［平安夜文章介紹］繼續summarize 下 Patreon文。當然本人特點係，呢個Summary可以同篇原文一樣長。
1. 告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）
2. 雖然呢，在台北我係無法避免地hea寫嘅，軟件（我自己嘅時間）硬件（酒店房，新電腦）問題都有。「不過衰得過我求其寫都仲好過好多人全力寫？」（＊）
3. 講返呢篇，「快評兩句」同大家講美股嘅Santa Rally—每年最後5個交易日，加埋下年頭2個，史上都好強，甚至差不多強過晒任何其他你抽7日出嚟。固然係（人地嘅）data mining，但咁啱落在年尾，我覺得有啲原因。入面仲會講埋，「如果Santa Rally唔出現，下年就仆街了」
4. 「大師冇點你」講返啲推介。Tesla就炒完架啦（係呀，聽日落到100蚊都唔關我事，你貴客自理）（＊＊）。但除咗早排都貼過咩 Disney，ASML，BlackRock，Nike之類舊經濟股（ASML唔係啦，但做硬件）創新高外，呢排到PayPal同DropBox，平台嘢。前者大家好熟啦，後者？估會畀人收購，上兩星期寫過。照計2021嘅大主題都係二線科技股。一線嘅同政府泥漿摔角，中美都係。有冇民主都殊途同歸，前者要維穩，後者要同選民交代。
5. 「每日一圖」有三個圖（因為上次係星期日出）。第一個講全球化點影響歐洲公司，廿年間，歐洲公司嘅收入來源已經好大改變。第二圖講聯儲局嘅最新預測，係喎冇加息，但有其他嘢睇嘅，睇返局方點睇經濟前景—重點唔係佢準唔準叻唔叻，而係佢太有權力。第三圖？基金經理持有嘅現金水平係7年新低。咁應該唔使好叻都估到代表乜了（真係唔知？咪入去睇。知都可以照睇）
6. 「Good Read」亦係三篇文。第一篇講職場，見工講呢6樣嘢就死得，「埃汾應該睇下」。實不相瞞，其中一樣我都中，見工問我做乜離開舊公司（唔係而家呢間），我都係答「同舊老細唔夾」。「不過我不忘加句：人夾人啫，我之前其他上司全部都夾得好好，佢地對本人有口皆悲，你可以去reference check」。第二篇講「人人都憎Facebook」，但個個離不開（說好了的MeWe）．Facebook人見人 憎嘅原因，正係佢成功嘅原因。第三篇講「Prostitution isn’t a choice 」，作者開宗明義係feminist，但我照睇。作者力排眾議，反對近年不少人講嘅「性工作都係工作」，亦因為咁佢堅持叫Prostitution唔係sex worker，因為佢認為呢種「工作」根本唔同其他工作，不能稱為工作。幾有趣，值得睇下。
7. 最後，Facebook Post Summary．但你見我呢幾日冇乜寫Facebook文，台北美食地圖都未貼完（就完成隔離）。有時間當然寫咗Patreon先。
8. 係咯，我所謂嘅hea寫，都寫咗上面咁多嘅嘢，1600字。再加埋呢度1300字嘅導讀（兼廣告）（＊＊＊），係咪抵支持先。（https://bityl.co/4Y0h）
（＊）或者佢地嘅全力根本唔係全力。我暫時仲維持住8月到而家冇甩過一篇稿嘅紀錄，早期一個星期三篇，而家一星期六篇，勤力過返工。有冇病過？梗係有。但病都要寫，「你估返工咩」。
（＊＊）其實有幾時可以唔係貴客自理？有人拎支槍迫你買？掉轉，你贏幾倍時會唔會話係我功勞？記住，永遠你嘅錢你自負。贏錢一定係你叻，我只係本波經，寫到啲你自己都想做嘅嘢。輸錢亦只係你失敗，我亦只不過係本波經。
（＊＊＊）我諗創作最高嘅境界，就係連廣告post都係我創作一部份。諗起我偶像方俊傑嗰時寫壹週刊，寫電視節目表介紹都可以創作，仲要好多讀者欣賞（包括我），成為自己嘅niche．才華係擋唔住嘅（我講佢），有天份嘅你叫佢寫電視節目表都可以證明身價，廢柴嘅，你畀佢去啲收一萬幾千一位嘅乜乜Forum上台鳩up，都只係安眠曲啫。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已900人訂！（https://bityl.co/4Y0h）
feminist post 在 From Feminism to Post-Feminism - YouTube 的推薦與評價
Feminist Theory: The Second and Third Wave · The rise of neoliberal feminism by Professor Catherine Rottenberg · Feminist Theory: The First Wave. ... <看更多>