【大學淫亂ocamp之迷：明明有伴又扮單身？】
*相片係示意圖
一直以來大學既ocamp都比人冠上「淫亂」二字，唔少報紙為左影到ocamp既相竟然以$500利誘同學仔出賣朋友，所以我地先見到ocamp既相。啲相各式各樣、五花八門，有啲就一王兩后攬住錫，有啲就男上女下玩遊戲，有啲仲好陶醉咁狂打車輪。不過講到最爆嗰單，一定係上年一間asso ocamp既奶腳相。
張相up左上高登冇耐，比人轉載、轉載再轉載，因為相裡面著住熱褲既女仔竟然比兩個男仔夾攻奶腳！嘩，嗰陣我真係眼都突埋出黎，聽講個女仔仲有男朋友。當然個男朋友事後已經狠飛呢個女仔.....唉希望個男朋友唔好咁sad啦，女死女還在。
其實呢種人好趣緻，佢地可能一早喺ocamp話自己拍緊拖架喇～但係做既行為全部都似單身咁，完全冇距離感。所以佢地身邊勁！多！裙下之臣，個個都似佢地男朋友/女朋友。而要識別佢地唔難......例如有追求者向佢地獻欣勤會好冧、來者不拒，又會不時噓寒問暖、送禮物比呢班人。最後冚家比佢地迷到失曬理智，妄想對佢地好少少就可以坐正做正印。
平時追求者扮興奮講野博矇，或者以教野既名義痴得好埋、抽下水，佢地全部都欣然接受。於是班人就好開心，覺得可以再進一步。加上佢又講到同條女/條仔關係好差，成日鬧交，班人順其自然地食住上啦。之但係當呢班人行前多一步，佢地又會突然同另一半勁sweet咁放上網曬，可能曬收到花，可能曬去歐洲旅行.........最後成班追求者就onjj地被fd zone。或者你以為放棄就算數？佢地梗係唔會咁易放走啲人啦，再扮下單身或者冷戰緊咪比到幻想空間人地囉。
如果你唔係呢種仆街，而你又想去ocamp？你只需要問自己一句：你究竟識唔識得自律？係咪人地叫你玩乜你都玩？係咪個男仔冇啦啦拖住你隻手，你明明有男朋友仍然唔識鬆手？係咪群眾壓力下你會變得聽聽話話？好多野都係自己可以控制到，唔玩邊隻game絕對可以自己話事。
我男朋友之前都有玩ocamp，其中一個game罰佢要錫組女一啖，佢冇咁做到，反而接受另一個懲罰。所以要尊重男女朋友唔難，只要你夠堅定同勇敢講出黎就冇問題。不過如果你最後揀左被奶腳女仔條路.....你就要做好分手既準備。
#所以最屌係有另一半仍然唔抗拒狗公狗乸既人
#玩殘曬所有人
