逼科的愛情 （四）需要，還是愛呢？
女孩在大學主修會計，但那知會計比想像中困難得多，year 1 Sem1 ，讀principles of accounting 就F左，GPA太低，仲讀到收warning letter。那女孩決定下個sem努力啲，但Sem 2 的成績比Sem 1 好，但還是比想像中低很多，那如何是好呢？
同班有一個男同學，他的成績很好，而且又取得某逼科的intern offer。 如果自己讀書讀得唔好，搵個人教自己又如何呢？
那女孩刻意的接近他，問其他同學他的電話，整個暑假不停的whatsapp他。
「我好掛住你，不如出嚟食個飯？」
「飲完酒，你鍾意對我做咩就做咩！」
「aiyaaa，衰人你真係唔理我呀？」
終於，那個男孩被她感動了，他們一齊了。
當別人情侶拍拖行街食飯睇戲，但他們就在圖書館拍拖温書。
「點解要Dr inventory，點解要做呢個adjustment，我唔明？」
「食完飯我再教好唔好？」
「唔好食飯住，天日mid term，教埋我呢度先？please la！」
女孩輕輕的親了男孩一下，「當俾個鼓勵你，好唔好？」
「呢度圖書館嚟，唔好咁啦！ 我教埋呢度就要食飯啦。
————————————
女孩的apt test 成績一向都差，她叫男孩幫手做某間逼科的apt test，但最後，個apt test 竟然唔pass，代表女孩沒有那間逼科interview 的機會。
女孩很生氣：「我唔理解，點解你自己個apt test 就pass，我就會fail，你係咪無用心幫我做？」
男孩拉住女孩的手：「我盡左力。」
女孩：「盡左力係咁嘅，你一向都知我緊張份工，你係咪唔想我入到？分手呀，我接受唔到。」
男孩眼泛淚光：「我都想你入到，對唔住，但我真係盡左力！」
他們兩人瀕臨分手的邊緣，但最後，還是和解了。
————————————
畢業那一年，女孩沒有offer，她在普通公司做一個小會計，人工是11,500 蚊。這是什麼鬼的人工，你懂嗎？QP 考一科要4,000 蚊，考兩科要8,000, 所以一個月的人工就貢獻左俾HKICPA。但女孩那有那麼多錢，而且，出嚟社會工作，唔通同屋企人攞錢交考試費呢？
男孩那時薪金只是比女孩多一點，但他每個月也貢獻幾千蚊俾女孩交考試費，所以女孩勉強過到日子。
————————————
一年過後，女孩靠自己的apt test 入了逼科。QP考試好難，passing rate 又低，所以每到假期，他們會留在男孩房裡温書。
在房裡，男孩的手總是不安本份，在女孩身上游走。
他輕輕的在女孩耳邊說：「不如我地除杉温書？」
女孩又好氣又好笑：「除左杉你真係會咁乖温書？」
他攬住女孩：「要要呀，做完再温啦！」
女孩：「唔得，你温完impairment 個課未？」
男孩性慾高漲，理也不理女孩，直接撲倒女孩在床，「你再唔用「佢」，「佢」嘅value in use 就跌到落零，要做impairment。」
就這樣打打罵罵，他們又順利通過了QP考試。
————————————
那時的男孩同女孩都是senior 了，更能獨當一面。
有一次，他們吵交。
男孩：「你見我無利用價值，就想分手？宜家你考完QP，工作又更能獨當一面，你唔再係那些年果個要我照顧嘅女仔。」
女孩：「我似係見你無利用價值，會飛你嘅人咩？」
男孩：「似呀！」
女孩：「你覺得我一直利用緊你？」
男孩默不作聲。
女孩：「不如我們結婚。」
男孩：「點解？」
女孩：「我會證明俾你睇，即使那些年我地開始戀愛的原因唔單純，但唔代表我地呢幾年的相處，我無愛過你。即使我一開頭好有目咁接近你，但我宜家真係鍾意左你，而且我想同你一直走下去。」
IG:Fakemanching1607
