巴基斯坦 - 嫁妝show off 篇
今天用了幾個小時幫新娘包禮物- 嫁妝！
話說今天我又是瞓到自然醒，之後我就燙自己嘅飲衫😝雖然佢哋講左好多次叫工人幫我，但我又不好意思住人屋企仲用埋人哋工人幫我做私人嘢，所以堅持自己衣服自己熨！但有小小問題，第一佢無熨衫板，第二佢個熨斗比較舊款仲要自己一路噴水一路在枱面熨！ 對於習慣用直立式steamer 嘅我真係搞左一段時間先搞掂。
之後突然男主人嘅大家姐同其中一個女兒嚟左，其實我已經習慣佢哋無時無刻都有客人到訪，就好似昨晩咁突然有朋友一家人來，傾到夜晚十一點先開始食飯，男女主人咁鬼熱情一定留客人晚飯，然後晩飯又傾計水煙，一點先可以去沖涼，所以有時在這𥚃好攰有原因咖！無幾耐新娘又到，我其實唔知佢嚟做咩，然後又一齊lunch ， 之後男主人突然話出去食街頭小食，我話好呀，然後又一車人去到market ， 佢哋要去取之前訂造的鈕扣，我又順便shopping ，又去睇啲首飾（假嘢），婚禮旺季周圍都係人，全部好似唔駛錢咁！ 行吓行吓又兩個鐘，之後就揸車回家！（😭説好的街頭小食呢！）不過家有喜事大家都好忙，我也不好意思追問！
回到家𥚃，新娘仲喺度未走，原來佢今日來要pack 好所有東西回家準備明天的一個喺屋企舉行嘅婚禮活動。原來佢所有嘢都放在男主人屋企，今晚先一次過車回家，可想而知佢屋企又幾大！未去pack 嘢之前我哋又傾左陣少女心事咁，結婚前一定好多嘢煩，我又順便八卦下佢其實係自己揀老公定屋企人安排，你哋又估下？！
之後入去間房幫手佢執嘢！ 然後我眼前見到一堆咩都有嘅嘢就係所謂嘅嫁妝！ 我忍唔住大叫左兩聲痴線！ 結一次婚要咁樣咖？！
首先有兩大喼衣服，包括婚禮好幾天不同的服飾仲有一般日常可穿的服飾，目測最少七十套/件！ 然後有十一對鞋，日常生活用品包括牙膏牙刷，冲涼洗頭用品，髮夾橡根梳，化妝品大量，只是唇膏也目測有十幾支，手袋十幾個，香水又一堆，風筒都有，還有一個訂造好大好大嘅鋼箱，好似我阿婆以前都有果種，裡面裝滿床單被鋪，仲有部份傢俬已送男家。唔少得一堆送比新朗（包括衫、香水、止汗濟、浴袍、毛巾等等）同新朗所有家人嘅禮物！ 睇完相你哋都會想講痴線！
以上所有嫁妝都係準新娘自己揀，然後新娘父母負責俾錢，即係結婚前攞正牌去狂fling 父母錢嘅活動！ 至於點解要有咁浮誇嘅動作呢！？ 據我所瞭解就係在巴基斯坦嫁妝就係一件show off 比男家睇嘅嘢：「嗱，我哋好錫我個女咖，佢要咩我哋都買比佢咖，結婚之後你對我個女都要一樣咁好咖，佢要咩都就曬佢，唔駛旨意蝦佢！」呢段對白係新娘嘅姨媽講😝😝😝你哋想像下佢講嘅時候幾咁肉緊😝不過男家嘅奶奶老爺都會準備好多禮物送比新抱同佢屋企人嘅！我同新娘講嚟緊十年你都唔可以去買嘢！🤣
睇到呢到身為港女嘅你係咪有少少羨慕呢？好想嫁去巴基斯坦呢？ 不過首先你要有巴基斯坦父母先會有呢啲機會啊，香港父母真係啋你都儍😝😝😝
不過唔好以為咁多嫁妝好開心，巴基斯坦少女一旦嫁人從此就以家庭為主，不要想像有自由同閨蜜去旅行之類港女最喜歡嘅事情，結婚之後基本上你只可以同你老公去旅行！好似我一樣成日自己一個人出走在巴基斯坦簡直係不守婦道啊！ 我諗離婚都要😝所以要三思啊！
見到咁大堆嫁妝我忍唔住問女主人：「如果有啲新娘屋企無錢咁點買咁多嫁妝？」 「有啲屋企會去借錢買！」「吓，要借錢買嫁妝好大件事喎！」「始終係傳統習俗，盡量想做啲嘛！」我望住男主人嘅大家姐：「佢有五個女咪要用好多錢？」佢細女搶住答：「我呀媽係富婆！」 我哋就喺一片歡樂聲中幫新娘包好所有show off 嫁妝了！
*不要借錢買嫁妝啊，借唔借還得到先好借啊😝
以上傳統不代表所有巴基斯坦人也會做，也是乎不同信仰/家庭/經濟/環境有不同。
之後再分享巴基式拍拖/婚姻😍密切留意😚記得估下一對新人係自由戀愛定被安排婚姻？
《待續》
別忘了把Facebook專頁為"搶先看"（See first）以及"開啟通知"（Notification On）
較詳盡的更新在Facebook: indiapinkpink
濕濕碎碎的更新在Instagram：indiapink
fling意思 在 Fw: [討論] fling到底是什麼意思？ - 看板joke - 批踢踢實業坊 的推薦與評價
※ [本文轉錄自 sex 看板 #1HuCeEL8 ]
作者: lpbrother (LP哥) 看板: sex
標題: [討論] fling到底是什麼意思？
時間: Sat Jul 13 11:31:22 2013
昨天在影集上看到Fling這個字，
我放到google上面準備查詢，
結果不小心按到圖片，
結果出現了不少性愛圖片，
我暗暗吃了一驚，
想說這到底是什麼意思，
但是經過查詢之後，感覺好像是類似砲友或是一夜情之類的字眼，
但我還是不確定，
有沒有鄉民知道Fling到底是什麼意思？
--
※ 發信站: 批踢踢實業坊(ptt.cc)
◆ From: 120.117.33.209
※ 發信站: 批踢踢實業坊(ptt.cc)
※ 轉錄者: OO2 (36.232.161.210), 時間: 07/13/2013 16:03:31
... <看更多>