我和你的馬爾代夫，看著那海龜水中游之海龜在哪啊？
曾經，我說過，我真的說過，不到3、40歲，大概都不會去馬爾代夫，因為覺得貴、悶、冇新意。
但今次唔知點解就去了呢個位於印度洋上的所謂天堂的地方。
由於本來我對這地方沒太大期望，只知海很清、resort很grand、消費好貴，但去馬代果幾日，選了six senses來住。我收返我句野，我愛死馬爾代夫了，再回去，我lur飯應，但前提都是要住six senses。
由一開始未去，佢地已有個GEM（是你住果幾日的管家)同你email say hi，仲send定個form俾你填資料，睇下有冇話間房想準備咩音樂，電影，要唔要extra 枕頭果D啦，另外仲有冇咩特別慶祝，例如Anniversary，可能會幫你佈置下。然後其實我冇野寫，寫左句80 months celebration，我諗管家收到應該無那奈，所以去到當然是沒佈置，哈哈。
然後，一路到搭內陸機加快艇去resort，上岸到站果下竟然個manager已經認得晒我地D人係邊個打邊個，我好驚訝，後來問返先知原來係靠我地行李綁的房號而一早有接送人員通風報信了（在機場員工幫我們掛的)，這個細心雖好似有點多9餘，但其實又真係好加分。
同我地管家相認後，我地就去房，之前總是說去馬代點可唔住呢個水上屋呢，所以這次我們就如願住了over water villa，真係一出房就跳落海果隻，再送你個private pool！整間房有讚冇彈。我地仲要係最出的那間，望出來真是一望無際的大海，無其他野阻擋，在這次我們睇齊了日出與日落。（在這裡要提你如果真係去，可嘗試同GEM request最出果間，因為個view真係爭好遠，佢地會盡量安排俾你。)
在那住出入都是踩單車的，所以單車都有我們名字的簡寫，另一加分位。但由於阿陳踩單車唔掂，所以我們那幾天都是行路，腳皮都變幾吋厚，但我buy既！為環境呀嘛，我明。
Six senses有多美，我不多說，看圖片就知道。食物，我冇咩要求，但都係正正子的。講到個SPA，更是屈機，在一個鳥巢形的空間入面做，望住印度洋海景，聽住海浪聲，鳥聲，我醉了。而我最欣賞的，是它那愛護環境的主張，所以整個島都是無鞋政策，另外也很多分類的垃圾箱，四周都是最原始的大自然、小動物，沒有那種豪華氣派的土豪resort感，令人感覺和大自然很接近，好舒服。歎過先知，原來這種才是最觸動你心靈的體驗。
成個旅程真係要數比較失望係睇唔到海龜同埋天氣唔係長期天晴，但做人要知足，中間有一整天的陽光我已好滿足了，天晴的馬爾代夫，海面原來真是閃亮亮的藍色的。
回來後，我大叫：「好想返去我地間房呀，嗚……」
陳：「你已在。」
我：「我講緊six senses，凸。」
#sixsenses #sixsenseslaamu #maldives Six Senses Laamu
------------------------------
Our ig: @erieri.c @ronronchan
form d通風 在 Maxicool Services - 首頁| Facebook 的推薦與評價
粉絲專頁企業在地服務住家修繕服務家電維修服務暖氣、通風與空調服務Maxicool Services ... Mold will also eventually form on the trunkings or partitions. ... <看更多>