【 viuTV 四月開台的觀後感 】其實，實況節目係重要，但拍劇更重要！另外是要卡士、排陣，人無你有，你有就要做得更好，即係TVB只會想到播《永安旅遊話你知：點解XX咁好玩》，而亞視係夠膽做《驚心動魄半小時》或者《哭泣的森林》。想當年，佳藝電視不乏噱頭，但黃金時段播教育電視真係S099Y。
###########################
「2014年HKTV帶俾我嘅係滿心歡喜，但2016年HKTV帶俾我嘅，係「一個夢想的消逝」。作為觀眾，仲要資深個隻，我對Viu TV ，甚至任何一間新電視台都係有期望，但我唔會盲目地相信所有對抗TBB 嘅電視台都係好台。」
#viutv #hk #香港 #電視 #TVB
《不偏不倚，評論Viu TV試映會》
得到 Viu TV嘅邀請，兩星期前去左睇試映會。大家都唔會想睇「真係好期待有新電視台呀」呢啲行野，今日就如實咁講「睇後感」。(放心，無任何劇透)
※※※
試映會播左3個實況節目 (我理解實況節目即係真人show)...
首先係賣到非睇不可嘅「跟住矛盾去旅行」...
老老豆豆，「林日hey 大戰元秋」係好睇，但無想像中咁好睇。好睇嘅唔係節目本身，而係節目嘉賓。就好似當年睇志雲局飯，節目無咩特別，好唔好睇，係睇個集有咩嘉賓。「跟住矛盾去旅行」，去旅行唔係個重點，重點係請邊個去旅行。「林日hey 大戰元秋」，唔旅行齋廠景都有火花。平時睇林日hey係睇FB post 或者短 video，1分鐘嘅林日hey係好好笑好有重點，多過10分鐘嘅林日hey就有啲飽飽濟濟，林日hey如果係一個GIF，係好OK，林日hey 係video就Yau Ma Tei。
第二個實況節目係「慳啲啦honey」...
一pair pair 情侶素人參加比賽，類似survivor 夫妻版，節目好好笑。情侶素人好平凡，好貼地，但呢批素人係無potential 進化成idol，即使呢個節目好收得，都只係一閃即逝嘅成功，就好似盛女大作戰。
第三個實況節目「G1格鬥會」...
一班唔識打拳嘅女仔做主角，由唔識打拳，訓練成職業拳手，再「你打我我打你」，最後選出最好打個個。呢類要個藝員受苦，表達勵志嘅節目，以前日本做過好多，好似一個月一蚊都唔洗點過，電波少年無錢點環遊世界。睇藝員捱苦，令觀眾認識甚至喜歡佢地，成功嘅例子好多，但歷史上，觀眾好快將呢班捱苦藝員拋諸腦後，觀眾想睇嘅係continuous 嘅捱苦，唔係捱完有幾勵志，觀眾係好變態咁想睇個藝員好似自己咁捱一世，佢地一唔使捱，就無觀看性架啦。
※※※
聰明嘅你，睇完我嘅描述，都會略懂Viu TV 嘅問題喺邊：
● 呢3個節目清楚透露Viu TV唔夠cast 嘅問題...
題材再好，都要有cast，新面孔唔係唔好，但一個節目全部都係生面口，就會變左「四葉草」嘅水平。當成個電視台嘅演員都係三四線，號召力就減半啦。
快速有cast 嘅唯一途徑，就係喺TBB 買返來，但買得多藝員，就好易變左另一個TBB，即係HKTV咁；買得少，就會好似亞視陳啟泰咁，倚重一兩個大cast，咩節目都見到佢，覺得佢老是常出現。
● Viu TV 主打嘅實況節目，係無持久觀看性架。實況劇就好似商場嘅蛋黃哥pop up store，只會係一個話題，而唔會係佳作。
● Viu TV 又好，HKTV又好，都強調要做到同TBB 唔同，但睇返Viu TV 電視節目鋪排，依然走唔出TBB 嘅framework。要做一個受歡迎嘅電視台，唔係要做到同TBB 完全唔同，而係同一類嘅節目要比TBB 做得好。
● Viu TV 係偏向target 年青人。強調唔會只做c9 節目，好多時，就會做左啲 exclude c9 嘅節目出來，最終都係吸引唔到TBB c9 觀眾。年青人已經放棄睇電視，Viu TV要有觀眾，佢嘅節目唔可能只target年青人。
※※※
2014年HKTV帶俾我嘅係滿心歡喜，但2016年HKTV帶俾我嘅，係「一個夢想的消逝」。作為觀眾，仲要資深個隻，我對Viu TV ，甚至任何一間新電視台都係有期望，但我唔會盲目地相信所有對抗TBB 嘅電視台都係好台。
※※※
「林日hey 大戰元秋」係好睇，但絕對會引發家庭內戰，如果你屋企有人係支持政府同投禮義廉，你會聽到啲老人家講你最唔想聽個句：「而家啲年青人咪好似林日hey 咁囉，無啲禮貌」，我提議年青人靜雞雞睇。一家大細食餐靚飯，不妨睇「慳啲啦honey」，因為幾好送飯架呢個節目。至於想減肥瘦身嘅c9，就真係要睇「G1格鬥會」，我個日一路睇，都幾想企起身跟住做運動。
※※※
PS.試映會當日，好多型男靚女企係Viu TV個backdrop 不停自拍，咁我又一向唔拋頭露面，我就影左佢個開電視畫面，好有親切感，後來我諗左好耐點解咁熟口熟面，今日我開電腦見到Microsoft 彈出來，我就覺悟到個親切感從可而來。
Viu TV 電視節目表：
http://viu.tv/schedule
hktv節目表 在 電視節目表HKTV EPG 的推薦與評價
電視節目表HKTV EPG. 771 likes. 香港主要電視台節目表, 方便即時查閱七日內所有節目, 提供預校提示功能, 確保不會錯過心愛的電視節目。 ... <看更多>