梧：有啲嘢，在下唔知道應唔應該講。
尤其係而家呢個時勢。
有睇開呢個page嘅朋友都知道（唔係好知道呢個page做乜鳩嘅朋友順便話埋俾你地知），在下first and foremost係一個滿身銅臭嘅finance撚，不過自從幾年前變成一個中小企生意撚之後，呢個page就開始疏於打理，主要係靠老友賴叔看下鋪同埋在下間唔時的鳩up。當年有時間嘅時候真係active好多，鳩寫過唔少野（有興趣嘅朋友可以睇返當時在下寫過嘅notes），搞下happy hour gathering呀，甚至有人搵在下供稿開talk教書添……不過呢啲都係過去式鳥。
喺疏於打理呢個page嘅呢一段時間入面，除咗Trump當選之後嘅點滴，同埋英國脫歐事件之外，基本上無咩嘢特別（恆指呢兩年郁左幾多點？），尤其係香港local level的政治事件——DQ嘅都已經DQ晒，但係出面仍然pretty much都係「馬照跑，舞照跳」。在下唔再寫嘢其中一個原因係——出面啲economic forces郁得太慢，我幾年前寫落嘅嘢，如果唔係錯撚晒的話就只係好慢咁跟住個劇本行。曾經有無數次在下直頭想摺柒咗呢個page專心去搞生意，不過最後都無做到，某程度上係只係自私地想keep住有一個平台可以俾自己心血來潮嘅時候鳩up一啲野，and someone would actually listen to my bullshit without me needing to pay anything。
然而，2019年6月9日同12日，呢兩日發生咗嘅事完全超乎在下嘅想像。先係1百萬人遊行政府當無料到，再黎12號野餐時段怒食TG（在下嗰日喺海富中心都叫做有幫手疏散啲小朋友）。之後呢四個幾月以來，在下親眼見到呢個傀儡政府點樣先將香港人用顏色分化，然後再radicalise異見嗰班人。由6月12號見到面對TG會手足無措嘅小朋友，進化到有衝衝子，屠龍小隊，唔同系列嘅魔法師，仲有神獸「鶳」。it's only been 4 fucking months 。
五年前你點會諗到五年後嘅香港會變成咁？當年佔中/反佔中之爭，和理非大台/勇武派之爭，分化到你就贏啦！到而家變成無大台，「兄弟爬山，各自努力」，「核爆都唔割蓆」。客觀啲睇呢啲就係所謂的radicalisation。
在下係一個佔中期間可以去西環食個飯的人，所以好多嘢有顧慮，到而家都係（雖然嗰邊而家已經人面全非，不過個快勞還在嘛屌）。不過，你地又諗下，國慶前後西環就算係所謂嘅表態支持林鄭政府都只係講廢話嘅多，對比下當年佔中日日出黎講嘢撐到衡，高下立見啦。當然，在下唔係洗白白，只係陳述客觀事實，大家FC比對下啲新聞就知道在下唔係鳩up。
其實在下而家算不算政治表態咗？咁講啦，當年在下嗤之以鼻嘅財演們，而家十個有八個都有表態，剩返嗰兩個仲要係深黃。當然，你可以話財演滿身銅臭嘅習性就改唔到架喇，表個態攞下收視賺下稿費都要嘅。咁在下呢？無所謂啦，你話係咪係囉，I don't really give a fuck，我相信有錢賺嘅話香港人都仲係唔會say no的 ，包括在下。屌你，抗爭都要食飯架。
唔怕老實同大家講，6月12號食TG開始，到第一個烈士從PP跳咗落黎之後，其實在下真係好灰好抑鬱，當時堅係想咩都唔做一了百了（都講到無限期停止update），但係偏偏嗰個時候我睇咗「地厚天高」。假如你都睇過的話你會明白在下想講咩——梁天琦成為本民前發言人，戴上個所謂英雄光環之前，其實都係一個有抑鬱症嘅雙失廢青，只係當佢再次搵到自己嘅目標，克服咗自己嘅病之後the rest is history。
在下迷惘咗一段時間之後，都發現其實唔可以再俾自己鵪鶉落去，點都要做啲嘢。怕？屌你老味點會唔撚怕？你問下出面啲衝衝子怕唔怕？大家都怕，好撚怕，但係大家都出來了。在下做唔到衝衝子，咪唯有做返自己擅長嘅嘢囉，就係鳩up。
在下相信，如果勇武屠龍，整靚靚文宣同埋簽petition要求外國勢力介入都係「兄弟爬山各自努力」的話，咁在下以後寫文章做一啲mythbusting 或者作為一個知識份子教育香港嘅下一代如何去獨立思考成個世界嘅大環境，macroeconomy同geopolitics嘅話，都係實現各自爬山嘅一種。起碼要做返一啲自己覺得應該做嘅嘢。不過，如果鳩寫嘢而有小小錢收囉喎，who can say no？嗱呢個idea係賴叔俾我，唔係我自己諗架，冤有頭債有主搵佢啦唔該……
give過去式 在 give過去式在PTT/Dcard完整相關資訊 - 小文青生活 的推薦與評價
give - Yahoo奇摩字典搜尋結果過去式：gave 過去分詞：given 現在分詞：giving ... 給與（某人時間，機會等）； 授予[O1] I'd like to give him another chance. 我想再給 ... ... <看更多>