關於眾籌登報post。
草稿首段表明身分，選用「defend our sovereignty」，極為可取。捍衛主權，係香港屢次抗爭都未出現過嘅用語，史無前例，氣勢直迫中共宣傳機器至愛嘅五四口號——「外爭主權，內除國賊」。眾所周知，主權所指，並非單單係《基本法》所保證嘅治權，而係指國家對其管轄範圍內嘅政務擁有至高無上嘅完整主權，免受任何外力干預，所謂外力，明顯指涉中共，否則亦毋須登去美國大報。
而第二至第四段，文字亦有力點出香港優於中國，劃清界線，直擊要害。「notorious for its disrespect for the rule of law」，係針對中國依法治國嘅指控，強調中國嘅惡名昭彰，等同拉近香港同自由陣營嘅距離，亦顯示出香港尊重英治遺產嘅決心。特意為警察暴行闢出一段詳加描述，亦有助國際社會了解港共政府如何縱容警隊，結合日前廣泛流傳嘅抗爭靚相，外界就可以理解到香港問題有幾嚴峻。
然而，野心太大，又想講賺錢，又想講人權，或者會令焦點模糊。「Bankers, businessmen, tourists, and even ordinary Hongkongers」呢四種人的確會受影響，但bankers同businessmen性質相似，點解要特別提及？或者刪去bankers，換上journalists，就更有助表達人人都有危險嘅意思。
更加值得商榷嘅係，「Hong Kong will cease to be a free economic zone」一句，其實對自由陣營影響並唔切身，而承接上句「trials of alleged crimes and fabricated accusations」嘅話，更理想而又更能打動讀者嘅，應該係言論自由以至人身理由受到威脅，香港距離民主自由前所未有咁遠。講錢，雖然好有Hongkongness，但香港做唔到自由港而新加坡做到，其實西方係唔介意。假如寫成「, which is greatly devastating the liberal environment of Hong Kong and shrinking people’s power of free speech and expression of ideas.」，整體效果大概會更佳。
如果認同以上建議，煩請代為轉載至連登。
（全日冇上連登，一post至知原來已經截稿）
fabricated意思 在 fabricate中文(繁體)翻譯：劍橋詞典 的相關結果
6 天前 — fabricate的例句. fabricate. In machining, the feature is added to the component after the component has been fabricated, whereas in molding the ... ... <看更多>