#在昨天我離職了
尋日係我最後一日喺機構度返工，早於幾個月前我已經被通知我所屬嘅崗位將會不復存在，所以我選擇咗係我約滿一個多月之前辭職。
上年因為社會運動令我有決心做返一個社工，遇到宜家呢個機構，聘請我作為回應社會運動輔導專線嘅社工，好意外機構當時有呢個勇氣同埋對社會的承擔。好感謝身邊嘅社福同工同埋街坊嘅支持、信任，俾咗好多轉介俾我，令呢條專線由一條冰冷嘅熱線成為一條真正嘅熱線。
後來我調職到學校支援隊，雖然短短一年，但係經歷過社會運動、疫情，甚至自己受過傷，如果唔係有同事們支持我，我都好難撐落去，仲記得受傷之後同事們嘅關心、離職祝福嘅心意卡、Last Day為我做嘅Farewell、臨走一刻嘅最後告別，我覺得好窩心、好難忘！好感謝你哋！
除咗機構裏面嘅同事之外，我最唔捨得嘅係一班工會嘅手足，係呢一年裏面認識，建立工會，在面對着疫情所產生嘅機構風波，我哋每個人都好努力去面對，甚至有時候為咗同工嘅福祉，討論到凌晨兩三點，希望工會可以繼續進步，各位手足都莫忘初心，勇敢地面對社會嘅不公義！
喺香港做一個社工，就要預咗面對朝不保夕、顛沛流離嘅生活。每一年嘅續約制度，每一年都要面對有機會被離職嘅狀況，究竟呢一個可怕嘅社工制度幾時先可以完結？幾時先會有一個讓社工安穩工作嘅制度？喺工作當中每一個社工都要為自己未來有冇得續約而擔心受怕，有啲同工會敢怒而不敢言，有啲同工會盡量隱藏自己嘅立場，喺工會工作裏面見過好多...
最後，希望大家唔需要為我擔心，我已經有新嘅工作。係今年係社會運動裏面，我體會到真正幫到年青人並唔可以只係單單輔導佢哋，而係要從佢哋周邊嘅生活系統出發，去帶來改變。所以嚟緊我嘅新工作將會以家長工作為主，希望透過幫助家長重新諗起當初子女出世，對養育子女嗰份初心，從而幫助到將來嘅年青人。我始終認為：
「青年工作並唔係要改變青年人去適應呢個社會，而係幫助青年人喺面對社會洪流之下，仍然有能力站得住腳，做返自己！」
希望以上呢份初心，我會永遠記住。
Key
2020.8.16
支持工會，俾個讚好都好：https://www.facebook.com/skhwcwtu
P.S. 各位社福同工，因為我已經於舊機構離職，所以有關於舊機構嘅輔導專線、其他相關服務同工會嘅事務，我已經唔方便再繼續跟進，所以我希望透過呢篇文章讓大家知悉，謝謝！
「撐社工 · 守護公義」眾籌：https://gogetfunding.com/battlefieldswfunding01
#莫忘初心 #社工到底
圖：同事們影低咗我離開前一刻嘅背影
farewell心意卡 在 告别卡| Paper & Cards Studio 香港賀卡文具專門店 的推薦與評價
探索Paper & Cards Studio 為你精心挑選的告别卡。立即選購最新的告别卡。我們提供香港及全球運送及免運費。 ... Trolls Paper 心意卡. 正常價格: $6.37 USD. ... <看更多>