#今日用光光
今日清下啲化妝品先
benefit 蒲公英胭脂
都算係一盒我用得最多嘅胭脂，顏色好容易配搭易用，唔浮誇，重手都唔會好深色，裸色帶粉紅，一盒唔洗點諗嘅胭脂，但啲粉壓得好鬆，勁飛粉，個掃啲毛好鬆軟，令個妝感好輕，但呢種長型我用唔慣， 我會用返自己既胭脂握， 但係呢一個方形嘅化妝掃我會保留，平時補妝掃粉餅用。
the balm Bahama Mama
一款好啱亞洲用人用既陰影粉，但唔適合偏白肌色，佢岩正常至微黃嘅人用，用左好耐係時候要掉啦。
粉底液類
Covermark Moisture Veil Creamy Liquid
三支入面最常用，質地好creamy, 但乾得快，遮瑕度中上，但要小心控制份量，太厚會變面具人，用美妝旦好過用掃，某程度佢係偏乾少少，要做好保濕打底，出油之後都唔會樣衰，但唔可以用控油，會乾到痴線，色號選擇多，但佢啲色跳一號就會黃左，容量有25g，好似少啲，但佢用量真係好少，呢方面唔大問題，價錢好似唔貴，新出果時買係三百樓下。
Maquillage True Liquid Foundation
當初係去過workshop,覺得好用先買，佢算係 bb cream, 因為好方便，直接用手搽上面就得，遮瑕力中等，妝感唔厚，夏天用都唔太浮，不過放耐左，有時用返覺得氧化到個人灰左，又可能佢太深色，明明已經係最白色號。
Shiseido Lasting Liquid Foundation
都係買最白，質地好稀，用之前要搖下佢，妝感偏啞，但又唔乾，呢支應該係舊版本，缺點係低遮瑕度，所以我會輕輕加多層，有啲煩所以少用，不過佢因為質地咁水，用量都多用得快，用左半支有多，棒棒的。
粉底膏
話說我少用粉底膏，因為覺得好難用，但呢兩件令我改觀，因為好極端嘅效果。
KRYOLAN Ultra Foundation
細細樽但佢係粉底，呢個專業化妝品牌值得推薦，好用到不得了，夠潤唔乾，唔厚又易推，上要後超自然，完全可以遮晒我嘅泛紅，又唔會變面具，用量好少，點幾下可印晒全面，堆疊都唔厚，夏天都用到，持妝力強，出油後唔會食毛孔，有啲奶油肌。
eSpoir Pro Tailor Essence Compact
浪費我金錢，上面係貼，但當你落左定妝過一陣就浮到死屍咁款，無論用咩工具都係咁，樣衰到我要卸左佢再化過，我記得只係百幾蚊，但前後一年我比左唔少機會去試，但真係用唔到。
#用後感 #粉底液分享 #粉底膏 #空瓶記
maquillage粉底液色號 在 牛奶粉底實測MAQuillAGE心機彩粧水蜜光精華無瑕粉底 - Dcard 的推薦與評價
日系底妝霸主- Maquillage心機彩粧，⭐️全新牛奶粉底打造無瑕蜜光肌，0毛孔．超保濕．極持妝，⭐️被日本網友狂讚的「0毛孔神器」！，質地保濕、薄薄 ... ... <看更多>