［說好了的HKTV MALL 3月數據］又睇下咩反應。我就保守啲。
1. 之前寫過多次王維基，個人（https://bit.ly/2UcYbDo），間公司1137（https://bit.ly/2wchSlw）我都寫過。不用多補充，但本人以「冷血」聞名。固然我一股都冇買過（犯法的說），但你話我寫咁多次，當然鍾意間公司，亦鍾意王維基。不過，盡量唔因為咁而影響判斷。
2. 你鍾意間公司，就睇乜都好架啦，同睇波睇政治一樣，對手永遠都係面目可憎揩少少就跌入波就好彩，自己就係駁到對方冇嘢講人地做就冇晒風度。就係鍾意間公司，先再抽離啲。
3. 之前講過，睇4月頭出嘅3月數據，話咁快就有。
4. 寫呢篇嘢時半夜，我完全唔知股價朝早點行，亦冇睇任何其他分析員點睇（其實我舊同事有睇，但我離職後都心乜聯絡佢，君子之交淡如水，但記得科水）。只係傳過段新聞畀一兩個朋友，好似都覺得幾勁。
5. 就係唔知股價咩反應之下寫，先好玩，呢啲真係分析員101了。知咗點反應再去作文，就極低技術含量，個個都識。美股升，哦因為侵侵施壓然後油價彈。如果跌呢，哦，因為失業人數多。呢啲賽後評，唔係冇用，但技術含量低，因為唔會錯。梗係唔知咩反應然後估先好玩。
6. 我見信報即時新聞標題，「港視3月訂單額勁升1.32倍逾5億元」，sounds good？但，識睇梗係睇按月（雖然有時有季節效應），你舊年個卑時咁低，梗勁升。睇按月，又好似另一種情況噃。
7. 公司同事特登整埋個Excel，榮光歸佢嘅。佢自己有興趣睇，唔係我要佢幫我整
8. 平均每日訂單數量3.18萬，按年梗係勁，但按月，仲要跌喎。同二月勁升係兩回事
9. 平均訂單值為538元，按月升啦，不過反而低過舊年。未深究
10. 好啦，Average daily GMV（哥時咩春歹士窩離淫），平均每日訂單總商品交易額1710萬元，按月升得3%，同2月勁升係兩回事。
11. Monthly GMV on order intake，訂單總商品交易額5.31億元，按月都有一成升。頭三個月做到全年目標四成喎，好似幾勁？不過頭兩個月已經做咗25%，咁至少3月仲係加速嘅
12. 又睇下今日股價反應點。我就審慎少少。就係鍾意先保守啲嘛，調低自己期望好嘅。
monthly excel 在 Create checklist monthly and quarterly in excel - Stack Overflow 的推薦與評價
... <看更多>