【今日講英文】
一，洋人有句諺語（又嚟洋人諺語！）：自由嘅代價，係恆久嘅警覺 - Eternal vigilance is the price of liberty。
二，警覺咩呢？話說，呢句諺語可以追溯到十八世紀美國；當時嘅美國主流社會，係非常虔誠嘅基督徒。基督徒相信，上帝畀人有自由意志，就係要每個人為自己嘅決定負責。
三，時移世易，警覺嘅對象，由自己變成對政權。
四，當然，權力越大，責任就越大。蜘蛛俠入面 Uncle Ben 都有話 Great power comes great responsibility 。早幾日有講過，要睇一個人嘅品格，就畀啲權力佢，詳細，不贅。
五，現代社會權力最大嘅係政府，至少好多人都咁諗。甚至有人認為，無政府，無人修橋舖路，連水都無得你飲。一個權力咁大嘅政府，其實都幾得人驚；正如 Thomas Jefferson 話齋，一個政府大到可以畀你一切嘅政府，亦有能力奪去你嘅一切 - A government big enough to give you everything you want is strong enough to take everything you have）。
六，Thomas Jefferson 都講過，當政府怕人民，大家都有自由；當人民怕政府，大家就只有暴政 - When governments fear the people, there is liberty. When the people fear the government, there is tyranny.
七，假如問我香港同鄰國最大嘅分別，就係人民怕政府，定係政府怕人民。好可惜，送中條例唔過都好，香港人依家行街都好驚見到警察；即係話，原來我哋忽然間同化咗。
八，我都知呢道有人相信「政府都有好嘅」；響討論政府嘅「好」同「壞」之前，不如探討下，政府其實係乜。
九，其實係一個好簡單嘅邏輯題，究竟因爲乜嘢原因要有政府？就係為咗起路起水塘咁膚淺？
十，盧梭將被統治嘅人同統治者嘅關係，用社會契約去解釋。我哋每個被統治嘅人，其實同統治者有個契約。契約，就係交換同承諾。社會契約嘅交易，就係我哋要將自己嘅權力交託畀政府，政府承諾我哋一啲嘢。
十，唔同嘅政府，對被統治嘅人有唔同承諾。當然有人覺得，政府對佢哋嘅承諾就係路同水塘。不過，層次稍為高少少，就會見到自由呢個理想。無錯，我哋有自由去做自己想做嘅事，但同時亦都意味，我無權迫任何其他人做佢哋唔想做嘅事。
十一，即係話，政府最根本嘅責任，就係保障每個人嘅自由不被剝削；而政府自己，更加唔應該帶頭去剝削人民嘅自由。
十二，另外，真正嘅自由同權利，係好神奇嘅概念。當任何一個人得到真正嘅自由同權利，其他人嘅自由同權利不但唔會受損，而且會再一次得到確認。
十三，假嘅自由同權利，就係建立響某啲人嘅損失上面；一份搵笨嘅社會契約，就係承諾緊大家假嘅自由同權利，結果令大家都生活於一個以為自己佔緊其他人便宜嘅幻象裡入。呢句說話，係法國作家 Bastiat 講嘅：The state is the great fictitious entity by which everyone seeks to live at the expense of everyone else.
十四，咁，其實係咪大家都嚮往自由呢？原來又唔係，因為自由意味成功失敗都係自己嘅責任；重點係，並非每個人都可以接受失敗。尤其是我哋嘅教育制度，更加係不斷咁調教（Condition）我哋去避免「錯誤」。自由，亦唔再係大家可以承擔嘅輕。
十五，所以有人寧願選擇以服從換取安逸，用放棄更多自由，換取更大利益。
十六，話說回頭，中文裡面「權利」（Rights）同「權益」（Interests）只係差一個字，但意義就好唔同。彷彿所有關係，都係源於一個「權」字。
今日分享到此為止，多謝收睇。
great uncle中文 在 Uncle Roger Review GORDON RAMSAY STEAK - YouTube 的推薦與評價
Go to https://expressvpn.com/uncleroger and find out how you can get 3 months of ExpressVPN free!Gordon Ramsay making steak and eggs in ... ... <看更多>