#NonLoveStory #story20209
[憤]
我想講，「將我塑造了成為怎樣的一個人」嘅，唔一定係大學，可以係中學，亦都可以係小學。
仲有你講上述呢句前，特登寫「大學四年」，係咪想暗示，只有大學呢四年，或者過咗四年大學，先可以塑造到你個人，而中、小學、幼稚園，就全部都塑造唔到你個人？
人一路成長，一路嘅經歷，不論喜怒哀樂、悲歡離合、恩怨情仇 ...... 都已經塑造緊佢係點。如果得大學先可以塑造一個人係點，咁係咪由兩歲讀幼兒園開始，去到十八、九歲入大學呢十六、七年，我哋係完全冇成長過？
唔通我哋由幼稚園到中學畢業，咁多年都只係一個乳臭未乾、咬住波板糖、唔知執邊咩事，有乜齋喊住嗌阿媽嘅嬰孩，一上到大學就可以心智「嘣」一聲，變成一個大人，突然有晒完整固定嘅人格？
仲有，「住宿、上莊、拍拖」，你話係「為得到更多，而唔係失去更多」，你點證明係啱？唔通「住宿、上莊」，做埋一堆惡劣低俗嘅白癡行為、玩埋一乍污穢爛靡嘅淫亂遊戲，神經兮兮搵一道拍枱、鳩叫，就必定「可以得到更多」？「得到」乜嘢？「得到」學點借「增廣見聞，擴闊人脈」掩飾弱智荒謬同對腐朽規矩嘅盲從？
仲有我想講，大學唔係齋得「住宿、上莊」，讀大學都要讀書，尤其係喺科大谷讀書谷得咁勁嘅地方，臥虎藏龍多過中學咁多，考試評分又勁嚴謹，貼平均分都要食C冇B，唔叻嘅要嘥遠多於中學嘅時間溫習，自閉摺讀當飯食，趕呢趕路又通宵，都未必保到成績！乜都要自己頂，讀得辛苦呻兩句，就畀人鬧「唔好讀吖笨」，你估大學一定咁好過？
唔係個個好似你哋咁得閒、咁有興致玩咁多嘢！唔好將「住宿、上莊」講到係大學必做之事、唔做就一定損失咁！我同你講呀：中學好多好多嘢，係大學再都搵！唔！到！
喺大學，教授同學生關係，疏遠過好多！大學一班，分分鐘成幾百人，一個教授可能一個學期，教成幾千人！
除非你係堂堂都走去問教授問題嘅人，否則個教授連你係乜水都唔認得，遑論嗌得出你個名！中學有冇堂係一班百幾二百人，左右隔籬都唔知乜水？中學啲老師，會唔會下下一完咗學年，即刻唔記得你乜水？
中學以前廿幾三十人一班，一班朋友仔，朝暮上堂談笑，旦夕玩樂嬉戲，日日一齊食飯，天天一齊搞gag，癲就一齊癲，罰就一齊罰，有福同享，有難同當，形影不離，如膠似漆，兄弟、姊妹情濃到難以言喻之境！
你話喺大學，想約中同食飯？一個月都唔知有冇一次！唔只係各有各「忙」，仲係彼此成咗年，心靈生咗隔閡，唔可能再好似以前無所顧忌咁來往！大學嘅人心，仲有冇可能好似以前咁純真無邪、澄明皎潔呀？
以前一出班房周圍行，見親都係熟悉面孔嘅師兄、弟、老師，感覺係好溫暖，「同校一家人」。而家大學呢？一間大學包晒學士、碩士、教授，成萬幾二萬人，話知你勁到識一千人，都只係極少數，日日喺走廊行，好難唔係見到通通係陌生人，你話可以完全唔覺落寞孤寂、冷清淒涼？我批頭畀你當櫈坐呀！
中學嗰陣，一個老師教你，可能教你多過一年，日日見面，喺課室係痴得好埋，時刻睇到大家，要融洽緊密，自然容易得多！（你可以狡辯，中學都有教畜刻薄學生，特登疏遠學生，咁我無話可說）
相反大學，一個講堂，分分鐘大過中學禮堂，大過社區會堂，個教授清楚望到嘅人，不外乎係坐前排嗰咋，嗰咋仲要唔係堂堂坐同一個位，或者上完就閃，同教授冇兩句！
更何況，大學好多教授，佢哋正職係研究研究再研究，實驗實驗再實驗，寫文寫文再寫文，根本未必志在講學，遑論花好多時間喺學生身上？
你喺大學，搵唔搵到個肯成日放學幫學生補課、操練試題，無償付出嘅教授？我喺中學就搵到喇！唔好意思！
教授一個月收幾廿萬人工，賺盡豐俸厚祿，享盡榮華奢富，醉醇醴飫肥鮮，蒙景仰受膜拜，識親都係尊貴真係咁易肯紆尊降貴，同學生有暱密關係？大學教授同學生，真係可以仲好似中學老師同學生一樣咁老友？
以前中小學，日日講"Good Morning/bye Mr./Ms. 乜"，講咗十幾年，但而家喺大學，仲可唔可能有得講？可唔可能呀？
我哋可以自欺欺人，話大學學到嘅嘢，超過中學多多聲，但始終唔能夠否認，中學，係成長極緊要嘅階段，而呢個成長階段，正正更顯著塑造你人生，影響你人生非常深遠！
擦大學鞋嘅人，唔該諗下，如果唔係你中、小學老師，悉心栽培你，教你唔同知識，你點可能捱得過會考、高考或文憑試，點可能做到大學生，點可能「住宿、上莊」咁好玩呀？做人要識飲水思源，吞米念農，畀大學嘅淫樂侈歡、聲色貨利荼毒晒，明明失去嘅比中學更多，偏偏自欺欺人，仲要反過來笑人「眷戀中學」，當中學嘅舊情往誼冇到，你呢啲人簡直係欺師滅祖，數典忘宗！
你以為大學真係咁偉大？咪又係銅臭濃到噴乜都消唔到嘅九流俗地！如果唔使大學學位，都可以好似幾廿年前，靠肯捱而薪高糧準兼有出頭天，又有幾多人肯讀大學？
話知你哋第時幾巴閉，你哋都只係良知蒙昧，心術歪邪，陰陽怪氣，不能誠意正心、格物致知，不知忠義仁智、禮節廉恥，做乜都係沉醉私欲勢利，行為冇厘端正嘅「活死人」！
#清水灣大學 #HKUST
===============================
===============================
:D A OR F 潮TEE 正式開賣！買兩件有折 ==>
【http://dryup.xyz/product/white-a-or-f-tee/ 】
:) 分享你嘅小秘密 ==>【 http://bit.ly/sharesomething 】
B-) 成為專欄作家，讓更多人睇到你嘅作品 ==>【 http://dry.hk/beblogger/ 】
ms意思碩士 在 [問題] MS/PhD, MA/PhD 的意思- 看板studyabroad - 批踢踢實業坊 的推薦與評價
如題
請問有的 program 除了有 MS or MA, PhD 之外
還有 MS/PhD or MA/PhD
這項目的確切意思是什麼呢？
是指碩士修完直接念博士嗎?
一般來說，這種課程是不是照博士班的標準呢？
--
※ 發信站: 批踢踢實業坊(ptt.cc)
◆ From: 114.42.140.137
... <看更多>