【如何尋夢？】
記得之前去學校講TALK，到Q&A環節時，一如所料先係一片靜寂，跟住先有被迫/疑似做媒嘅同學仔舉手發問，然後先有同學仔問真正嘅問題。
有個問題第一次聽令我受寵若驚，答案都比較無聊；第二次聽我有心理準備，答案先入肉咗少少；對上一次聽係一位記者問我，可能答得太囂張，呢一段無出到街。個問題係咁嘅：「點先可以好似你咁樣出書寫嘢，做到自己夢想嘅職業？」
起初我答同學仔係話：「可能要好似我咁，中文會考、高考都係僅僅合格，先有資格踏上書架。」先自嘲一番，順便舉證下考試制度嘅荒謬。後來再聽到呢個問題，我嘅答案調整咗：「靠Facebook同努力，持之以恆，邊提升自己寫作能力，邊保持住寫作嘅習慣，書架等緊你地。」確實，唔洗錢嘅討論區、社交媒體開拓咗龐大嘅寫作平台，以前投稿俾報館，版位有限，只有少數成功例子。而家網絡上百花齊放，唔需要做到膾炙人口，只要有少數一批人鍾意，已經能登大雅之堂。不斷寫，不斷試唔同嘅題材，基本上唔存在失敗嘅情況，最多喺上咗位之後回首稚嫰嘅舊作，難免有想死嘅感覺。
後來對住傳媒朋友，一時意氣風發，大大聲話「紅的嘅成功之路係唔能夠被複製，要有能力寫到嘢，又肯落場揸的士嘅人，好難想像有其他人。」事後回想，都覺得自己答得太串，唔夠謹慎，將謙卑漏咗喺車尾。
認真黎講，出到書同做到夢想嘅職業係兩回事。首先，靠寫作搵錢，箇中嘅辛酸並唔係咁容易承受，其次係好多人講追求夢想，但到真係落到場，先發現唔係嗰回事，追尋夢想嘅路唔係好難行，只係唔敢行、唔知點行，甚至唔清楚肯定自己想點行，結果大部分人就係營營役役中埋沒自己嘅理想，生活困苦，又做得唔開心，資源錯配，每日做既唔擅長又唔想做嘅工作。
咁究竟點先確認到自己嘅夢想，點樣去實行呢條夢想之路？紅的嘅路係不可被複製，但你又何必去複製？最緊要嘅係搵到自己嘅方向同航行嘅方法，呢一點我白告同全職獵人FullTime Headhunter可以幫到大家，黎緊嘅十二月二十二號，我哋會喺Downtown KT Co-working Space工作坊搞個分享會，講下喺香港尋夢嘅經驗同方法，十二月前報名就有個小優惠咁，唔知到時會唔會見到你呢？
headhunter中文 在 關於我的工作vol.1——獵頭做什麼？｜HEADHUNTER ... 的推薦與評價
... <看更多>