【寵物家居好物】小編近期雖然WFH，但就發覺每日都花咗唔少時間用嚟吸塵，皆因屋企嘅長毛貓主子成日攪到「一屋都係毛」。用緊嘅舊式吸塵機，除咗吸力唔夠，好多窿罅位都吸唔到，拖住條線又超級麻煩……
最近見到德國名牌 Miele出咗最新嘅無線吸塵機「Triflex」，採用可變換模式嘅「一機三用」設計，仲有特別適合寵物家庭嘅「Cat&Dog」型號添。Miele嘅電器，出名耐用就係人都知，咁一於就入手一部啦！
啱啱收到部機，仲未認真測試過（幾日後再出Po再詳細講），只簡單用了唔同模式試吸兩下。但單睇部機嘅外型真係好吸引，而且跟住說明書，調節主機喺不同位置，就可以好容易咁轉換三種模式。
三種模式分別係「座地式」、「掛牆式」及「手提式」。「座地式」係可以自行站立喺地上，機身重心貼近地面，吸地板時比較省力。「掛牆式」配合長吸管，就適合吸櫃頂同梳化底嘅毛髮。至於最輕巧嘅「手提式」，就最適合吸毛孩留喺梳化同床仔嘅毛毛喇！
講起梳化底，就係我隻貓貓最鍾意去嘅地方，成日留低大量毛毛喺嗰度。Triflex嘅「掛牆式」加上長吸管，唔止好容易伸入梳化低吸，吸頭前端仲有照明燈，咁窿窿罅罅都可以睇清楚吸得乾唔乾淨。
另外屋企嘅梳化，成日有大量毛毛黐到實一實，Triflex「Cat&Dog」型號隨機附送嘅塵蟎吸頭，以高速拍打技術及強力電動滾筒，吸走塵蟎之外，仲可以吸走埋呢啲難攪嘅毛髮。
之前部吸塵機過濾做得唔好，有時吸塵時貓貓都會打乞嚏。而Triflex採用三重過濾設計，「Cat&Dog」型號更有HEPA免更換濾網，可以過濾99.999%致敏原，咁就唔使擔心過敏。
Triflex使用德國名廠VARTA鋰離子電池，每次可用60分鐘，而廠方數據用係用5年後都有8成狀態。就算電池真係舊咗，日後都可獨立購買更換。
大家等小編試用Miele Triflex多幾日，下星期三再同大家詳細講用後感覺！
#TriflexHX1 #3in1innovation
= = = = = = = = = =
【毛城城IG: https://instagram.com/mocityhk】
【YouTube Channel: #毛城城MoCity】
= = = = = = = = = =
一站式 #寵物 資訊平台
✨想分享溫馨動人毛孩故事，或者得意相片影片？
歡迎FB Inbox #毛城城 或者 IG DM
