[今日寫呢啲]月尾,又或者係月頭,睇你點睇。春夏秋冬又一春。
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
今日反而冇寫好多咩推介呀,大市睇法呀,冧把呀咁。換個方式(放心,換一日啫).講幾個故事,睇返啲心法同教訓。有機會可能在Facebook Page細講- 不過以往講得呢啲嘅,十居其九都冇在Facebook Page細講,太忙了。所以一定係睇Patreon早買早享受,付費讀者喎,梗係最優先
另外,唔係自吹,但好多我講嘅心法,核心信念,都真係在我本書都有講。唔係賣唔去要告急,而係真係好多人話我知有用,應該幫到你。未買嘅各大書局有售,或者上HomeBlogger訂,王維基HKTV Mall都有。利申:我係HKTV股東,咩呀,一股都係股東。而我唔係HomeBlogger股東又唔係員工
港股嘅,昨日小奇蹟日添。今日會點?鬼知咩。唔係跌咪升。我唔明點解有人覺得我會知,或者有人覺得自己會知。
咁但當然,睇遠少少就有啲嘢睇到嘅。後市點睇?文入面講。但人人都知,又話限打機時間,但騰訊倒升喎。照計呢啲壞消息都唔跌,就…..好事啩?
咁當然,都試過無數次狼來了啦。唔想咁煩嘅,咪買美股咯,雖然我唔會叫你all in 美股。咁你事後睇梗係過去十年all in 美股最好,最好全副身家當埋條底褲買Bitcoin買李斯特城添,但邊有咁易。再早N年美股跑輸你又睇唔到啫。
記住,投資嘅嘢,唔使做到9分,你拎6/7分都可以。因為好多人根本唔投資,亦都好多人係自爆。況且,你業餘人士,玩9分動作,會撞穿頭的,投資亦唔計難度分。我就教啲平平安安嘅方法。Patreon就係講呢啲
美股嘅,回軟,但8月埋單仲係升,連升7個月。教訓一,你等等等調整等到幾時?起手射籃啦仆街。美股一半年冇10%調整,5%都差不多一年。教訓二,你咩sell in may嘅,又係錯失幾多?教訓三,你信咩一月效應嘅,今年一月跌,你估全年唔好,丫,結果就只係一月跌,之後個個月都升。咁當然你可以繼續估九月股災嘅,九月唔災十月災,十月唔災十一月。
但不過,你見啲月份效應,我有時都睇,但實情只係等於你問朋友,結唔結婚表唔表白生唔生仔咁,你自己都有答案,搵人認同啫。
講到尾,冇人迫到你做任何決定。我見有時網上講啲咩「信錯咗邊個邊個財演輸咗幾十萬」,我心諗都戇鳩。一來包生仔?二來,贏嗰時唔見你講?但最重要係,呀邊個邊個拎住支搶指住你迫你買?
好心,咁大個人,為自己嘅決定盡返少少責任。當然我都係去到三十幾歲後先開始學會呢樣嘢。冇人迫你買股票,賣股票,結婚,出軌,畀家用,打老母,全部係你自己揀。
任你點鬧個社會點鬧個世界,但肯定我地一般人今日有嘅選擇,比歷史上任何一代人都多。但不見得快樂咗。因為其實要為自己決定負責,唔係咁易
好簡單個例子,做Content Creator,寫文拍片露乳溝打真軍(都係content),但好多人日日鬧仆街上市賤格同事垃圾下屬,都都唔會去做的。因為,你唔去做咪永遠使面對考驗。但你一開始咗,就冇得縮埋,總會不停有人話你啲嘢垃圾。正如我寫波 寫電影,冇人睇,咪即係失敗。但你唔寫你咪唔會失敗唔使面對唔使負責。
正如我出本書,亦都冒住佢會變成包腸粉嘅風險。時間都唔係最大鑊,最大鑊係個市場可以好無情咁話你知你啲嘢唔得,而只要你稍為有啲淅醋有啲良知(我都仲有少少),你都好難唔認自己真係唔掂(全無淅醋嘅?咪鬧出版社冇幫佢宣傳 鬧設計唔得 鬧讀者冇品味咯)
之後講畢菲特,生日喎。但重點係,整整一年前(我FB有寫),佢生日禮物,係買咗五間日本商社。咁當時都有啲人討論,升咗一日咁大把,然後見之後兩日回返,就再冇人理。呢個時代嘅特色。
不過,一年後,佢堆嘢升咗30%.「咁你啲網友個個都升幾十倍啦」「我都一晚買場波幾倍」,但正經,有乜啟示?文入面講。跑贏晒日經同美股喎,畢菲特冇料到回晒塘?咁閣下又咩回報?
最後,Zoom出完業績大跌,我冇買亦冇堆,但可以講下。
跌乜?明明業績好過預期喎。齋燒錢冇錢賺?你以為。一季賺幾億美金呀。收入冇增長?又唔係,按年都升50%,咁點解仲要咁跌?文入面講
但你大約都估到,同估值,或者增長放慢有關。
FYI,未跌之前,Zoom 1000億美金市值,等於葛蘭素藥廠,洛歇馬丁,或者Gucci母公司咁大。我知做tech好好賺,但,賣藥賣軍火賣名牌袋就唔好賺?有個譜的
當然事後講就易,實際上冇人話你知咩位先特別貴。投資又係藝術又係科學,我後生時以為七成科學三成藝術,而家覺得掉轉。況且,成日都會錯架啦。要做嘅嘢,就係十次有六次中,又或者你十次得五次中,但中嗰啲贏得大,輸嗰啲輸得少。
最後,買咗嘅點算?未買又買唔買得?文入面講
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
「fyi點解」的推薦目錄:
- 關於fyi點解 在 Facebook 的最佳解答
- 關於fyi點解 在 Facebook 的精選貼文
- 關於fyi點解 在 Dr 文科生 Facebook 的最讚貼文
- 關於fyi點解 在 Gavin職場英文- 這些英文縮寫,你都會了嗎? FYI - Facebook 的評價
- 關於fyi點解 在 fyi下對上的八卦,PTT、DCARD和Yahoo名人娛樂都在討論 的評價
- 關於fyi點解 在 fyi下對上的八卦,PTT、DCARD和Yahoo名人娛樂都在討論 的評價
- 關於fyi點解 在 for your reference用法在Youtube上受歡迎的影片介紹|2022年 ... 的評價
- 關於fyi點解 在 FYI meaning in Hindi | FYI ka matlab kya hota hai - YouTube 的評價
fyi點解 在 Facebook 的精選貼文
[歐超聯夭折!]講咗兩日就收工。嘻,大師都算冇點你。
TLDR:股價嘅嘢,多數冇死錯人。拜仁漢尼斯路明尼加嘅嘢,更加冇死錯人。
1. 真係極長,又亂,但,我當然係反對歐超聯嘅。現行嘅玩法固然唔多理想,亦有好多矛盾解決唔到,但歐超聯容許AC米蘭之類(得罪了)嘅球會去永續,本身已經十分搞笑。況且,歐超聯全無代表性,既不歐洲(三個國家),亦不超級(AC米蘭,well).現實亦明顯唔會過到政治法律等等關口。
==============
2. 2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
3. 傳說中嘅「歐超聯」,講咗唔夠兩日,應該就可以收檔。6間英超會又話唔玩(可憐啲跟車太貼嘅球迷點面對其他球迷?),咁即係搞唔成啦。米蘭馬德里雙城記咩。
4. 在講落去之前,不忘貼返舊文(即係早兩日)講嘅嘢:
5. 「歐洲足協國際足協必然反制,禁晒你啲會踢國內聯賽,球員冇得踢歐國盃世界盃。你班武夫不過係帝王家屋簷前嘅堂前燕。12間球會因為冇錢要急於另起爐灶,就正暴露咗佢地冇錢,worst case 嘅,攬炒,可以燒幾耐?拜仁PSG似乎押注呢一邊」
6. 基本上你好快就會見到拜仁慕尼黑嘅漢尼斯路明尼加出嚟拎光環了,係咪好嘔心呢,不過佢地慣架啦。但真係,老奸巨滑嘛。
7. 呢啲,就係政治啦。冇錯,12間球會有嘅係錢(主要係收入,你講盈利其實冇乜),另外有水喉JP Morgan射住—但JP Morgan 同你非親非故,有事仲唔第一個走?
8. 固然,你見好多名宿,同埋球迷,都係反對嘅。但不得不十分cynic咁講句,不見得係因為你地反對就撤回。祖雲達斯嘅Agnelli (歐超聯推手之一)講得有道理的:扯,當年推歐聯,你班友咪又係反對。我覺得啱的,佢霸王硬上弓,我就唔覺得你班友真係杯葛唔睇。講真球迷多數都冇乜風骨,點會杯葛自己間會?將件事針對落某啲人就得。至於名宿云云,更加得罪講句,可以不理,影響力低過啲港女KOL。
9. 球員呢?如果佢地夠醒嘅,應該反對歐聯超(下面會解),因為歐超聯其中一個對付嘅,就係啲球員薪水不停升身價不停升。當然球員未必諗到咁多,而實務上梗係唔出聲,唔好伸個頭出嚟,同埋,有經理人搞掂啦。
10. 所以講到尾,最大阻力,一如所料係嚟自歐洲足協。歐洲足協國際足協最大嘅武器,始終係法律。大把嘢玩,除咗上面講,封殺你班球員唔畀你踢國內聯賽,唔畀你睇歐國盃世界盃(有球迷話:冇呢堆球星嘅世界盃邊有人睇)外,仲有大把嘢可以玩。例如有冇諗過,12間球會準備學NBA NHL咁推集體談判 salary cap,擺明係違反競爭法(下面慢慢解)。仲有你啲球員合約點計?好似早初冇話畀你自己搞一個嚟踢喎,咁你12間會堆球員,合約全部作廢,可以自由身走喎。仲有,你呢12間會,點簽人?你好多球員合約都要當地足協去ratify。何況,足協呢啲嘢,全部都有當地政府支持,法國政府固然稱讚球會唔入歐超聯,但連英國首相都出嚟反歐超聯的。
11. 不過而家事後講返,真係拎嚟出歐洲研究通識卷都得。背後折視咗好多好多嘅矛盾。原本想寫,但未寫呢個歐超聯已收皮。歐超聯未必係個好嘅解決方案,但即使歐超聯收皮,呢啲矛盾多數都仲存在。
12. 首先係,歐超聯先天已經不足,唔夠多人支持。唔止係講球迷同名宿,而係其他會。我見有個評論話,歐超聯既不歐洲,亦不超級。三個國家咋喎,有幾歐洲?仲要加埋AC米蘭呢啲全無戰績又唔見得有錢嘅球會,而上屆歐聯冠亞軍 拜仁慕尼黑 PSG 都冇份嘅,有幾超級? 唔好睇少呢樣嘢,你見最初咩G14又好,ECA又好,個代表性都大好多。而家你得12間會出嚟,兩回事。
13. 亦都扯到去足協腐敗呢部份。呢個係支持歐超聯嘅人(主要係球迷,12會就唔會講呢啲嘢,雖然大家心照)講嘅嘢,甚至話「歐足協食咗好多」(我唔知佢條數點計,實際上係好多去咗小國)。要講嘅係,足協固然好多貪污嘢。但歐超聯嘅重點不在此:難聽啲講句,你12會班友之前咪又係一齊搵食。仲有,如果真係針對歐足協體制或班友嘅,點解唔係齊齊咁多國搞個新嘅東西?而係三國小圈子?所以講到尾,都係為飛起啲小國啫。
14. 呢度帶到第三個問題。就係大會唔想同其他會分。無論係本土聯賽定歐洲賽,大會認為大家只係想睇皇馬對曼城,唔係史篤城對巴塞甚至史篤城對杜爾堡。點解要分畀你地?有人話會審美疲勞,個個星期都皇馬對曼城仲有乜好睇,我估就未必,你見NBA都年年係嗰啲隊打N咁多次,咪又咁多人睇。所以重點都係大會唔想分錢。
15. 之後再帶到又一個問題:大會點解咁莫財。短因固然因為係疫情,但大家都知球會差不多全部都唔會點賺到錢。講過了,全球最高收入嘅巴塞,放埋去全球最高收入嘅公司(蘋果)比,收入係人地0.5%都冇,更加唔好講盈利。而你計咩「市值」,應該冇一間球會可以大過300億港紙市值(FYI:有上市嘅曼聯,而家係200億),即係,冇一間大過一間維他奶(正係300億市值)。亦因為,根本冇一間收入多過維他奶。球會係一門被高估嘅生意。
16. 然後到另一個問題:球員薪水。固然存在即合理,但球員薪水不停升,正係球會永遠賺唔到錢嘅原因。死局嚟的:因為仲要有啲土豪(呢個又另一個課題),例如PSG當然要用高人工搶人,你唔去跟埋一份自然就唔夠踢。大家軍備競賽。而歐超聯點解決呢個問題?基本上就係好似NBA NFL 咁,封閉系統,集體(聯盟)同你傾—咁就唔再有咩轉會費呀之類,亦都會有類似薪酬上限嘅嘢。
17. 再帶去一個問題:歐聯位。呢個亦係本人最反對嘅位。由於以上講嘅嘢,球會收入已經唔多,又要高薪搶人—但一個唔該簽著啲水貨(自己填名),錢又洗咗歐聯位又冇,就好大件事的。一個唔該搞到降班仲大鑊。呢個正係好多球會想避免嘅嘢。
18. 呢個你由歐超聯嘅制度就見到(亦係我最反對嘅位):呢堆創會會員,係唔會降班唔會走嘅,永續阿仙奴熱刺。你話每年各國最好成績嘅入呢個歐超聯我都仲信服,而家呢堆會係永遠唔會走嘅,有冇搞錯?固然你阿仙奴熱刺有相當嘅收入(倫敦球迷有錢嘛,加上國際上多球迷),直接啲講我英超冇前四啫,但我去德甲法甲踢實有(有啩),咁做乜唔英超多幾個位先?呢部份我覺得都講得通—但,大佬,AC米蘭(得罪了)何德何能?佢地收入在意甲都前列,薪水更加畀得高(所以咪負債),但踢意甲都冇歐聯位,然後而家出嚟霸住個永續位?居然好意思?
19. 記住,歐超聯嘅重點,就係免除呢啲不確定性。大會唔會降班唔會冇歐聯。我見之前有評論講,啲美國佬覺得,下,乜你歐洲咁低能嘅?我地美國冇呢啲嘢架。點解要降班點解咁多不確定性。
20. 正因為咁,你見到歐超聯一話搞,星期一晚祖雲達斯同曼聯嘅股價即時狂升!年年有確定嘅收入喎!投資者最鍾意。(順手講埋,星期二晚啲股價即插,然後就話退出了,你話冇insider trading?)
21. 於是好多球迷會話,足球好睇正係因為有呢啲不確定性,有李斯特城捧盃呢啲神話。我覺得一半半啦,咁你見NBA亦係咁多人睇啫。
22. 亦都再深一層,去到歐洲(包埋英國)同美國嘅文化唔同。呢部份就最詭異,同大家想像唔到,在體育層面,美國十分社會主義,歐洲先係資本主義。咪講咗咯,美國嘅玩法係大聯盟,限制薪水,保障球會。歐洲唔係喎,有得暴富有神話,但亦可能豪門失手。今次歐超聯風波,美資擁有嘅球會,係大推手。出錢嘅亦係美資銀行。(而AC米蘭亦都變咗美資)
23. 最最最後,最廢,但都係要反思:足球是甚麼。其實都隨時代而變,唔係中二病,但如果四五十歲嘅,其實最有資格評論(我都略為後生)。因為剛好見證咗足球「商業化」嘅年代,甚至係「商業化」由盛轉衰(即係而家)。你睇英超聯,歐聯,都係九十年代嘅產物。背後多得全球化,新自由主義(包括波士文案,否則球員人工點會咁升?),亞洲中產堀起等等。而家又走到另一個轉角位了。
24. 真的,啲名宿之類,象徵係上一代嘅價值觀,「足球屬於社區」(應該好多人想笑)。我地年代嘅,一半一半,大家(在鬼佬眼中)都係glory hunting rich Asian,你去幾多次曼市馬德里同埋啲鬼一齊屌對家,都改變唔到呢種印象。但再新一代嘅,可能只係視呢啲嘢係娛樂,有得睇咪得咯,嘈乜?NBA都係咁睇啦,又係喎
25. 我見有啲講法,講到底球會係屬於球迷丫,定係搵錢工具一盤生意。咁呢啲二分法多數冇乜答案,但不如又諗下,NBA都係一盤生意啫,但又不見得脫離晒球迷丫,啲友都睇好開心架喎
26. 結論?都係冇乜結論,點解一定要有個結論?背後係太複雜,大家有唔同價值觀。不過剛夭折嘅歐超聯我就必定唔BUY(創會球會永續呢樣嘢實在好難接受,況且又冇代表性,得三個國家)。
27. 我個人覺得啦,而家成個生態,已經夠晒偏袒大會。你咩祖雲達斯跌到落意乙都話咁快彈返上嚟,曼聯利物浦之前冇歐聯,但因為底子好,亦係話咁快返返前列。拜仁PSG嗰啲在聯賽已經玩晒(但啲友話悶嘅,我又反擊你:你睇啲入場入數一路升喎),仲要不停去保護大會?似乎說不過去。
28. 真正嘅弔詭位,真係在熱刺阿仙奴之類。金錢有,如果飛去德甲法甲踢,前四應冇問題添。難免唔順超,因為佢地實力應該高過好多其他歐聯分組賽嘅球會。係咪分得太少位畀英超呢?
29. 歐洲足協近N年嘅方針,都似乎係關顧細國。呢個同國際政治都有啲似,「一人一票嘛,梗係拉攏啲非洲兄弟」。你話再要偏返向啲大會,都冇話唔得。但冒住畀人屌嘅風險我都講:不如踢多啲歐洲賽咯,大家happy.你話球員好累,我又真係有啲懷疑係咪克服唔到:輪換咯,你大會咁多錢,搵副選踢都夠照啦。
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
fyi點解 在 Dr 文科生 Facebook 的最讚貼文
《就算醫生有幾討厭你都會盡力醫你》
話說有位腎石患者覺得醫生見到住址為警察宿舍,做態度大轉並胡亂處方藥物,實為黑醫。
我估醫生處方的藥是Buscopan
「腸胃藥,可致腸道停頓和心跳過速」
其實用Buscopan治療腎石病人作止痛是相當常見的。
Buscopan是antimuscarinic,原理是減少ureteric peristalsis並減輕因輸尿管(Ureter)受腎石阻塞後繼續蠕動所引致的痛楚。
當然人體好多地方都會蠕動,包括腸道,所以Buscopan亦常會用來治療腸道不適。照腸鏡時如病人腸道蠕動太嚴重時亦可能會用到此藥物。
至於心跳過速是antimuscarinic類藥物常見的副作用。
之所以點解我們常常建議病人或家屬,就算你google或wiki了個別藥物或疾病都好,都務必諮詢醫生意見,因為臨床考慮的因素有好多,這些因素你難以從網上找到答案。
*FYI,醫療人員不會像3萬thx一樣,因為心情不好就叫你「過主」或者叫你「咁叻有病唔好睇醫生」。我們對每個病人的診治都是一視同仁的,無論在哪一個國家,醫生都受醫委會監察,絕不會出現犯法或故意傷害病人但又無後果,這種玩弄權力的事出現。
*FYI 2: Buscopan在泌尿外科腎石方面,其實都開始有研究顯示可能只靠非類固醇消炎止痛藥加嗎啡類止痛藥效果更佳。不過目前仍有不少的醫院或醫生會因應臨床情況下處方Buscopan。
* FYI 3: 如果你見到醫生無處方非類固醇消炎止痛藥亦不等於醫生無醫德,不少腎石患者可同時有急性腎傷害令腎功能極差,在這些臨床情況下便可能不宜處方非類固醇消炎止痛藥。
FYI 4: 不少的腎石患者都會因無法排尿而出現AKI、hydronephrosis、尿道感染而出現敗血症,令臨床情況急轉直下(敗血症都會心跳過速)。不過如果你覺得醫生針對你的時候,便可能覺得是因為那一劑兩劑的Buscopan咁囉
*FYI 5: 如果沒有醫學訓練,建議你還是諮詢並相信醫生的專業診治。
fyi點解 在 for your reference用法在Youtube上受歡迎的影片介紹|2022年 ... 的推薦與評價
for your information禮貌-2021-03-04 | 說愛你5 天前· 經理人小編整理10 大... FYR meaning fyr點解For your reference fyi用法FYI FYR FYI Email. ... <看更多>
fyi點解 在 FYI meaning in Hindi | FYI ka matlab kya hota hai - YouTube 的推薦與評價
![影片讀取中](/images/youtube.png)
FYI meaning in Hindi | FYI ka matlab kya hota hai | Full form of FYI हर रोज़ इस्तेमाल होने वाले 11000+ English Words ... ... <看更多>
fyi點解 在 Gavin職場英文- 這些英文縮寫,你都會了嗎? FYI - Facebook 的推薦與評價
FYI :For your information,給你的參考資訊(轉寄郵件時常用) FYR : For your reference,供你參考ASAP:As soon as possible,越快越好TCC:Teleconference call, ... ... <看更多>