🔥Career Coaching一周年限時優惠🔥
話咁快,Career Coaching 已經推出了一年。呢一年來經歷唔少高低起伏,由一開始係膽粗粗係香港市場提出 Career Coaching 的概念 - 有別於一般獵頭介紹工作的形式,反而以幫助每一位求職者由提升 CV,去到準備 interview,再提供職業生涯意見為目標。在一年來,我由自己獨身一人擴展到有十多人包括HR、獵頭的Career Coaching團隊,共完成了近 400 次的 Coaching。在 400 人當中,成功搵到工得到 offer 的有 160人(截至上星期),成功率接近 40%。若非今年的 job market 受疫情所影響,相信成功率將會更高。
在一年之中,我亦發覺唔同職業生涯的 candidate 都面對著各自的困難:工作10 幾 20 年的資深求職者可能在過往幾年甚至十年都無搵過工,對寫 CV 同面試覺得生疏、缺乏經驗,同時又覺得自己若不再進步便會被淘汰;至於工作了 6-8年的求職者則大多感到迷失,迷惘在應該如何在事業上更上一層樓或應否轉行;而剛畢業的 fresh grad 則欠缺求職方向,亦面對大量畢業生湧出市場競爭激烈的情況。
一年內社會環境變化極大,聽到不少香港人打算移居到他國工作、生活。因此在 7月時開辦了5 場的英國 Career Coaching Seminar,總共有 300 多名觀眾參與,為大家發展海外事業提供了實用意見。在 9 月初,亦舉辦了澳洲 Career Coaching,迎合各讀者的需要。
過往曾經有成功搵工的 candidate 都跟我說:「久保,雖然我上完你團隊的 coaching 覺得性價比高、提供到好多有價值、上網完全搵唔到的 insights,但好多人會礙於你的收費而卻步。」於是在與團隊商量後,亦考慮到疫情的因素,決定在一周年提供 8折的限時優惠;若你在過去數月不幸失業,我會幫你優先幫你安排 Career Coaching,並有半價優惠。
最後亦多謝過去支持過我們的每一位讀者,我和我的團隊亦感恩能夠成為大家幾十年職業生涯中的一位重要夥伴。將來我亦會繼續進步,為唔同 candidate 提供更度身訂造的 advices,成為大家在職業生涯上的終生伴侶。
160個成功個案,並唔係簡簡單單一張張圖片,而係一個個跳出舒適圈、改變自己嘅故事,亦都係我哋嘅動力。
之前應承過各位今年係絕不加價,反而會做更多優惠幫到更加多嘅人。
🔥限時優惠🔥
一周年限時優惠到今個星期日截止。
10月檔期:🈵
11月檔期:星期一至五檔期全滿,現加開星期六日檔期
12月檔期:12月初檔期全滿,現加開十二月中檔期
📍在職人士:8折優惠
📍待業人士:半價優惠
10月已經滿咗,做埋今次優惠,約到11月同埋12月都應該會爆滿,出年就會調整價格同埋我都會開始接少啲Case,主力要做返Recruitment。
據了解HR已經開始準備下年budget,部份公司已經決定下年將會cut/freeze 更多 headcount。
預計下年就業市場將會更為嚴峻,你的競爭對手將會更多,好好把握今年最後的機會俾我地幫你自己。
If not now, then when?
唔好俾太多藉口自己,請你俾我哋幫你。
有興趣請PM。
IG: Fillturecareercoaching
#fillturecareercoaching
#職涯規劃
#careercoaching
「fresh grad伏工」的推薦目錄:
fresh grad伏工 在 姐死姐還在 Facebook 的最佳解答
<<點解人要返工?>>
每日日以繼夜,夜以繼日咁聽到香港人四出買口罩,然後每日聽衛生署同埋啲政府膠官update 確診同感染嘅個案不停上升,又死都唔封關。未感染武漢肺炎之前,可能已經感染咗居住香港無定向長期低落間歇性好想死失調症,簡稱精神病。 今日轉一轉個話題,講一講fresh grad朋友最近搵緊工嘅經歷。
可能大家出嚟做嘢做得耐,不如大家嘗試下代入 ….
假設你係2019年嘅大學畢業生,你想像下,由2019年嘅2,3月開始搵工,不停搵工,面試。私人公司由2019年q2開始,放風聲出嚟話零售市道好差,會freeze headcount, 同時恐嚇打工仔冇bonus, cut人手,裁員。 你係一個fresh grad, 基本上喺jobsbb搵到嘅所有 available vacancy, 全部都係一啲中伏嘅工,個啲請咗一年仲出現嘅工,個啲明明你合乎哂qualifications 又唔叫你interview 嘅工。
就算你將個expected salary, 好似香港信貸評級咁一路下調,依然係搵唔到工。
一直無了期咁,一路等等等等等等,等到2019年年尾,又因為武漢肺炎,本身約你去interview嘅公司,一改再改interview嘅時間,兜口兜面interview 改成phone interview, phone interview 又再inform 你公司因為最近情況,暫停 recruitment, 叫你等消息。
你作為一個年青人,由2019年年頭,又要做文宣,出街抗爭遊行,食催淚彈,驚畀人拉,有案底同 應付官司,搵工面試比人拒絕,再遇上武漢肺炎。你設身處地咁樣想像下以上嘅經歷,有冇打冷震?
咁可能你會話,人人都又抗爭又抗疫,你而家仲緊張一個年青人有冇工做?世界咁亂,大家一齊罷工啦。 罷工呢兩個字,對於失業嘅年青人嚟講,係一個好大嘅諷刺,你要先有一份工,先至有資格罷工。
當一個口罩,賣到幾十蚊一個嘅時候,一個失業嘅青年人,除咗要解決三餐同埋學貸,仲要揾錢買口罩。係咪好灰呢?
點解今日要講一fresh grad 搵唔到工嘅實況?我其實係想講下一個人點解要工作?
我諗好多人每日起身,都問點解要返工?我睇過好多有關點解要返工嘅答案?好想同大家分享以下呢個,我覺得佢係最能夠詮釋點解大家要返工?
佢話人類係群體動物,點解我哋需要返工同勞動? 就係因為我哋要互相作出貢獻,互相幫忙,先可以存活。你無啦啦點可以喺人哋手中得到協助?你首先就要有貢獻,協助別人先。當然有啲人話:我係獨家村嚟嘅, 我唔需要任何人嘅協助都可以生存。 唔好戇鳩啦,你生活所有嘅必需品,都需要人哋協助同contribute 出來,包括水,電,食物。
咁既然講到每個人都必定需要一份工,成個人類族群先可以sustain, 咁有乜嘢情況,你係應該唔做嘢,或者罷工呢 ?
喺人類需要大家協助,先至可以共存呢個原則之下,醫護人員係應該罷工 …
而家一班醫護人員單方面不停被要求做做做,單方便透支, 做死呢班人,呢個互相協助嘅原則就會崩壞,大家就存活唔到。
非常時期,保護自己,免受感染,唔好添加麻煩俾醫護。
同時抗疫成功之後,支援下個班揾唔到工嘅小朋友,唔好俾you help me, i help you 呢個循環崩壞。
fresh grad伏工 在 野鞋子 - Wild Shoes Facebook 的精選貼文
[是他也是你和我]
寫得太好, 不能只有我看到.jpg
篇文好似唔關行山事, 但其實好關事.
嗯,我仲未放棄.
"身體變差了,易攰易病易眼瞓,到某次沖涼照鏡,明明瘦足廿年既你,竟然開始有肚腩,你崩潰之餘亦立志學人做Gym,這亦解釋了何而那麼多人由細到大無運動,到中年卻無端端開始跑步行山投奔大自然。除了身,還有心,你會感受到自己對很多事情、活動驟然失去興趣和熱情,所以除了運動,也會無離啦更搵野學,打鼓結他畫畫鋼管舞二胡乜都好,只希望在日日返工放工既迷霧裏,找到一點生活的變化。"
“呢排身邊好多好多朋友迷茫失落,不如意事十常八九,唔知前面會係乜,但同十歲估唔到廿幾歲係點一樣,一路走來,繼續前行,總會捱過。2018過左兩個月,提提大家返屋企同爹娘食飯,珍惜果幾個僅餘下來搵你唔係買基金保險既朋友,把握時間行山跑步轉工學野,有另一半既,多謝佢一路走來仍然不離不棄。”
【絕望真相】-《廿幾歲原來真的不像你預期》
相信每個人細個都曾經幻想過自己廿幾歲係點,而年少無知、天真爛漫既少年總會偏向相信自己係天資聰穎,獨一無二,前方等緊我地既必定係精彩傳奇的黃金十年,就算唔係維護世界和平,化解核彈危機或者解決糧食問題,至少都可以成為一個發火發熱、貢獻社群、受人注目既有為青年。
可惜,轉眼間三字頭都逼在眉節,生活卻有如星爺喺《功夫》入面幾經辛苦搵到火雲邪神,最後發現係一個底橫膠拖既呀叔一樣,你回首畢業後的數年,原來只係一個不外如是既打工仔,庸庸碌碌、渾渾噩噩返工放工咁過左大半,青春小鳥靜靜飛走,唔止世界,連廿幾歲都真的不像你預期。
踏入廿幾歲既最大震撼,係曾經以為自己可以青春不老,但某年某月某日某一下你會驚覺,原來生命只係不斷倒數,仲用緊升壓窩瘋狂加速。
明明中學六、七年、大學三、四年都過得異常漫長,每次諗起將來都覺得「三十歲?有排啦!」;但一出黎做野,喺返工放工括號N次方既無休止輪迴下,你會久唔久就想大叫「啲時間過得咁快既!」,三字頭由遙不可及到近在咫尺,成為即將要面對既現實 — 原來自己係會老。
西歷新年之後又到農曆,明明岩岩先定下「今年目標」,轉過頭已經聖誕。慢慢你會分唔清邊年打邊年,「幾時入呢間公司呢?」「Tiffany前年結婚架,唔係喎,定大前年呀…」可能係要記既事太多,又可能係生活已經平淡似水,當年讀書的多姿多采無以為繼,從前所期盼的五光十色、意氣風發卻沒有出現,依家只能靠Facebook memories,去丁返當日的年輕貌美同年少輕狂,這是你第一次怕老。
而人事除左變得好快,亦變得好快。講起Facebook,十年前覺得開左Facebook已經係潮流尖端,你點估到今日Facebook原來係「呀爸呀媽先用」,能夠咁快榮升父母,究竟應否欣慰?當你見到果條好hit既補習社片,條得烕既靚仔笑人用Facebook,你心中難免有煎佢兩巴既衝動,然而,你心知肚明,今日仲養緊蛙,聽日再post都俾人笑啦,生活、社會的節奏好比樓價和樂瞳身材爬升的速度,當你留意到已經太遲。
當有些事物光速般前進,有些人事卻不斷倒退 — 父母徐徐老去,身體記性轉差;曾經追/丁過既女今天不復當年勇;當日你覺得充滿威嚴、睿智的老師亦老態畢現,曾經的球星唔係即將退休都職業生涯晚年,個個由TBB轉睇泡菜劇聽泡菜歌,當你想繼續堅持那些由細陪到你大的廣東歌,你赫然發現佢地竟然出現係《流行經典五十年》,更震撼的是,連愛情動作片的女主角都已經係千禧BB。
跟手你會覺得從前的歌手才是明星,當年的歌曲才是音樂,舊時的電視電影永遠好睇啲。星期日的下午,你還會坐下來睇足成套《午間星期日影院》,對著那套睇左一千次既《家有囍事》和《嚦叶嚦咕新年財》發笑,「Shit..」,你終於留意到,自己開始變成小時候恥笑的父母親,這是你第二次怕變老。
仲係學生時銀根短缺,唯有期待長大後的夜夜笙歌。到終於有啲錢,又點估到自己由以前的千杯不醉,變成去食飯淨係想要杯暖水。當天打通宵牌、唱通宵K第二日仲可以飲早茶,依家一點鐘都嫌夜。偶爾一次朋友請飲飲到不省人事,頭痛左兩日發誓唔再飲(咁多)酒,你已經由抗拒變成接受自己不再年輕。
不斷劇變的世界加速你的老態,而返工既生活就會令你覺得乜都變哂。
十年前,你無諗過起身返工原來比起身返學痛苦十倍,亦無諗過每天起身都會check港鐵會否延誤和大市股價有否插水。唯獨不變的是每早喪屍般出門時也應承自己今晚要早睡早起,到晚上卻又不捨在床上僅餘的私人時間而狂碌電話。
身體變差了,易攰易病易眼瞓,到某次沖涼照鏡,明明瘦足廿年既你,竟然開始有肚腩,你崩潰之餘亦立志學人做Gym,這亦解釋了何而那麼多人由細到大無運動,到中年卻無端端開始跑步行山投奔大自然。除了身,還有心,你會感受到自己對很多事情、活動驟然失去興趣和熱情,所以除了運動,也會無離啦更搵野學,打鼓結他畫畫鋼管舞二胡乜都好,只希望在日日返工放工既迷霧裏,找到一點生活的變化。
慢慢你心裏有一千件事想完成,好告訢自己青春還在燃燒,生活仍可改變,但理想歸理想,得不到也等於妄想,工作疲累與生活壓力,已經讓你無法持之而行全力做好一件事,最後只能不了了之。所以每到新年,看到身邊人話要多愛自己身邊人,開心樂觀積極減肥學呢樣果樣,你慢慢明白,同香港既民主運動一樣,「口號黎既姐」。
身於香港異常的矛盾和壓逼,旅行成了你的終極娛樂,甚至是一種信仰。相信只要有旅行去,一切問題、煩惱、迷茫也能取之而去。年少時的旅行,盤川所限只能窮遊,沒有物質的享受,過程辛苦卻難忘,那時你下定心日後賺到錢,必定要重遊那些曾經走馬看花或甚至無錢踏足之地。今天錢真的搵多了,但估錯的是無論時間、假期、精神也只容許你趕頭趕命早機去晚機返,曾經幻想的「一個月漫遊東歐」已經不切實際,能夠偶爾「東京四日三夜」已算不錯,但中間仲要不斷諗買咩手信返公同覆老細同事Whatsapp。在Facebook IG 瘋狂分享刺身海膽和帶子,成為你一張引以自豪的成績單,整年的快樂建基於離家出走,你分不清應該高興還是失落。
廿幾歲的第三個震撼,係你終有一日要接受,自己不是太出色和優秀,甚至比7仔更普遍。
曾經你憧憬自己即使不能穿梭於中環金鐘,面對無敵海景,生活閃爍得讓人眩目,也至少是一個飽讀詩書既知識份子,可以盡一己所長,在喜歡的工作中追求卓越。唯獨今日和卓越最接近的一刻,是偶爾到卓悅買落妝水。幸運兒還可以戴個MT光環,卻打份普通得從未想像過會做的19工,不幸的甚至只能在中型公司做個「Executive」。最初你難以接受,深信是懷才不遇,千里馬總會遇上伯樂,但隨著年華逝去,你逐漸醒覺,原來並非「不遇」,而是根本「無才」。
看見公司的Fresh Grad新人,你笑他們戇下戇下的同時,也十分懷念自己的衝勁,你接受唔到自己已經唔再「新」,但身體卻非常適應公司甚至社會的一切規則 — 不太大癲大肺、情緒沒有起伏波動,失去主動幫助別人的心,每天上班下班沒有特別感受,返工笑臉迎人,放工木無表情,漸漸竟然成為曾經所討厭的人。
而人工成更加成為了你意想不到的重大考驗,曾經你覺得搵萬幾兩萬蚊都好多好夠洗,大個先發覺搵得愈多,洗得仲多,錢儲極都唔夠,每個月一出糧又交咭數,交完咭數又好似無出過糧,然後又要碌咭。若然廿到尾仲搵緊一字尾二字頭,其實真係唔知點講出口,你會懷疑讀左咁多書究竟為乜?但你見到報紙話香港廿幾萬人住劏房,當中有5000個係行政人員,自己能夠成為全港三份一既公屋戶其實已經OK。你親身領匯緊香港愈趨誇張既貧富懸殊,同埋缺乏上流空間,寧願經濟冧樓價跌都唔想市道好,因為你知道就算經濟幾蓬勃,都係「從來沒我份 犧牲當做例行」。
到你捱到慘過做狗加人工,以為錢搵多了就會更開心,生活卻無隨之變得更快樂。責任重左,要兼顧、計劃既事多左,父母、愛情、前途,樣樣都逼在眉節,刻板生活卻又不斷重覆,明明每天安坐Office,放工放假都攰到唔想出街,如果真係住得遠,返工放工兩程車,已經夠你情緒跌入黑洞,返到去乜都唔想煩唔想做唔想理。
除左人工,唔知自己「做緊乜」同「想做乜」先係更加濕滯。可能你已經轉左幾次工,但好似無一份真係好鐘意,你開始明白唔係無鐘意既工,實情原來你根本唔鐘意返工,只係愈黎愈著緊人工同埋幾點收工。當你仍然毫無方向,前途和收入沒有多大晉升希望,你竟然開始去考從來無諗過做既政府工,當然,唔係話考就考到。
偶爾回看Facebook Memories,想起讀書時的夢想,又或者受左太多氣,都有祼辭、再讀書、Working Holiday既衝動,但一諗起無收入、無家用俾,你既遐想就瞬間消逝。
因為你諗起你爹娘,佢地可能就退休,甚至已經無收入。偶爾凝望好耐無細心留意的雙親,會發現他們多了很多的皺紋和白頭髮,你記得自己曾經好唔鐘意屋企,喺Facebook打過「點解要生我」,諗過廿幾歲一定要搬出去,到今日明白原來已經唔知可以對多幾耐,仲有幾多餐可以同父母食,吃到他們親手煮的餸,你的眼眶有點紅,這刻你終於成熟,但同時伴隨既係傷感 — 好想俾更好既生活佢地,但你有心無力。
呢個時候,你想搵人傾下心事,抒發下平日視而不見既鬱結。但望住contact list,大部份朋友已經變成「好耐無見啦」「幾時出黎呀」「好呀」之後對話就會停止。你估唔到曾經一星期打四日波既好兄弟,出五次街既好姊妹,都一一失散,你甚至連咩原因無再見面都諗唔起,係你約左佢19幾次佢都唔覆甩底,定發左佢脾氣,還是各自有新朋友?
那些曾經一日一千幾百條message既Whatsapp group亦不再活躍,當年Grad Trip後約定的旅行,你知已經無可能,就算係平日普通食個飯,都可能要搞兩三個月,仲要OT遲到,然後閒話家常同做啲基本update就要趕住走第日返工,珍貴既星期五六日亦未必排到你。慢慢去到一個境地,新相識不太熟,舊友又找不回,真正keep到的好友屈指可數,有愈黎愈多去飲先見到既朋友,其餘的只能在IG Facebook看到他們的近況,還有充斥著海量既長輩圖。
當年可以講通宵電話,今日即使徹夜難眠,想搵人吹下水,打算WhatsApp某人,但諗起寒喧幾句之後都唔知點收尾,又或者只會收到「下,你過得好好啦咁都唔開心?」,你寧願繼續上IG、高登。最後,你會發現一個人都可以好好生活,習慣很多事只能自己解決。
但諗係咁諗,望到快要到來既三十歲,你有啲怕獨自面對,想起自己曾經昐望的真命天子的模樣,曾立志要幾歲結婚,婚後生活多麼甜蜜動人。奈何情路崎嶇既,繼上次分手後,已經2年無拍拖,曾經笑人用交友App,估唔到今日自己都想用。堅持的擇偶條件竟然變得愈黎愈少,或者男性比較專一,仍然只睇外表,但女既已經轉移重視人工、事業,「做政府喎」、「有車有樓!」,或者真係要搵到岩條件既唔難,但心跳的感覺已經一去不返。
而有拖拍既,幸運既可以早日行禮,唔好彩既仲要為首期操心。而喺等待成為樓奴既途中,更加可能出現比力威更嚴重既掙扎 — 已經要討論成親,卻懷疑到底呢個是咪真的可以付託終生,同時又怕關係有變,適心栽種全力貫注既感情付諸東流,呢個年紀分手又要重頭黎過。算真係買到樓,結到婚,今時今日既香港,生仔與否已經係一條會考級數既選擇題。
我們被逼成熟,但未來得及成長,便已經老去。做仔做女既時候總係「相信」、「以為」,到今日最多既係「竟然」、「原來」。「還記得有多久未好好哭過嗎」,聽周國腎的《Children Song》,第一句已經入心入肺。
雖然估唔到既事十件有九樣衰,但認清現實既殘酷先更能夠勇敢向前,好彩今日廿幾歲既我地,係睇日漫日劇、聽勵志歌長大,熾偉用四集輸左二比零,仍然會講「比賽依家先開始呀!」;就算好似三井壽咁崩潰,安西教練都話,「以家放棄既話,比賽就結束了」,我地都深信日後盡量別教今天的淚白流,誰都辛酸過,那個沒有?
呢排身邊好多好多朋友迷茫失落,不如意事十常八九,唔知前面會係乜,但同十歲估唔到廿幾歲係點一樣,一路走來,繼續前行,總會捱過。2018過左兩個月,提提大家返屋企同爹娘食飯,珍惜果幾個僅餘下來搵你唔係買基金保險既朋友,把握時間行山跑步轉工學野,有另一半既,多謝佢一路走來仍然不離不棄。
原來,呢篇文打左14個原來。
原來,廿幾歲真的不像你預期,但只要一息尚存,始終可以重新做起,只要你仍未放棄。
逆行
#有無人會睇哂四千幾字
-----------------------------------------------------------------------------
前文共賞:
【生活點滴】- 《做空姐既另一半其實唔易》
https://goo.gl/S1TJ5g
【絕望真相】 《新界西人絕對係一群堅毅既物種》
https://goo.gl/p8f6zD
【絕望真相】-《每個人睇完六樓后座,都應該幻想過出黎做野之後要同朋友租個地方一齊住...》
https://goo.gl/DWQV4g
【絕望真相】《一生人只為搵一個,與你相隔半小時車程的女友》 https://goo.gl/y6dcNd
【絕望真相】-《同人講鐘意Twins一定俾人笑到喊出黎,但我真心慶幸經歷過佢地既全盛時代》
https://goo.gl/EuQbc5
【絕望真相】-《擺酒派帖絕對係一個反思自己做人處世既好機會》https://goo.gl/oB5fwG
【街坊劇場】- 《一對情侶去到某個年紀,總會為將來罵交》https://goo.gl/YgoEkk
【絕望真相】- 《每次有好朋友失戀,自己都會有所成長》
https://goo.gl/cwxvZ4
【絕望真相】- 可以同另一半成功去到一個旅行,呢段關係你要好好珍惜 https://goo.gl/FWXsTK
fresh grad伏工 在 Fresh graduate 人工- 港澳工作板 的推薦與評價
想問下大家畢業後搵工收到嘅offer係幾多錢一個月?利申23年graduate ,in咗一 ... Fresh graduate 人工 ... 手工代工伏唔伏? 心情39・留言16. ... <看更多>
fresh grad伏工 在 【 海外/本地FG搵工攻略⚠️】去海外實習冇人工收仲要貼錢 ... 的推薦與評價
【特別節目】 今集係同HKUST Career Center合作嘅訪談節目! 不論你係freshman定係就 grad 嘅老鬼,搵工都係你嘅一大挑戰! 如果打算試下出國工作/ ... ... <看更多>
fresh grad伏工 在 JobsDB Hong Kong - Fresh Grad望呢邊 的推薦與評價
Fresh Grad 望呢邊~ 想知幾時先係最啱嘅搵工時機?嗱,就係⋯⋯:http://bit.ly/搵工好時機. ... 多數咩都唔睇咁急要人的, 都係伏工. 3 वर्ष. ... <看更多>