求職者:「我想講呢,早幾日有另一間agency搵過我見呢份工喇。」
我哋headhunt耐唔耐都會聽到呢句,千辛萬苦搵到個適合嘅求職者,偏偏畀行家捷足先登,鑑於個客人已經喺另一間agency收到份CV,換言之我再send去都冇用,不過唔開心都冇辦法啦,唯有再努力搵另一份CV畀客。
我:「哦,咁好啦,我又搵到你,行家又搵到你,證明你真係好適合份工,去interview畀心機啦!」
求職者:「我推咗喇,你行家搵到我profile,不過我未畀update CV佢。」
我:「吓,點解推呀?」
求職者:「你覺得好啱我咩?」
我:「Job duties嚟講係100%吻合,人工方面都一定好咗,要擔心同埋考慮嘅係culture,你而家呢間好local,我介紹呢間就係英國公司,起碼半個office係外國人,環境變化比較大,點都要時間適應。」
求職者:「係吖,我就係知道culture好唔同,不過你個行家完全冇同我分析過,一味讚好,總之係咁推我去見,就好似sell緊我投資同埋買嘢咁,所以我雖然心動,但你知啦!通常係咁sell又講到完全零瑕疵,成件事就好伏㗎喇。」
我:「同意,我都係受軟唔受硬,有冇試過好想買一樣嘢,個sales完全唔畀你思考,瘋狂勁推介講到天下無雙?如果遇著呢種情況,我本身打算買都會退一步諗多陣先。」
求職者:「Exactly,我又係受軟唔受硬,不過你ok喎,知道有行家接觸咗我,竟然仲叫我畀心機去interview。」
我:「咁唔係點呀?唔通阻止你去in咩,前途嚟㗎嘛,而且搵到你都證明我有眼光啦,其實我喊都冇用㗎喇,不如畀心機搵第二個求職者,即係好似每個月嚟到20號,你可以用一種慘喇慘喇,仲有10日先出糧嘅心態去面對,亦可以懷住一種yeah yeah yeah,仲有10日就出糧嘅態度!最緊要樂觀啲。」
求職者:「哈,呢種心態似我,其實我好想試,而家間公司唔止local,仲係family business,冇得升㗎喇,我停咗喺AM呢個位4年,上司係老細親戚,都係時候跳出comfort zone,一陣畀份update CV你啦!」
遇到呢個case雖然好開心,但其實又唔意外,因為好多打工仔都係受軟唔受硬,無論對住老細嘅命令又好,對住headhunt挖角都好,試問邊個鍾意畀人迫吖,soft啲先會令對方覺得舒服,即使喺職場上,每個人亦都需要具備軟實力同埋樂觀心態,點形容好呢?Um......就好似全新嘅M&M's 焦糖牛奶朱古力一樣,佢嘅焦糖軟心唔止話到畀你聽軟實力有幾咁重要,成包M&M’s擺喺office慢慢食,得閒同班同事分享,開開心心又一day,咁先可以喺星期一至星期五嘅日子當中關關難過關關過。
無論你係咩position都好,記得要剛柔並重,軟硬兼施,仲要時刻保持樂觀,咁樣做起嘢上嚟自然會開心好多,順利好多。
#好快又過一日㗎喇 #辦公室神之軟實力 #mms #mms焦糖牛奶朱古力 #長期糧尾揮手區 #捱過月尾又係一條好漢
mms焦糖牛奶朱古力 在 新Monday Facebook 的最佳解答
香港唔止多人鍾意食M&M‘s朱古力,好多人睇完廣告仲鍾意埋呀紅及呀黃添,因爲佢哋夠可愛又盞鬼吖嘛~
如果你都鍾意M&M‘s就要留意喇~八達通首度推出M&M’s 3D八達通配飾,兩款M&M‘s呀紅同呀黃鬼馬登場,今次呢個系列更配上精緻迷你M&M's吊飾及金屬扣,方便大家隨身攜帶~M&M's Fans必入手呀~
而凡於7-Eleven選購任何一款M&M’s 3D 八達通,更可以半價 (港幣$4.5) 購買40克裝全新M&M’s焦糖牛奶朱古力一包!
成人版M&M's 3D八達通配飾售價$188,9月18日上午7時起喺全線7-Eleven買到啦!
詳情:https://bit.ly/2lg9Thn
#八達通 #八達通配飾 #呀紅 #呀黃 #mms #3D八達通 #陪你為香港增值 #生活嘟able
mms焦糖牛奶朱古力 在 M&M's焦糖牛奶巧克力新上市| [#特約轉播] 吃M&M's ... - Facebook 的推薦與評價
影片出處: 古娃娃WawaKu #吃過不一定懂#要吃就一定要懂# mms焦糖牛奶 巧克力新上市#台灣搶先亞洲獨賣#古娃娃WawaKu. ... <看更多>
mms焦糖牛奶朱古力 在 M&M's焦糖牛奶巧克力新上市| [#特約轉播] 想知道 ... - Facebook 的推薦與評價
[#特約轉播] 想知道怎麼吃M&M's才叫好吃嗎? 快看古娃娃神還原M&M's冰炫風,加入最新焦糖口味, 讓你好吃到不要不要DER~ 內含特殊口味的M&M's開箱。 影片出處: 古娃娃 ... ... <看更多>
mms焦糖牛奶朱古力 在 滴妹Crown - 大家知道M&M's 巧克力其實在美國有超~級~多種 ... 的推薦與評價
台灣都只能吃到兩三種口味,不過沒想到今年才在美國造成轟動搶購的新口味「焦糖牛奶巧克力」竟然也來台灣販售啦!!! 嗚嗚嗚看到我最喜歡的焦糖真的 ... ... <看更多>