最初，第一集可能都有笑，但可能節奏上太快，要上網再睇多次先捕捉到更多笑位。但亦都明白第一集一開始係要介紹俾一啲從來未認識過Error嘅人去了解佢哋，而且用咗一個新潮方法去介紹佢哋4個由來，由《全民造星》去到而家，令到一眾未睇過嘅人都知發生咩事。跟住就去到「跳舞勳章」，而且搵嚟《全民造星2》嘅參賽者飾演「梅蘭竹菊」，再嚟一場鬥雞比賽。結果就邀請佢哋師傅「夏蕙姨」教佢哋定格大法，過程中最估唔到挑戰大佬係部PS1，仲要用跳舞機嚟玩， #膠兄 覺得呢集最痴線係你估唔到下一個劇情係做啲咩，真係笑完一個接一個。不過，唯一有個問題就係有啲後製嘅字， #膠兄 都要翻睇時先留心再睇到，可能對一眾上咗年紀嘅觀眾都未必睇得切。

去到第二集，亦都係 #膠兄 身邊唔少朋友有討論同Share嘅集數，就係因為「機械人指令」，肥仔同保錡要跟從阿Dee、193嘅指令去完成任務。令人最爆笑就係佢哋一路唱《大懶堂》一路要用羅志祥嘅「光速XX舞」嚟做呢件事，個個人睇到個個位都笑爆咀。

跟住第三集就係阿Dee個人訓練，相信令大家最記得一定係阿Dee要成為viutv一哥落街宣傳，保錡仲要用卡當成括括卡，去吸引人，而且不斷叫人大叫「支持何啟華一哥」，呢句說話搞到我呢刻都洗緊腦。

之前佢哋宣傳時都有講過，今次節目會令到觀眾睇到Error嘅另一面。有人認為去到今集仍然覺得佢哋係嘻嘻哈哈、都係喺到玩、無厘頭。但事實， #膠媽、#膠爸 都喺屋企大笑，會想睇返肥仔之前跳舞係咪真係咁叻，亦都知道原來有隊組合叫Error。(利申︰之前兩老見到《花姐Error遊》，佢哋睇完一兩集就走開咗) #膠兄 覺得呢個節目所謂睇到「另一面」，唔係實質見到佢哋變到「認真」、「老正」，而係令到之前冇睇過佢哋節目嘅人都會認識到佢哋，簡單嚟講就係「要入屋」。

呢個年代「要入屋」，相信比以前更加困難。因為上網資訊咁多，大家要留意嘅嘢亦都多咗，點樣令到唔同年紀嘅人都認識到佢哋。亦係唔同藝人所面對嘅問題。

亦有 #膠友 認為呢個節目唔知做咩、無聊，但 #膠兄 又覺得喺我哋呢個香港入面好多事情已經遇上唔開心、好大壓力，睇呢個節目令到大家開開心心、有半個鐘笑一笑，好耐未試過一家人都會坐喺電視機前面等個節目。相信製作組亦都估唔到會有咁樣嘅效果，而且佢哋FB Live亦有講述今次拍攝係非常困難，因為佢哋拍攝時期撞正疫情、限聚令，令到製作組原先想拍攝嘅內容都要更改晒，變成另一件事情。

呢3個星期除咗《ERROR自救TV》，亦有《中佬唔易做》，真係可以由晚上10點半睇到夜晚11點半，都可以輕輕鬆鬆、開開心心咁睇晒落去！

#阿Dee係咪真係冇還錢俾肥仔
#193話嚟緊節目會有重量級嘉賓
#膠兄都期待到底係邊一位呢
#最緊要大家健康同開心

ERROR 梁業-肥仔 何啟華 DeeGor Ho 郭嘉駿 Denis Kwok 193 Poki 吳保錡 ViuTV 黄夏蕙 游大東【鴻鵠志－影視筆記】 思想。影視媒體隨筆 港人講電視

=========================
Instagram：https://www.instagram.com/todui9atvshow/
Facebook：做乜膠睇電視