我之前有份工做sales，每年臨近中秋，公司都會叫所有sales整一個有solid生意來往嘅client list，方便計下要分配幾多張月餅券送畀客，用意當然係build up relationship。
有個sales唔知係咪等錢使，竟然將月餅券擺上拍賣網轉售圖利，但又蠢到影張相都show埋月餅券 number，要check有幾難吖？可能Admin姐姐玩開拍賣啦，佢見到之後check一check個list，即時心中有數，跟住講畀老細聽，然後興師問罪，不過唔係每張券都show晒number，老細唔排除有同謀，所以叫我哋成班sales確認送月餅券嘅情況。
家醜不出外傳，公司又唔可以正面問客，所以我就出咗封email畀接受咗月餅券嘅客人，內容係講中秋節快樂，講埋幾月幾號拎咗張月餅券上佢公司，提醒佢哋要幾多號之前去換領，唔好浪費張券blahblahblah 基本上收得我月餅券嘅都係熟客，又基本上所有客得到著數都會 #感恩，係咁易覆返句多謝呀，同你say返Happy Mid-Autumn Day咁樣嘅。
唯獨是有一位同事支吾以對，又話唔記得咗呢樣嗰樣，又話冇email同埋冇任何record，結果有個manager對一對佢張client list，當中有個客本來係manager跟開嘅，後來先pass咗畀呢位同事啫，所以manager同嗰個客算friend底，詐詐諦打去吹兩句，提佢記得要換月餅，希望嚟緊可以做更多生意之類，然後個客就答：「多謝你先，不過未收到喎！下星期就過期？咁不如你幫我換埋啦。」
大家都知咩事㗎喇，係畀緊機會個同事自首，或者等佢補救返。Admin同Manager都叫大家確認邊啲客送咗，邊啲未送就拎返張券出嚟先，佢一時話鎖咗喺櫃桶冇拎鎖匙，一時又話擺咗喺屋企。坦白講，呢個世界冇人鍾意食死貓，如果你身家清白，一疉月餅券掟出嚟再反屌質疑你嘅人啦！佢又做唔到，最後僵持咗一段時間，咪又係死死地氣認咗中飽私囊，推翻晒之前講過嘅大話。
公司冇報警，叫佢賠返錢同埋炒魷就完結事件，月餅券唔係咩錢，誠信先係無價。
一個大話講一百次一千次，佢依然係一個大話。
而一個大話冚一個大話，永遠都會破綻百出。
補充返先，今日圖文不符。
圖片來源：蘋果日報live
mid幾月 在 沃皮斯潮流金門創始店- Air Jordan 1 Mid '' Light Smoke Grey ... 的推薦與評價
Air Jordan 1 Mid '' Light Smoke Grey '' 煙灰黑小Dior 男鞋#百搭鞋款#現貨#經典款式#aj1 Air Jordan 1 Mid 正在為未來幾個月的做好準備。它的最新版本是Air Jordan 1 ... ... <看更多>