#小型盤菜4至5人
#中型盤菜6至8人
#善心小店
有無人同我一樣，到了喜歡食盤菜的年紀？🤣以前過時過節唔知點解長輩好鐘意叫盤菜，黎緊聖誕新年，除了 #打邊爐、 #燒肉，就是會想叫個盤菜食下，做完資料搜集，發現人少好難叫盤菜，而且都唔平，我屋企人得一家三口，普通叫個6-8人份量分分鐘要食3日🤪好在我搵到 4-5人份量，如果屋企多個小朋友，有長輩或工人姐姐，就可以一餐KO了！
估唔到個盤菜都幾啱小朋友食，一一食西蘭花、蓮藕、魚蛋、釀豆卜、切雞、茄汁蝦、枝竹，可能因為小店逢初一十五會派齋飯比老人家，盤菜同盤菜汁會分開包裝，到時因應口味決定落多落少，食物入味但又不至於醃得太耐一味得個咸字，食多啲都唔會有罪惡感😋
大人可以食豬皮(我至愛的爽口感)、蘿蔔、蠔豉、冬菇、鮑魚仔、燒鴨、髮菜、遼參，如果減緊肥的朋友可以飯都唔洗煲直接食餸🤣盤底有塊竹筲箕隔一隔，貼心設計唔會煲燶😁
老公以為呢盤要$800-$1000，我話佢知只要$588(4-5人) $788(6-8人)，佢都嚇一跳，小店人手有限好難送貨，我就叫 Lalamove電單車手🛵送貨，九龍區只係加多幾十蚊就送上門了😁
今次食完，我地決定再落單送去長輩屋企，婆婆都話好耐無食過盤菜了，疫情期間唔方便一齊食飯，都可以趁節日表達下心意☺️
#一一愛吃
#爸爸夜收工我地開餐先🤣
lalamove電單車手 在 LaLamove香港電單車手公會（黑名單顧客及潛規則） - Facebook 的推薦與評價
LaLamove香港電單車手公會（黑名 單顧客及潛規則）. 418 likes. . 492 followers ... 此專頁主要為各位LaLamove電單車手提供顧客黑名單資訊及公佈相關的潛規則，例如早前 ... ... <看更多>