呢兩三個星期聽到好多朋友向我訴苦，內容大致係：公司話停薪留職、老細話要減薪、想轉工但唔敢轉、而家辭職係咪好傻、有冇工介紹、仲未搵到工...等等。
再近呢一兩日，又有幾個Marketing朋友不約而同咁問：「你啲job多唔多？我哋公司冇廣告咁滯。」
「我呀......疏咗好多喇，跌幅應該有4分3🙈」
以前朝朝都係畀Marketing追稿追醒，呢排起身之後發現自己冇嘢趕，感覺都幾失落。而家我同Marketing或者客傾計嘅時候，大家呻完一輪都會互相鼓勵，捱得過既！一定捱得過！唯有做好本份先。
我兩個員工都好可愛，男嘅每日叫我減佢人工，話自己單身寡仔唔使咁多，女嘅就每收到一個廣告enquiry都會開香檳咁滯，早兩日佢先同我講：「Yeah，下個月有廣告喇。」其實之前去到月尾呢啲時間，下個月嘅廣告已經排到好full，嗰陣啲客如果問：「下個月5號有冇期出隻廣告呀？」我會左度右度：「5號有廣告呀，唔想太多廣告，10號得唔得呀？都係唔得，10號有booking，15號呢？」而家啲客問我：「下個月5號有冇期出隻廣告呀？」我會答：「下個月吉㗎！任揀。」
我哋所有人，無論full time定part time，無論老細定freelance，junior定senior，而家都處於艱難時期，希望大家可以頂住，點都要捱過呢一關。
至於幾位問我好唔好轉工嘅朋友，佢哋分別來自不同行業，有時我簡單聽幾句未必掌握得晒佢哋所面對嘅難題，就咁叫你轉或者唔轉都係不負責任嘅言論，不如睇下數據，畀自己思考沉澱同埋部署。根據求職網站JobsDB嘅資料顯示，以下呢5個行業影響最大，招聘廣告嘅刊登數量比去年同期1月至3月大跌，換言之即係position少咗，例如款待／餐飲業係怒跌78.6%，一個行業有接近8成嘅position冇咗，而搵工嘅人就比去年同期多咗好多，公關／市場推廣／廣告行業嘅job ad比去年同期跌咗68%，但係apply呢幾類工種嘅人就升咗152%，僧多粥少嘅情況好嚴重。
唔知大家有冇興趣睇呢啲真實數據，如果有的話，我仲可以講下邊啲職位比去年同期錄得2倍申請增幅，即係好多人爭，HR收呢幾類工種嘅CV收到手軟。
題外話，喺武漢食野味嗰班人唔知死晒未呢？
freelance job招聘 在 大量Part-Time及Freelance招聘 - Facebook 的推薦與評價
The World is Changing! Only Knowledge-Based Jobs Exist! 【Bring You Careers of… More ... ... <看更多>