《#怒火》係套好成熟好典型嘅作品，正邪警匪未必俾人預期新鮮，但喺越嚟越少人識拍呢種剛陽動作戲嘅今日肯定揾得返一點感覺。新導演有新導演好，但傳統導演勁卡士的大製作始終有其價值，市場裡面應該要咩都有啲。我從來唔會跟風講合拍片係萬惡，拍戲現實係要用好多錢，點樣喺唔同制肘之間揾到生存之道係學問。當投資者同觀眾都注意到一啲過往劇本問題，一步步調節返其實都可拍出《拆彈專家2》或《怒火》呢種比以往更大但不減港味的好戲。
套戲俾我感覺係踏實，劇情簡單唔會玩到太複雜搞到跟唔到，但又唔係內容人物單薄得只剩動作。導演好明白兩個演員能力去到邊，太過需要演技一定唔啱佢地，但將角色寫至啱啱好係發揮到。大廚演的大奸角理論上係更強可塑性，係型嘅，佢都應該盡咗力，不過造型演法唔算話耳目一新。宇宙最強本色演出更佳，完全脫離現實嗰種擔屎唔偷食正義之士，做開做慣睇落度身訂造，至少喺呢個幻想空間裡似個英雄。二人由朋友至對立關係描寫有力，大廚最後講出一句假如當日行動大家位置調轉，會否改變命運… 唏噓無奈，天命還是自己攞嚟，為電影寫下一個好有意思的結尾。
呢套戲劇情都其次，動作始終係主打。廣東道大戰重點炮製，喺我哋最熟悉街頭大搞動作，港產片已有足夠能力把實景+搭景+CG運用得好好。熟悉本土地形就可能會對轉個彎入教堂感到有點匪夷所思，不過問題不大。教堂內的拳腳動作對打其實好睇過不惜工本的街頭駁火，始終係宇宙最強強項，如果整部戲少啲槍多啲肉搏可能會更加正。其實我至愛茶果嶺那一幕戲，對劇情有幫助打得勁之餘亦充滿味道。一個公認差佬都唔敢去嘅地方，傳說級未知險境，守候的是不要命的南亞人。單人匹馬入人哋地頭講數設定已經夠驚險，結果一打百，鐵皮屋間飛檐走壁幾咁武俠。再來單挑直接打落地下管道，後來補多個從水管跑出的俯瞰鏡頭，整個空間轉移乾淨利落一氣呵成，非常完整圓滿嘅一場戲。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 影患有救！
.
英皇電影Emperor Motion Pictures
Intercontinental Film Distributors（HK）Ltd.
Emperor Cinemas 英皇戲院
intercontinental意思 在 到它的身影，令整齣戲充滿未知的 - Facebook 的推薦與評價
怪奇默友》今日陪我玩好魔？ 《怪奇默友》銳意嚇出新意思，編導積及卓斯由日常生活入手，設定戲裡的恐怖怪物「拉利」潛伏在電子屏幕背後，它更會遊走於不同的電子設備 ... ... <看更多>