［第十一餐］［台北美食日常］［假裝在日本］老乾杯居酒屋
1. 呢檔嘢有啲名氣，不過之前我冇食過，但都有啲人搞亂。有啲以為大陸公司，有啲以為台灣，甚至有人以為日本。況且，仲有檔「乾杯」，有人以為大陸抄台灣，有人以為掉轉。
2. 其實呢，有樣嘢叫Google
3. 首先，「老乾杯」同「乾杯」根本同一個集團，做埋批發之類。有乜分別？貴啲同平啲，利苑同利小館，LaFite同副牌「小LaFite」咁。不存在邊個抄邊個，根本同一檔嘢
4. 檔嘢冇錯係大陸有，但係台灣開過去的，而亦係公司直營，唔係抄。
5. 檔嘢仲要在台灣上市（有幾出奇？小肥牛都上市啦。小肥牛呀，唔係小肥羊）。而你見到董事局呀，創辦人呀，唔少都係日本人名。
6. 不過個創辦人平出莊司（硬係令我諗起中出羊子），其實係台日混血。日本老豆台灣老婆啦，好一個海角七號。
7. 講完背景，檔嘢其實係燒肉居酒屋。咁但外賣就做呢啲便當啦
8. 我呢，叫嗰時，其實係想今日先試「乾杯」，聽日先「老乾杯」。先平後貴，先苦（？）後甜好啲。即係試咗貴嘅先，食平嘅難免失望，由奢入儉難嘛。雖然你又可以話，可能試完都係覺得差不多，就覺得平嘅抵啲。但算啦，以香港人嘅消費。「埃汾打餐邊爐都成千銀啦」
9. 咁但，因為兩檔嘢實在太似，亦根本同集團。結果我叫咗「老乾杯」都唔知，是是，隨緣。同樣地，其實可以加隻溫泉蛋，但又係落嗰時冇發現，隨緣
10. 嚟到就係咁嘅嘢啦。一眼睇晒，牛舌，但澳洲嘢啦，寫明係冷藏。就當然唔係日本仙台嗰回事了—嗚，舊年呢個時間就在仙台，應該食咗六七餐牛舌。
11. 其他配菜，都係好食嘅，個湯亦不錯。仲有，米係北海道七星米。而仲有埃汾最鍾意嘅薑蔥！餃子另加，冇乜特別
12. 價錢？盛惠800。台灣人覺得你痴撚線的。
13. 聽日就試埋「乾杯」
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
lafite價錢 在 拉菲紅酒價錢-在PTT/MOBILE01上汽車保養配件評價分析 的推薦與評價
2022拉菲紅酒價錢討論推薦，在PTT/MOBILE01汽車相關資訊，找拉菲紅酒價錢在YouTube影片與社 ... 級紅酒· 1級酒(左岸) Chateau Lafite Rothschild 拉菲堡. ... <看更多>