記得以前有個阿叔同我講：「打字快都無用，請個秘書打字就得啦。」大家諗下呢個阿叔嘅邏輯，就知幾咁無味，好似有人同你講：「你讀書都無用，請個書僮就得。」「你學寫字無用，請個寫信佬就得。」
好多年前有朋友問我 Android 同 iPhone 有乜分別，佢話佢老細問佢，要佢寫一份報告畀佢決定買邊部手機。無錯呢個老細確實可以畀錢請我個朋友去幫佢查下手機，但其實自己上網 Google 一下，就可以搵到一大堆比較。
授人以魚，不如授之以漁。
輸入法永遠唔係亦唔應該係終極目標，而只係工具及方法。但當你能有效率地善用呢個方法，利用更短時間，全面表達，討論就能更為多元，眼界亦因而大開。
至於文首提到嗰個阿叔，當初正是無視自身能力不足，反而故意貶低中文輸入為低含金嘅技術，到而家都唔識打字。可惜佢無聘請秘書，只能間中用手寫輸入法，發啲繁簡混雜嘅聊天訊息來，寫嘢重 1999。
So sad。
