以下係一則冇乜主題既個人分享時間，純粹呃like
唔睇冇咩損失
話說陪伴咗我幾年既小小脂肪瘤(喺armpit)，本來係唔痛仲細過粒咖喱魚蛋，睇過幾個醫生都話切又得 唔切又得，只要佢唔痛唔影響到我就ok，咁我咪由佢先囉
點知早幾日 佢突然變到好似粒放咗落個邊爐烚咗幾個鐘既物演貢，仲要開始痛，睇落唔對路 就嗱嗱聲朝早8點幾去睇醫生再轉介去專科
照舊我都係去GMC度睇，clinic個Dr refer我去睇Dr Buvan
係門口等Dr Buvan返黎 睇見個牌寫佢係大腸/直腸手術專科
心諗唔會搞錯呀嘛.....(黑人問號?) 再望真啲佢都係General Surgeon，好心佢中文翻譯就寫清楚d啦 寫d唔寫d
差唔多11點先見到醫生
Dr Buvan摸兩摸 㩒兩㩒 就話係時候切得
我問佢暫緩先 唔切得唔得呀，佢話切咗快啲好喎 咁咪切囉
由於時間關係我成朝都冇食過野，水都冇飲多啖，就啱晒即刻入院做手術，跟手就去lab做test, x-ray, admit hospital等運到
等呀等 等呀等 好似等到4點幾先可以入去做
入到去手術室，索咗兩嘢 然後好似有道氣係丹田對落湧上心口，擘大眼就已經完事
我人生既第一次咁就冇咗..........
返入病房，成晏晝6點幾 姑娘話要4個鐘後先飲得水 等得黎都10點 即係唔使食野啦 @#%$%
OK 反正我又唔肚餓
但係轉個頭另一個姑娘又俾個menu我 問定我聽日早午晚三餐想食咩 好似幾好咁 但係睇完個menu 又搞到我有少少肚餓 頂佢吖 嗱嗱聲瞓覺算數
第二朝起身 冇乜特別 食完個早餐 見完醫生 話我可以出院
過幾日返黎覆診 我仲唔嗱嗱聲沖涼 執野 搞埋出院手續
揸車返屋企
係 冇錯 全程都係得我自己一個 我都唔知我算唔算開咗刀做手術 但係個傷口又有成8cm咁長(目測)
ok 入正題 (問你死未)
GMC即係Gleneagles Medical Centre Penang
外面睇好似舊咗d 但係佢地裡面既facilities大部份都算幾新
病房就比我想像之中舊咗少少 可能未翻新 又或者係我黑仔得我果間先係咁
你見佢個locker都好似好舊咁 但係佢又用緊RFID呢啲hi-tech野 真係估佢唔到 病房出面就普普通通
手術室幾大幾新 但係望唔夠幾分鐘
1/F 同 2/F 係睇專科醫生 兩層都有cashier + Pharmacy
唔使行上行落 幾好
6/F 係有埋in-patient既cashier + Pharmacy
冇記錯7/F-18/F都係唔同類型既病房
最後埋單RM7268 (計晒手術+全身麻醉+病房+其他)
有冇人想知埋個breakdown?
lab test中文 在 lab test 中文 - 查查綫上辭典 的相關結果
lab test中文 ::室內實驗;實驗室試驗…，點擊查查權威綫上辭典詳細解釋lab test的中文翻譯，lab test的發音，音標，用法和例句等。 ... <看更多>