Search
#foodiejobie西鐵線 #foodiejobie中式 #foodiejobie中環 #foodiejobie紅色線 #foodiejobie藍色線
味道：🌕🌕🌕🌗🌑
服務：🌕🌕🌕🌑🌑
抵食：🌕🌕🌕🌕🌑
.
《❤️譚仔新出撈米線！》
麻辣汁烤雞炸醬撈米線🍜（$45）
雖然已經立咗秋，但都仲係又熱又焗，見譚仔第一次出無熱湯嘅撈米線，好啱依家嘅天氣食，咁就去試吓啦！
一碗有三款配料，雞件、炸醬、酸菜，咁啱全部都係我食湯米線會叫嘅餸！
厚切雞件肉質都滑呀，唔會乾，唔油膩。原來除咗炸醬之外，佢仲有秘製麻辣醬汁係入面。酸菜味道甜甜地，配埋濃味嘅醬汁食，香辣中帶點fresh，個配搭又幾開胃。
蒜椒雞腳筋（$27）
其實唔知咩係雞腳筋，原來係軟骨嚟，口感係爽脆，加埋雞皮，好有咬口。
伴菜仲有木耳，一次過食到兩款爽口開胃小食，$27都幾抵。
醬汁有蒜同辣味，幾惹味，呢款涼拌小食香港好小地方有得食。
凍海鹽柚子樂（$12）
食辣野最緊要配解辣嘅凍飲先夠爽，可樂加柚子醬同海鹽幾夾，酸酸甜甜咁。
.
店鋪：
譚仔雲南米線🍜
#foodiejobie小食 #foodiejobie網店 #foodiejobie日式 #foodiejobie #foodiejobie甜品
味道：🌕🌕🌕🌗🌑
抵食：🌕🌕🌕🌑🌑
.
《奢華矜貴的金箔蛋糕》
從前明月光，低頭思故香，相信日本係好多香港人懷念嘅故鄉。冇得去旅行嘅時候，又想應吓中秋節，可以考慮買呢款日本🇯🇵名店金澤萬久出品嘅「金箔蜂蜜蛋糕」嚟同親朋好友一齊品嚐，細味日本嘅風情。我打開個盒，畀佢鋪滿晒金箔嘅蛋糕嚇咗一跳，🌟點解可以咁奢華🌟，真係第一次見到全個蛋糕面都係😍鋪滿金箔！
仲要細緻到喺上面印咗一條條嘅金魚，感覺十分矜貴，呢啲拎嚟送禮一流🤣👍。
至於個味道呢，每一啖都係好甜嘅蜂蜜味道，真係好甜，但佢又唔係砂糖嘅死甜，真係有蜂蜜嘅味道，蛋糕好夠滋潤，再拌送一杯焙茶或者抹茶就Perfect啦。
.
📍網上超市：
@oisixhongkong
#foodiejobie #foodiejobie尖沙咀 #foodiejobie紅色線 #foodiejobie西式 .
味道：🌕🌕🌕🌕🌑
環境：🌕🌕🌕🌗🌑
服務：🌕🌕🌕🌕🌑
衛生：🌕🌕🌕🌗🌑
抵食：🌕🌕🌕🌑🌑
.
《Wine Pairing😋北歐菜4道菜》
如果想同另一半去🥂飲吓酒，食吓好西，可以試吓呢間北歐餐廳。佢嘅食材都係靚料，味道都唔錯！😆
🍽前菜係日本🇯🇵直送嘅岩手釜石蠔（一人有兩隻），好肥美。
🍽頭盤係鮮美嘅帆立貝刺身配芬蘭蝦肉，口感好豐富。👍👍👍
🍽主菜有香煎梭鱸魚伴開心果牛油/ 澳洲M5和牛扒配紅酒汁。我同男朋友一人叫一款，一致推介香煎梭鱸魚，表面煎得香，裏面夠嫩滑，底部嘅薯蓉好細滑好好食😋，開心果牛油好特別，溶化落魚到一齊食分外香，好夾！😋😋😋佢仲有唔少嘅魚子醬喺上面，加埋一齊食唔會太鹹，啱啱好。
🍽甜品係蘋果批拌杏仁忌廉，份量都唔細件。
如果加咗wine pairing，一人會有3杯酒，分別係會分三個菜式上，加咗幾抵飲！
.
佢哋而家仲有個Staycation優惠仲抵，包住一晚，加埋晚飯。
.
📍餐廳：
FINDS (尖沙咀)
尖沙咀金巴利道39號帝樂文娜公館1樓
