首先感謝 ASICS 提供試鞋機會。
一直好想試Gel-Kayano系列但未有機會，所以當收到邀請時真係很興奮！
認識ASICS呢個牌子時仲係一個·打排球的中學生，個時著佢地嘅排球鞋都著了好幾年。至於跑鞋，平時聽就聽師兄師姐講得多，究竟Gel-Kayano 26為何一直被稱為長跑必備的跑鞋，就等我一一話你啦！
1. 保護性
相信大家都聽過Gel-Kayano系列最大特點就係保護性強，好適合新手著。因為ASICS用嘅科技就是為了提供可靠嘅保護、支撐性和持續嘅緩震效果，但太科學的專有名詞我暫且不說，大家Google就會搵到。
穿上後第一個感覺係：保護性真係好高！成隻腳掌包實哂，開頭有小小硬，但著多幾次就已經好舒服。最重要係，我經常有腳掌左右搖擺的問題（因為扁平足比較嚴重），著咗Kayano 26之後大大改善了呢個問題，當然，本身有咁嘅問題都唔可以淨係怪對鞋，自己嘅跑步技術上其實都仲要再改進嘅！
我分別係試咗係運動場同街跑，兩個地方都同樣舒服，係運動場仲比較彈，總括來說都係好好著。
2. 重量
呢個位真係值得一讚的，話說前年開始有念頭想跑全馬，於是去望過下第24代，不過當時覺得太重會跑唔郁就放棄了。今次來到第26代，重量呢個問題似乎解決了！拎上手冇咗「好重呀！」呢個感覺，著上腳都唔會跑唔郁，而且夠彈！
3. 外型設計
我同大家一樣，買鞋除咗睇功能性，外型都好重要，正所謂「唔打得都睇得」嘛！今次襯色都唔錯，至少多咗顏色嘅選擇。而我腳上呢個紫色x綠色x白色好sharp，襯深色衫同淺色衫都得。以前成日有跑友話顏色唔夠靚，看來今次ASICS有花心機係外型方面。
總括來講我對Gel-Kayano 26非常滿意，而且覺得非常適合用作練習鞋，亦非常適合新手。最可惜係因為我腳傷未癒未能著住呢對鞋試下跑更長距離，咁就等我好返再報告比大家知！
#ASICSHK #GELKAYANO26 #ASICS
