有關美國取消香港特殊地位、限制高科技輸出香港,其實早響2018年年尾,經已有有科技公司發現響採購高科技部份出現困難──美國佬一早知道香港就係中國高科技走私缺口,只係等幾時正式Black & White落實禁運而已
掉番轉,特區政府去到共產黨,其實已一早做好準備承受高科技禁運嘅衝擊,甚至連取消獨立關稅區、制裁部份官員員可能都已計好哂數,預咗作為成立國安法代價之一。換言之呢幾槍都唔會打得死中共,因為佢地預咗
所以關鍵只在於,響呢一大輪起手式之後,美國政府會有咩Follow up?係會進一步將「高科技禁運」名單拉闊?(以前傳過PS2啱啱出果陣唔可以出口香港因為涉及高科技部件,唔知今年會唔會唔比賣PS5…)
開始制裁香港部份銀行(之前交通銀行、招商銀行和上海浦發銀行已因違反北韓禁令,收過美國法庭民事傳票)?
制裁官員及其家屬係咪唔止限於美國簽證限制,直頭連資產都凍結埋?
呢一步究竟係點就真係未有人估倒,但無論如如何,今日都係值得一記嘅歷史時刻,我作為焦土派,只希望審判之日盡快降臨
延伸閱讀:【付費文章】《香港自治法》形勢一片大好?佢只係特朗普一把GLOCK 17而已/對中國開槍唔代表佢會訓低
https://www.patreon.com/posts/xiang-gang-zi-fa-38687423
「glock 17香港」的推薦目錄:
- 關於glock 17香港 在 無神論者的巴別塔 Facebook 的最讚貼文
- 關於glock 17香港 在 無神論者的巴別塔 Facebook 的精選貼文
- 關於glock 17香港 在 Happy Kongner 快活角落頭 Facebook 的最佳解答
- 關於glock 17香港 在 香港MG戶外軍事用品店- GLOCK 17 GEN 4 (L131A1) 9mm ... 的評價
- 關於glock 17香港 在 Tokyo Marui Glock 17 gen 4 神級品牌?無理由唔買? - YouTube 的評價
- 關於glock 17香港 在 GHK Glock 17 Gen3 氣動空氣軟槍開箱| 回應期望、超越期望 的評價
glock 17香港 在 無神論者的巴別塔 Facebook 的精選貼文
【付費文章:《香港自治法》形勢一片大好?佢只係特朗普一把GLOCK 17而已/對中國開槍唔代表佢會訓低】
//同過去一樣,我對於美國制裁中國、香港嘅分析一直偏向「務實」、甚至可以話悲觀,未必符合大家鍾意聽嘅方向,所以又係放響Patreon,有興趣嘅就Click入去睇//
//早排世涼燒山先至大吹淡風,講到特朗普隨時出賣香港、美國響最後關頭可能放棄香港,點知轉個頭因為參議院《香港自治法案》,又立刻轉軚話美國已做好同中國脫勾準備,出哂組合拳云云。其實呢班「黃標KOL」之所以成日錯判、甚至可以幾日間360度翻轉再翻轉,當然係同看風駛9463;,風吹邊邊就跟邊邊有關。但更加重要嘅卻係,佢地好多時只係願意講自己相信嘅嘢(燒山)、又或者觀眾想聽嘅嘢(世涼),因而完全無視咗美國過往制裁外國嘅歷史、甚至連最基礎嘅美國權力架構基礎都唔記得哂。
為咗令各位讀者盡快明白《香港自治法案》嘅意義,同埋究竟美中港「攬炒」機會有幾大,我決定先用一個比較簡單嘅比喻說明……//
glock 17香港 在 Happy Kongner 快活角落頭 Facebook 的最佳解答
【Kongner投稿天地】
Nteven:解答近期有關槍械的疑難
大家好,我係Nteven!上次Ban長Phone in 完11月16號深宵,詳情可以篤呢條Link:
Link: https://youtu.be/hiSH4zLMBpg
喺節目後半段部分,Ban長就以專業嘅角度講出咗佢對警方使用槍械嘅睇法。而聽佢講咗一大輪,我讖大家都未必會太過清楚佢講乜,所以我就問左Ban 長拎咗份稿,整理過之後就喺呢度完完整整咁Share俾大家!
1. 警方槍械的危險分級
對於發夢嗰時遇到嘅槍械,Steve就做咗一個危險分類,佢就由低至高咁講起,不過要注意嘅係就算排名較前的都有一定的危險性。
a. 根據香港法例,2焦耳或者以上的槍就會被視作真槍嫁喇。
b. 15-30焦耳 就係「壓縮氣體推動的非致命武器」級別,例如太古站單嘢嘅果種胡椒球槍等等。如果警方無自主改裝威力,承受攻擊嘅人如果帶上咗合格嘅面罩,應該就可以阻擋到。
c. 約200焦耳 就係「用火藥推動的非致命武器」級別,例如海綿彈、TG同布袋彈之類。面對呢類嘅武器,即使係承受攻擊嘅人帶上咗合格嘅面罩,都會有被貫穿或者鈍器傷到嘅風險。不過由於呢類武器嘅非貫穿性設計,如果面對住有掩體或者係一啲唔會產生碎片嘅物料所構成嘅盾牌,呢類武器嘅物理攻擊性就可以大大減緩。
d. 300-500焦耳 就係「實彈手槍」級別,例如「點38」、 P250、P226同埋Glock 17 之類。面對住呢個層次嘅火力,除非承受攻擊嘅人有掩體,否則受傷嘅可能性係會好高。
e. 1700-1850焦耳 就係「步槍實彈」級別,例如好似AR-15 配上5.56 NATO咁,除非有堅固掩體或者避彈裝備,否則承受攻擊嘅人被貫穿嘅可能性亦都係極高,因此被直接擊中身體嘅話,係會導致高致死率嘅情況。
2. 點樣分別專門發射用壓縮氣體推動嘅「非致命武器」槍械?
一般發射所謂胡椒球嘅槍械,動力來源都係嚟自壓縮氣體,所以要分別嘅話就可以觀察一下果支槍械有無壓縮氣樽。同平時AIRSOFT嘅氣槍唔同,呢啲槍所用嘅壓縮氣體嘅壓力大好多,所以往往都會需要連接住一個壓縮氣樽,體積都只少會有一枝汽水左右嘅大細,有時會明顯咁吊住,有時會係整合成尾托嘅部份。 呢啲槍同AR-15完全唔同,亦唔係咩416,而廠商本身設計呢啲槍械設計到好似步槍咁,唔係為咗要扮真槍,而係想使用者唔使重新花時間訓練。
3. 警方拔槍的次數明顯常見左
Steve認為由於激烈嘅抗爭行動越嚟越多,POPO自己本身都怕俾人私了同搶槍,所以一但當佢哋遇到任何人想靠近嘅話,都會覺得自己係被人威脅,因而直接掹槍。11月12號嗰晚有個消息講到,有警察為保自身就連架EU車都棄埋,呢度突顯到嘅係佢哋聯群結隊有裝嗰時就咩都唔怕,但一落單無裝就明顯淆底。
4. 11月12日西灣河槍擊事件
睇返相關片段,大家不難會發現,由影片開始前,果位白衫警就已經想用槍,理由係由佢由手持槍嗰時嚟睇,佢根本無解開槍套嘅動作,即係個槍套一早就打開咗,合理推斷就係佢一早已經預謀咗要掹槍出嚟。
另外就係,呢位白衫警開槍嘅行為,明顯係唔符合警例,甚至可以話呢位白衫警係已經失控,因為佢嘅反應表達出嘅唔係佢覺得受到人身安全嘅威脅,而係佢嘅權威被挑戰。正常情況之下,如果警察受威脅嘅話係可以選擇用格鬥技壓制對方,但如果警察要使用槍械嘅話,理論上係一定要向後同目標保持距離。因為假設對方有住武器嘅時候,按照正常判斷警察係唔會選擇同佢零距離接觸。Steve喺第一集《6mm生活雜誌》就已經講咗「用槍督住人」呢個動作就只有做戲或者行刑先會出現,而當時果位白衫警係捉住咗白衫,然後就用槍指住佢,呢度就明顯出現咗一種「你已經比我控制住」嘅心理表現。
(《6mm生活雜誌》Vol.1 創刊號:氣槍入門:https://youtu.be/Pmc0QnuUNGI)
5. 警察移動傷者明顯係惡意
警察全部都有急救牌,而且佢哋應該專門受過呢類嘅緊急情況處理,因此移動傷者呢個行為係明顯唔符合常理。除非喺戰場,面臨傷者明顯有機會再受傷,先會選擇強行移動傷者,否則呢個行為比10月1號果日賢仔俾佢哋打中咗之後嘅不聞不問更為惡劣。
6. 警察記者會講嘅「肌肉記憶瞄準論」
首先肌肉記憶並唔係好似佢地講咁勁,其實只係一啲比較基礎,而且可以由條件反射訓練出嚟嘅本能,例如拳擊手會舉起雙手,預備格擋嘅動作,或者係警察以往感覺自己受「威脅」嗰時會㩒住自己仍然喺槍套嘅槍械嘅呢啲動作,都可以係肌肉記憶啤。而瞄準嘅本能動作,喺射擊業界就會叫做Body Alignment,意思係即使係喺未詳細瞄準嘅情況下,射擊者仍然會將槍指向已知目標嘅方向。訓練嘅方法可以參考港產片《槍王》入面嘅內容。而實際效果啤講,Steve做過一個保守嘅合理推斷,射擊者理應可以喺槍重放喺槍套嘅情況之下,先觀察完前方3米嘅目標,後閉眼,再抽槍瞄準,槍咀(瞄準器)同目標嘅誤差正常都唔會大過一包紙巾。不過喺呢度嘅問題根本就唔係乜嘢肌肉記憶 Body Alignment嘅問題,大家唔好俾佢帶離題,因為當初講呢個問題嘅原因,主要係想質問警察係咪刻意向住抗爭者嘅頭射擊,而當時果位白衫高層警就講話警察訓練唔會訓練打頭,所以一定係意外。但其實問題在於,乜大家重覺得佢哋係控制到自己嘅問咩?就算訓練係教打身,但佢地而家明顯係想打頭,所以呢樣嘢根本同佢地嘅訓練係完全無關,根本就係佢哋個人取態,控制唔到自己嘅問題。
7. 3D打印機打印槍械問題
最近啱啱新出嘅熱門遊戲大作,小島秀夫嘅Death Stranding 世界入面就有使用3D打印機打印槍械嘅功能,咁睇返現實又有冇可能呢?
首先分開咗塑膠做原料嘅3D 打印機係最普及,但其實哪怕係號稱膠身嘅GLOCK喺好多主要部件上都仍然係會有金屬,至少槍管同撞針呢啲就無乜可能唔用金屬,而槍當中重有好多半成品,例如彈弓之類。而Steve本人就唔太睇好用3D PRINT去打印一啲受力嘅部份,因為即使氣槍都會有3D PRINT,但爛件嘅情況係時有所聞,更何況係火力更大嘅槍械呢?而就算係一啲塑膠部件真實存在,我地又搵相同原料,假設放得入個PRINTER度,又係唔係等於可以PRINT出嚟呢?
傳統塑膠制作Injection Molding即係啤膠,係經由高溫高壓之下進行生產工序,同3D PRINT 常壓下制作係完全唔同。Injection Molding嘅產品密度更高,所以兩者嘅產品喺物理性上都係絕對唔同,因此Steve就話估計無人想支槍喺手上開槍果陣會唔炸開啩。當然,或者真係有3D PRINTER 做到,不過係唔係一部兩皮野嘅家用機會做到呢?呢樣嘢Steve就抱有懷疑喇,而且就算整到出嚟都好,佢自己本人都唔敢用。
不過,如果係用金屬打印呢?高等研究室有金屬打印機係好合理,而金屬打印係用激光,去燒一啲預製咗嘅金屬粉末,咁呢方面Steve就覺得個合理性就高好多,外國亦都有唔少用呢個方式去整槍嘅公司。然則,即使係3D 金屬打印機定係數控車床都好,3D PRINT本身係應該用嚟整啲傳統工業整唔到嘅野,而且大家亦都忽略咗最重要嘅野:子彈。
子彈最簡單可以四個部分:彈頭、彈殼、火藥同埋底火。彈頭之前喺第3集講咗,講情可以睇以下呢一集:
(《6mm生活雜誌》Vol. 3—香港警察執法有感:https://youtu.be/qQtDC1jlBvU)
由於片入面都講咗彈頭嘅知識,咁喺呢度就唔提喇。彈頭係子彈入面最易整嘅一部分,因為呢啲嘢喺有STANDARD同有專科知識嘅人,就咁睇設計圖都應該會有個生產流程出到嚟。
彈殼同彈頭亦都類似,但大家要留意嘅係,使用唔同嘅物料都有機會令到槍械故障,大家都知道子彈火係有用銅同不鏽鋼製作,問題係咩成分呢?呢樣其實大家都好難得知。
而就當大家用後膛槍都好,結構最簡單嫁喇,但都重有一個好大嘅問題,就係火藥。Steve就話佢唔相信大家會諗住用硫磺、木碳加硝石咁簡陋就算啩,咁不如直接塞入罐MONSTER度,等被人搶個時再點引線算啦。因為現代子彈用嘅都係叫「無煙火藥」,入多少,每個粿粒大小都有講究。
最後就去到底火嘅問題,底火係槍械撞針碰撞之後用嚟點燃火藥嘅部分,當中曾經用過雷酸汞,即係美劇Breaking Bad第一季用嚟講數嘅果樣野。遇到受熱、輕微撞擊或者摩擦都會爆炸,但又係唔係個個都識用而唔會TK到呢?呢個先可能係你會首先諗嘅問題。
8. 柴灣撿獲手槍子彈問題
之前喺柴灣出現過有關執到子彈嘅消息,據了解就係一名休班警員掹槍後掉落嘅。之前同大家講過,可以持槍休班嘅警員就係CID,佢地所使用嘅槍械管就係P250,係一種雙動式嘅槍械。Steve嘅保守合理推斷就係佢掉下一粒子彈嘅原因係因為佢掹槍之後,因為判斷自己需要開槍,所以先拉動滑架,嘗試幫槍枝上膛,但槍膛本身已經有子彈,所以當使用者再拉滑架嗰時,本身槍膛入面嘅子彈出嚟。其實呢個舉動亦都表示咗佢地根本無持一個專業態度去使用槍械,如果唔係嘅話無理由連本身支槍有無子彈都唔記得。
最後喺呢度亦都附上講解危機處理,喺緊急嘅情況之下如何製作防彈護具嘅影片:https://youtu.be/afLhS0R7cg8
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
HappyKongner 招稿喇!!!
我哋嚟緊會喺逢星期五加設 【Kongner投稿天地】 ,俾廣大Kongner 弟兄姊妹能夠有發表佢哋意見嘅地方,亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋,又或者Email 去 happykongner@gmail.com 同我哋傾都得。
期待收到大家嘅鴻文大作!
納稿標準:合乎邏輯,文句通順,言之成理即可,不過編輯部同事比較嚴謹,大家自己小心。
glock 17香港 在 GHK Glock 17 Gen3 氣動空氣軟槍開箱| 回應期望、超越期望 的推薦與評價
GHK Glock 17 氣動空氣軟槍終於上市! 距離2019 年底台北MOA 展覽時亮相已經過了一年半多, 終於在今年九月一日發售, 長久的等待是值得的, 豐沛的模擬後 ... ... <看更多>
glock 17香港 在 香港MG戶外軍事用品店- GLOCK 17 GEN 4 (L131A1) 9mm ... 的推薦與評價
With a revolutionary "Safe Action" trigger system, the G17 9x19 pistol is safe, easy, and quick to deploy...The L131A1– Glock 17 GEN4 9mm semi-automatic pistol ... ... <看更多>