［誰人又相信一四一三（＊）這膚淺對白］翠華都蝕成億？好嘢噃！
1. 香港快餐，一門四傑（？）。美心冇上市唔計（＊＊）
2. 之前寫過大家樂出盈警（https://bit.ly/2VLLoZi），大快活就居然未出（應該好快），太興原來業績都出埋（唯一一間十二月結），都冇睇冇寫。咁新鮮過奶油豬嘅，就梗係翠華都出盈警！留意大家樂大快活翠華都三月結，最憎。
3. 係喎，翠華出盈警，本身冇乜特別。飲食業梗係盈警。況且翠華上市7年好似都發咗四五次盈警。但，翠華都可以蝕兩億，就真係榮譽呢樣嘢唔係人人可以有啦！
4. 睇返個公告（https://bit.ly/2YtEBFx），就係話翠華全年蝕1.6 - 1.8億。睇我張圖，黃色係最近半年（2019年4月-9月），當時已蝕緊4500萬左右。咁即係，下半年（2019年10月-2020年3月）蝕緊1.15 – 1.35億。
5. 咁即係，多過大家樂咯，舊文講咗啦（https://bit.ly/2VLLoZi），大家樂下半年（同樣三月結）輸緊6000萬至9000萬左右
6. 而翠華可以蝕得多過大家樂，係十分神奇嘅事嚟的！因為大家樂大好很多嘛！
7. 好簡單，你睇翠華上市8年，最叻嗰年都只係賺1.5億。大家樂賺緊6億。睇生意，翠華一年20億唔夠，大家樂90億。如果你睇book value ，翠華10億不夠，大家樂30億。市值？翠華5億，大家樂100億 — 而翠華可以蝕得多過大家樂，堅勁！真係唔知雞先定蛋先
8. 睇真少少，翠華份嘢有講（https://bit.ly/3bQnRfk），有啲一次性嘅減值乜乜物物，都億幾。即係個「本業」其實唔係蝕好多嘅，我甚至懷疑（懶計）佢下半年蝕少咗，因為打埋嗰堆減值先下半年蝕1.15 – 1.35億。
9. 討論？都冇乜好討論。首先我就真係N年冇食翠華，巧撚難食。但呢個同股價係冇乜必然關係嘅，麥當勞好好食咩？睇食神就知，股東關心賺錢，唔係好唔好食。最成功嘅餐飲股冇一間係好食的（應該話，根本唔會上市）。
10. 鍾意嘅，睇下翠華嘅中期報告，畀學生（！）或煙腸做功課幾好，夠短，好似三四十頁睇完，跳走埋呀李乜乜個樣同啲魚蛋粉（真係有的），好快睇完。(https://bit.ly/2yWwxlC)。相對地係易睇嘅
11. 表我整埋，重點幾個
12. 首先，翠華大陸業務佔得幾重，三四成，遠高過大家樂大快活太興（太興開到去瀋陽！）。而同大家樂唔同，翠華嘅大陸業務係拖後腿嘅，雖然冇公佈利錢，但見收入跌得仲快過香港，反而大灣樂係大陸業務幫補到香港的。另外，翠華嘅「其他」，係新加坡。澳門好似都係其他。
13. 另外，一早講過，飲食業最大嘅成本當然唔係租，係人工，然後到料（已售存貨成本也），之後先到租，你見幾間都係咁。當然你自己開一間可能唔同，特別你自己做埋廚然後捉你老婆做樓面的話
14. 關於租，其實幾間都有呢個問題，睇綠色嘅地方。多咗一舊叫做「使用權資產攤銷」嘅東西，以前冇的，會計嘢，難解，但都係好似租咁嘅東西。所以唔好以為翠華啲半年租由億幾跌到幾千萬。
15. 呀，講過了，蝕億幾唔緊要，你蝕唔蝕得起先？你係TVB定有線就爭好遠。翠華，都仲好似近10億book，輸多億幾，還可以，但開始危險了。不過你睇股價都知，6蚊跌到3毫子，而家5億市值，同死咗都冇乜分別。
16. 不過，至少有樣嘢好，翠華係net cash 嘅。有少量銀行貸款，但舊年九月都仲有2.7億淨現金，而家可能億幾掛。
17. 講到尾啦喎，翠華都係搵笨實架啦，嘢食搵笨實，股價又搵笨實。冇錯，份財報好似易睇，盤生意好似易明 — 但背後點樣出啲古惑呀，關聯交易呀之類，就好多人寫過了，自己Google 下。貴價同大股東買工廈，又有納空租畀大股東老婆間舖之類。其實要出術好多嘢可以出，你只能期望大股東唔好咁過份，自己食完都剩啲畀你 — 咁但，如果本身盤生意做得好嘅，咁個餅大，小股東都唔介意你舔返啲嘅，但個餅本身都細，仲畀你咁搞幾搞，就死得了
（＊）OK，翠華係1314
（＊＊）得啦我知你知係牛奶公司啦，冇拆出嚟上市嘛，況且坡股我唔識睇英文，滿意未？況且美心成個邪惡集團嘛，唔止係MX上市。咁你堅持北京樓同一粥麵差唔多，都OK嘅。
———————
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
mx net 在 Apache MXNet (incubating) for Deep Learning - GitHub 的推薦與評價
MXNet is more than a deep learning project. It is a community on a mission of democratizing AI. It is a collection of blue prints and guidelines for building ... ... <看更多>