今日係我第19th week的Green Monday 💚晚上一早諗定去食屋企附近嘅燈籠滷味，因為有好多素食可以揀, 又可以一解我對台灣嘅鄉愁。
.
其實呢間朗豪坊嘅分店真係不幸，12月頭先啱啱開，開咗唔够幾日就要變咗晚上六點冇堂食，我諗佢哋都大失預算😢不過我都見到有唔少人係專程去買外賣，其實台灣過江龍嚟到香港我點都預咗貴d㗎啦，喺香港不嬲我哋食嗰樣嘢個價錢都係比緊鋪租同人工㗎啦，但係我點餸嘅時候見到個價錢都係$1x港紙一款餸，即大概$40至到$50台幣一款，感覺價錢又唔會好貴喎。我連埋冬粉一共揀咗六款素食，共$72，晚餐來講差唔多啦。
.
今日我都一早預咗係去買外賣嘅，所以我都特登帶埋個外賣膠兜左，不過頭先撞到返屋企d滷味一片混亂🤪影出嚟唔美觀，所以我決定幫佢上碟用個碟慢慢砌靚返佢先影俾大家睇。
.
其實我明白點解佢嘅價錢唔算好貴，係因為佢嘅份量應該比台灣嗰邊食少咗一半，好似我至愛的百葉豆腐咁，數埋先至一共五小件，杏鮑菇同埋甜不辣嗰啲出手都係十片八片好斯文，通菜都係得三箸，份量最多就係過冬粉，有1.5個麵量。我估呢個價錢響台灣食起碼買到一倍以上，不過都夠食嘅。而且真心要講係，佢嘅味道真係非常似台北食到嘅口味！😍😍完全就係嗰隻古早滷水味！真係台灣嘅味道啊🥰🥰🥰
.
我食到嘅時候覺得好感動🥲差唔多一年幾無返過台灣，一年幾冇食過台灣滷味啦，上次就係師大食嘅燈籠滷味，就係呢隻古早味道，所有嘅食物都滷得非常入味又就唔會過鹹，就係果種甜甜地嘅滷水味，而且樣樣都好食，冬粉同大豆皮索晒啲滷水嘅味道勁入味，百葉豆腐都唔會失望，份量雖然少，但係每一啖都係咁彈牙爽口，而且果種百葉豆腐香味好耐冇食過啦，甜不辣又係超煙韌好味，全部嘅味道返晒黎：真係好似返咗台灣一樣，而且d滷味瀝得非常乾身，返到屋企都唔怕浸到淋晒影響味道。
.
唯一美中不足真係個份量唔算多，但係好驚喜真係帶到個正宗味道過嚟香港，又唔使坐飛機都食到正宗嘅燈籠滷味咁方便，加上咁近我屋企，我絕對會再幫襯呀！😍🥰
.
店名：燈籠滷味
地址：旺角亞皆老街8號朗豪坊4A樓10號舖
green monday人工 在 green monday人工-在PTT/IG/網紅社群上服務品牌流行穿搭 的推薦與評價
Green Monday 表示，新膳食系列產品以100%純植物製成，健康天然調味，無添加味精與人工香料的便利餐盒，目前推出「新豬肉小籠湯包」及「新豬肉紫菜水餃」，讓國民美食變 .. ... <看更多>