#梳乎厘班戟
作為梳乎厘班戟迷嘅我，最開心莫過於來 #hesheeat呢度食返個震騰騰嘅即焗梳乎厘班戟😍🧡
📍白菌煙腩肉溫泉蛋芝士汁鮮蛋意大利麵
呢個意大利麵同一般意粉質地好唔同，口感有點像福面，都幾得意！加上勁多芝士汁，呢個芝士汁好似芝士湯，所以食起嚟好有湯麵feel，有芝士嘅香味但係唔會覺得好漏，加埋白菌同埋煙肉，大大提升埋香味嘅層次潻！
📍炸厚切黑毛豬滑蛋蓋意式紅飯
買相又靚又日式！我好鍾意呀！黑毛豬好脆口，卡滋卡滋好鬼正！咬開就係柔軟嘅豚肉，完全唔落醬汁都好好味！紅飯口感軟綿綿，少少醬油香，配埋紫菜碎同埋滑蛋，食到唔停口啊！
📍單骨芥末蜜糖雞翼
我就最鍾意食雞翼咁喇！識食就梗係食單骨啦！單骨雞翼細隻啲，食嘅時候可以成隻放落口裏面啜，真係特別滋味㗎！呢款仲加咗蜜糖同埋少少芥末醬，味道香甜和辛辣之間有驚喜！
📍香蕉拖肥奶昔
勁邪惡但係勁好飲囉！仲有生忌廉toppings，所以個奶昔飲落特別香滑，香蕉🍌配拖肥，味道好香濃啊！
📍士多啤梨焦糖脆脆梳乎厘班戟
輪到主角出現啦！因為要即時製作，而製作需要30分鐘，食住等時間就啱啱好喇！呢度個梳乎厘班戟夠晒大塊夠晒厚身，兩大塊疊高高，食落口空氣咁好重，真係好梳乎啊！然後仲有好多忌廉。我鍾意啲忌廉甜到啱啱好，not too much just enough,配酸酸地士多啤梨勁正！
焦糖脆脆一放入口輕輕一咬整排散開，果下焦糖香有如火山爆發般噴出來，令我不能自拔地一啖又一啖咁回味呢一個口感，直到食晒！然後又唯有期待下一次🥲
HeSheEat (白布街)
地址: 旺角白布街22號藝興大廈地下4號舖
@hesheeatcafe #hesheeat #hesheeatcafe #dessert #souffle #soufflepancakes
🌈🌈🌈🌈🌈🌈🌈🌈
追蹤我的腳印👣
fb🔗https://www.facebook.com/Shadowcblog
ig🔗http://instagram.com/shadowccheung/
blog🔗https://blog.ulifestyle.com.hk/shareshadow
job💌shareshadow@yahoo.com.hk #hkfoodie #hkinfluencer #shadowc影子 #hkbeautyblogger
🌈🌈🌈🌈🌈🌈🌈🌈
hesheeat呢度食返個震騰騰嘅即焗梳乎厘班戟 在 [HeSheEat 日式梳乎厘班戟系列] 空氣感十足的 ... - Facebook 的推薦與評價
楓糖漿配上鬆軟嘅日式梳乎厘班戟，當然唔少得頂層嘅日本忌廉令到口感更加提升。 ... 自家製焦糖脆脆味道非常香濃，配上新鮮士多啤梨，與面層芝士奶蓋一齊食，真係層次 ... ... <看更多>