關於 nba double double意思 ，我們在網路上蒐集到這些相關的討論、資訊與評價

【八強賽？男單賽事？這些 s 和 the 一個都不可以少】

曾經有一個在紐約華爾街工作的朋友給我看一封他的美國主管寫給她的 email，裡面敘述著他的「疑惑」，為什麼亞洲人寫 email 東少一個 s 西多一個 the。

如果你想要完整學好 #冠詞 跟 #名詞可數性，扎實一點的方式是來上我的改變ㄧ生英文文法課。但另外一種方式就是提升自己的 #awareness, 不要永遠只看 content words (名、動、形、副詞）。

東奧是 the Tokyo Olympics 不是 Tokyo Olympic
男單賽事是 men's singles 不是 man's single
八強賽事是 quarterfinals 不是 quarterfinal
混雙是 mixed doubles 不是 mix double

如果你是NBA 的勇士隊迷，你支持的是 the Warriors 不是 Warrior 也不是 Warriors。

你可能覺得這些小細節不太會影響意思，但很多時候其實會。多注意這些小細節看起來不會有像單字一樣立即讓英文「升級」的效果，但這些地方是母語人士在溝通時，會注意的點。

突破英文文法學習瓶頸，從 awareness 提升開始吧！

Photo credit: AP

我的2020回顧，寫咗7000字，分上下集。下面會有上集全文，但我建議你去Patreon睇，有埋圖有埋link．放心，呢篇係免費的（https://bityl.co/52Nf）

問我就上集嘅topic吸引啲，但2020大教訓在下集。所以睇晒佢吧。

剛剛下集都出埋，呢度（https://bityl.co/52OG）

另外，2020年雖則在我身上發生好多事，但整體都係不錯。想2021知得更多，同埋助養本人（畀人炒咗啦！），請訂Patreon，一星期至少六篇，一個月一舊水有找，已經近1000人 join（https://bityl.co/4Y0h）

========================================

上集
引言—我的2020，一個字，NBA。真係打籃球嘅NBA
被炒記2.0—生涯第二次
Patreon讀者救我全家，好人一生平安
台證消—本人已拎台灣居留證，一切都係為了這一天
投資 —股票總值升咗100%

下集
冇得一年去幾次日本，但我仲可以外遊兩次
好似同我老母炒咗大鑊
其他—睇書睇戲睇波，冇人想知。
2020教訓：唔好杞人憂天。但機會留畀有準備嘅人。contrarian，不朋不黨，unherd．

1. 2020回顧，寫寫下變咗7000字。分上下集出。另外呢篇文係免費的。表面好似上集好睇啲，但大教訓在下集。所以睇晒佢吧。你仲未訂Patreon嘅，即刻去吧，月頭訂抵呀。（https://bityl.co/4Y0h）

引言—我的2020，一個字，NBA。真係打籃球嘅NBA

2. 一個字形容我嘅2020？就係NBA。真係籃球嘅NBA。咩意思？籃球L勿鬧，好可能基於我錯嘅印象：但即使我青春期啲朋友一定一齊睇，我就一路唔太鍾意睇NBA。因為發現，總係睇最後一節就得，我睇都係最後一節先開始睇。最後一節，總係能人所不能，好似幾多分都會追到，又幾多分領先都會被人反先。感覺好似頭三節熱身咁。當然事實可能唔係（歡迎拎數字講），但你應該明我講乜。正如足球賽事，都有統計，補時嗰幾分鐘，入球量不成比例地超高。因為防守嘅冇力，落後嘅豁出去，而又有時畀人打反攻。

3. 2020，原本是如此美好。C’est bon．但下半年比較多事，特別係12月。如果呢個回顧在11月做，應該會幾唔同。

4. 成個2020年，我自己打分，應該係6-7分。但如果11月尾打分，會有7-8分。

5. 2020對大家嚟講，兩大件事，可能係肺炎，同埋國安法。但講真，帝力於我何有哉？我又唔係東渧汶人。唔係冇影響，但如果我拍戲嘅導演，我都係拍小人物嘅故事，細節你咪會睇到。甚麼人類福祉呀命運共同體呀香港已死呀，講真，I couldn’t care less

6. 而舊文都講過，我呢啲情況，人大咗，冇小朋友，又唔係搞生意，真係冇乜好寫的。搞生意嘅，每年講開分店新產品都得。有小朋友嘅，呀佢今年識屙屎啦呀佢今年打飛機呀，又有得講。我呢？冇乜好講喎

7. 後生，仲會有升班呀（唏果時升班轉同學好大件事，同心儀女同學編咗唔同班可能就咁GG，而家好似少子化就冇呢啲嘢），考試呀，入大學呀，出嚟做嘢呀，初夜呀（我就連初夜都寫過），轉工呀，結婚呀都可以寫

8. 但到我咁年紀，唔生仔，唔搞生意，就冇乜好寫。最多係紅事白事，托賴冇乜。

9. 咁所以，往往要寫嘅，都係去旅行（well），（被）轉工，睇咗幾多戲，食咗幾多粒星，去咗幾多次日本，咁上下。

10. 不過今年都係有啲唔同，去片。

被炒記2.0—生涯第二次

11. 就是咁。12月14日，我在台北14天隔離中。忽然有人通知我，我被炒了。唔止send個email嘅，有開埋Zoom，仲堅持想見我個樣。係想睇我咩反應？好彩我掉走咗啲自瀆完嘅紙巾（14天隔離有乜做？）。又，好似應該係Letter of Redundancy，但what can you expect？而咁並唔會令我翻生嘅。呀，我當然係去到29號佢地三催四請我先acknowledge 啦，what can you expect？而聽講，我係放緊年假的。

12. 往後我會再寫篇文講，但，唔少人都問三個問題，我呢度答埋先。第一，「點解？」。噢，我早已學會唔問呢樣嘢。重要嗎？當然另文可能都會講，但真係不重要，你畀人飛都唔使問「點解」的。第二，「等你放假唔在香港先炒？」。咁to be fair，你放假唔在香港唔係一個要等你返嚟先通知嘅理由，況且唔止我一個。第三，「咁你會唔會在台北長住？」。咪玩啦，就算我想（而我暫時唔會），都不能。我出糧出到3月，傳說中的3個月通知

13. 影響？當然是有的，冇咗個收入來源喎。朋友都紛紛鼓勵，「係佢地唔識貨」（我不反對），「以你才華實好易XXX」。幾乎搞到連我都信埋。但，朋友梗係講呢啲，唔通講「你條仆街多行不義必自斃抵你有今日，我睇你點供樓？」？「你條死肥西嚴重overpaid仲邊有競爭力？」。可能事實，但唔會有人講。

14. 現實啲睇，我搵返份人工爭唔遠嘅工，我唔覺得好難。問題係，除咗人工仲有其他嘢嘛。「要做到我仆街我又唔願」。所以係有點難。

15. 至於生計呢？你睇我Patreon成千人訂，咁你大約都知我一個月收幾多。咁，點講都係冇咗份工我會冇錢開飯供唔起樓甚至要去少次日本。頂多食米芝蓮冇咁爽，不如唔好食兩星食一星（但，兩星先性價比高！）

16. 不過話說回頭，冇咗份收入，影響都係十是釘嫂（最撚憎啲人美式口音講十是單嫂，例如我大老細）的。你試下叫你公司個CEO減一半人工丫。係呀，對佢生計完全冇影響，但都覺痛的。

17. 寫得太長，大約係咁，另外寫篇新文講。

Patreon讀者救我全家，好人一生平安

18. 舊年嘅回顧寫過，2019成就之一，係Facebook Page有點成績。今年呢？2020年頭講緊7000人。去到年尾差不多一個double，當然亦都帶到啲收入畀我

19. 但，同我開咗Patreon比，Facebook Page不值一提。

20. 如果唔係12月畀人炒咗，咁我諗全年我放最重要嘅，就係，8月開咗個Patreon．十分，十分，十分重要。因為，真係算非常，非常，非常成功。4個月我上咗近1000個讀者。固然係我有料到（唔通我覺得自己廢都好意思收錢？），但亦係大家有眼光，肯支持我。

21. 亦都有機會另文寫。但正係因為有咗Patreon，所以12月14日我台北知道被炒時，雖然係有啲意外（12月頭先同我講緊下年大計），但我亦只係「哦」咗一聲。甚至好快手咁同埃汾太，朋友，網友講。

22. 我再冇好似2014年咁憤恨（唏嗰時第一次嘛），亦冇擔心生計。唔係故意扮不在乎，而我真係不太care．「話唔care你仲寫篇文？」。你就搞錯咗了，主要係娛樂你地，同埋用嚟吸新讀者。我本人真係冇乜感覺，甚至唔覺得值得要寫多幾篇文。至少你見我而家都仲未寫，頭七過晒，七七都嚟緊。

23. 唔係有咗Patreon嘅收入，我點會咁老定？況且，除咗錢，亦係認同。你地真金白銀畀錢覺得值，就係最簡單嘅認同。唔想好似好自大，但，我呢度嘅收入，已經多過唔少人嘅正職。仲唔係代表你地十分認同？肯定唔係阿豬阿狗都可以有咁成績

24. 我真係覺得開心之至，甚至幻想，原來我嗰種midnight in Paris嘅想像（睇得耐嘅讀者應該知道我幾鍾意歐洲），已經成真。就係以前啲畫家作曲家咁，靠啲貴族養，專心做創作。不過而家科技先進，你地變咗貴族。喂，幾咁寫意

25. 我甚至諗，我可以日本住兩個月，韓國住兩個月，台北住兩個月。周圍去。試問有乜工作可以咁？至少以我嘅能力，冇。美中不足係因為疫情冇得周圍去。

26. 所以，多謝大家。你仲未加入嘅，好快啲了。

台證消—本人已拎台灣居留證，一切都係為了這一天

27. 第三件大事，當然係拎咗台灣居留證，都係12月發生。亦係我年尾去台灣嘅purpose，舊年回顧都講過。2019年尾拎咗個副本，今次去換個正本，就係上面呢張卡。原本想復活節去換，但當時已爆疫情。延期一次，去到年尾，疫情依然。再唔搞？又要再搞良民證，又要做多次體檢抽多次血。咁反正剩埋好多年假，所以即使隔離14日都照去。中途仲畀人炒埋就估唔到。

28. 又係FAQ：咁我變咗台灣人未？請define 台灣人。但如果你講中華民國公民，我唔係。我冇護照，冇得投票，唔係公民。我拎嘅只係居留證，正如綠卡都唔同美國公民。但我可以在台灣工作（雖然我唔會）唔使額外申請，同埋入境唔使再拎台證。大約係咁。

29. 幾時過台灣？另文再講吧。但唔會係短期內。兩三年，應該唔會。但十年八年後？應該幾大機會。

投資 —股票總值升咗100%

30. 今年嘅投資，我覺得係不錯嘅。具體？我都唔係好知實數。知都唔同你講。一係啲友又話你炫富晒命（但我可以有幾錢？唔通有幾億港紙？定窮到得幾皮嘢？），一係又話你嘩咁撚少錢都拎出嚟講，冇意思。

31. 但我發現，真係好少人嘅個人回顧，會寫呢樣嘢，令我大感不解。而呢個同我做唔做金融係冇關的，我估即使我2021全年失業或唔係做返金融，我個回顧都仲會寫呢樣嘢，

32. 你話港豬又好，小乘佛教又好，顧掂自己先又好乜都好。但真的，冇人畀你自己更愛你，而做大事都係銀紙，銀紙，同埋銀紙。蔡英文政府批個居留證畀我，係因為我投資咗600萬台幣，唔係認同我有任何才華。講真，你嘅個人投資，點會唔重要過咩疫情重創經濟之類？

33. 言歸正傳，今年我嘅股票倉位總值，由低位（當然係3月），係反彈超過100%嘅。如果用年頭同年尾比，都差不多有100%。嘩。

34. 但唏，唔好興奮住。首先，唔代表我啲股票回報係100%．你心諗我買乜？我推嘅股票，Patreon讀者大約都知係邊啲，個別可能低位真係有一個開，但夾埋晒照計唔會。事實我亦只係追求同大市差不多同步，已經好夠。咁即係，我係有新錢放入去嘅。「包括大家Patreon嘅錢」「仲有啲人交年費」「其實Patreon嘅錢夠我買層新界樓首期」

35. 另外，股票倉位升100%，唔代表我副身家升咗100%（當然由3000蚊變6000蚊都係100%）。有其他嘢嘛。「喂你又話叫人stay fully invested？」。係喎，但，「咁我仲有層樓嘛」。冇正式計，但照計全年應該變動不大，可能估值微跌添，但我又還咗12個月錢，拉勻個net value（賣出去減返爭銀行嘅錢），應冇乜點變，都係200萬多啲。冇乜秘密丫，唔少人都知我住邊，一個單位幾錢好易知，咁我上年亦寫過爭銀行唔夠200萬。一計就計到。呢部份，當然原地踏步

36. 仲有，本人搞投資移民台灣，咁600萬台幣搞咗間公司嘛。咁撇除啲各種租金呀，入貨呀，水電呀，出糧呀，董事人工（即係埃汾太當年嘅生活費）之類，都仲有約100萬港紙剩。嗰度又係冇郁過。「點解唔買台股？」。有諗過架，但雞同蛋問題，我都唔係公民，又冇地址，難啲開戶。

37. 「咁現金呢？」。冇喎，除咗以上講嘅台幣外，我冇現金的。真係幾皮嘢都冇架。抽iBond都問朋友借錢，服未？

38. 2020對投資嚟講係極特別嘅一年，甚至特別過2008/9。會再寫文講

剛剛下集都出埋，呢度（https://bityl.co/52OG）

你仲未訂Patreon嘅，即刻去吧，月頭訂抵呀。（https://bityl.co/4Y0h）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已900人訂！（https://bityl.co/4Y0h）

［Welcome to the club!］德國WireCard，加入NCAA大家庭。十幾年嚟第一間歐洲公司有此榮礜　（Financial Times原文：https://on.ft.com/31QME0w）

1. TLDR：你供樓都唔會一期都供唔到就銀主盤下話？NCAA，一次息都未派到就爆煲，好少見，歐洲公司更少。結果由能人所不能嘅誠實德國人成功爭取。金融海嘯後第一間歐洲公司。

2. 之前篇文（https://fbook.cc/3BeX）講過下，呃阿婆嗰個，都作狀有派返次息畀阿婆。帶出有個新興金融詞語（其實我唔知歷史，但我呢排先聽過，不過應該早幾年已有），叫做NCAA，讀作NC double A

3. 最新加入呢個NCAA俱樂部嘅，就係惡名昭彰人人喊打嘅德國巨企WireCard（https://fbook.cc/3BeY）。之前其實租車公司Hertz都係，但傳統上歐洲公司難入NCAA，多數係美國，陣間解。

4. 哦，你話，NCAA，NBA啲朋友嘛，美國大學籃球。啱，但，金融人講得呢啲，當然係特登玩嘢。正如AIG 係 All investment Gone，UNSW係University of Not So White。

5. 咁所以，NCAA，係No coupon at all。

6. Coupon者（人人都讀Q旁，去到英國拎BNO唔好啦），債券嘅派息—留意，只係債券先叫Coupon。股票派嘅叫Dividend（如有）。咁你話，做乜分兩個名？我點知。咁點解狗叫係wowo聲熊叫係啤啤聲丫？（BTW，鹿鳴春，英文係Spring Deer，其實鹿點叫的呢？）

7. 咁債券呢，同股票呢，雖則同樣可以輸晒（但唔會變負數），但仲有好多不同。股票呢，派唔派息就隨佢決定，甚至宣佈完可以彈弓手，甚至除淨完都可以唔派（＊）。總之，同公司出畀你嘅花紅一樣，到你轉走，或者襟出嚟，先係你嘅（＊＊）。

8. 咁，股票，派唔派息唔知，派幾多唔知，甚至可以忽然唔派，或者忽然派畀你（＊＊＊）。

9. 但債券呢，好簡單，派Coupon。知唔知個字點嚟？咸豐年代，債券就一張紙啦，借據，到期就還錢畀你，你就燒咗張借據佢。但息呢？實情債券下面會有一堆撕條，好似優惠券咁，亦即係啲補習或醫痔瘡街招電話咁。你撕落嚟，就去拎息。而最正嘅係，有晒日期（有啲半年，有啲一年），有埋幾錢　—　係，債券一早講明派幾多息，唔會多，唔會少—少嘅，就仆街了，即係違約，好大機會你可以清佢盤。

10. NCAA，No coupon at all，唔係隻債券唔派息。債券當然可以唔派息，一早講明咪得。你話，咁都有人買？why not。術語叫Zero Coupon Bond，零息債券，咪你借90蚊，佢還100蚊畀你，中途冇息，一鑊過。（＊＊＊＊）

11. 咁所以，NCAA，就係應該要派息，但冇派過息嘅債券。留意，係指一次都冇派過！（at all 嘛！），即係唔係派咗兩期之後冇錢嗰啲。

12. 要做到NCAA，即係，要第一期息已經派唔到！亦即係等於第一期息就畀人清盤。

13. 其實都幾高難度的！因為，唔少債券半年派一次息。亦即係你間公司，發債嗰時仲正正常常，但半年後連息都畀唔到！仲要唔好忘記，而家係低息年代喎。個情況好似你有首期，買到樓，但第一期樓都供唔到！好高難度的。

14. 呢啲咁高難度嘅嘅，Wirecard就做到了。隻債係九個月前發，而家已經話你知，三個月後嘅第一期息，基本上都泡湯。（又，如果係半年派一次，唔知又點？會係再早三個月爆煲？定會派到？唔知）

15. 其實入NCAA，真係唔容易。因為唔掂嘅公司，人地一定對你驗屍咁驗，亦多數要求你半年派一次息　—　但，Wirecard喎！德國人喎！講誠信架嘛！高科技之嘛！DAX30 公司喎！大過德意志銀行喎！仆街你覺得我一年會走你數息都派唔起？你係咪咁意思？唔係唔係。你話一年先派咪一年先派。

16. 頭先講過了，近期NCAA名人堂，第一間公司，係租車公司Hertz．但Wirecard都係威水，因為一般都係美國公司先會入NCAA，歐洲公司玩到咁，係好少見嘅。正如歐洲人在NBA發光發亮，我年代都未係好常見，埃汾細個都係睇咩Schrempf（西雅圖超音速，已死），沙邦尼斯（老豆呀！），伊古斯卡斯，Divac，古高，Rik Smits（最記得佢對襪）之類。而家就大把了

17. 似乎，Wire Card，係金融海嘯後第一間發歐元債而打入NCAA嘅公司。

18. 而最荒謬嘅係，估下隻bond 派幾多厘息？係0.5%。買咗嗰啲真係唔知講乜好。貪10厘息輸錢都話，收0.5厘息都出事，就唔知點算。

19. 留意返，唔係Wire Card 每一隻債券都NCAA—之前有隻CB （可換股債券，Convertible Bond）（＊＊＊＊＊），1.9%（CB仲要有兩厘！高過直債，當然不能直接比），２月有派過息

20. 最後答埋：咁我可唔可以選擇性違約，例如找數畀德國投資者，唔找其他？或者可唔可以出過兩隻bond，一隻找一隻唔找？答案係，一般唔得。任何一隻債券，任何一次，任何一個持有人，你找唔足數，就當全部違約，可以清盤，同埋ISDA（＊＊＊＊＊＊）應會話你違約，判堆CDS（＊＊＊＊＊＊＊）有錢賠。

21. 我覺得呢排啲文有樣嘢好咗。大家知我寫文除咗會寫唔關事嘅其他嘢（鹿鳴春），亦有時寫啲真係關事嘅其他嘢。但如果每次都要解咩係CB咩係CDS，就拖到篇文好長。之但係，唔寫又真係好多讀者唔知，而冇理由assume你知，本人嘅目標讀者唔係行家。咁而家就好啦，寫文寫咗咁多，好多基本嘢我都寫過，就可以叫你睇返舊文當資料庫咁。正文可以專心講返正文嘅嘢，又唔使太長。拿，真係每日都進步少少，十年八年後就好係嘢。另外仲畀你見到，埃汾唔只係識股票嘅（不過都係未發達）

（＊）匯豐嘛，唔明嘅睇舊文（https://fbook.cc/3Beb）。又，估下嗰啲又嘈話要告上證監，又話要打官司嗰堆友，而家點？嗰時4月頭，而家7月頭，個市升咗幾多？你日日鬧，啲股息就會返嚟？

（＊＊）無數咁多故事都係有啲唔小心嘅朋友，一知道出咗花紅就劈炮，甚至講粗口同老細講「仆你個臭街，我唔撚撈啦」。理論上，入咗你戶口嘅錢就係你，原理同。但，下次睇清楚，係Account Balance 定係 Available Balance。因為，有啲公司係用票出嘅（如是我聞，瑞信。埃汾書單入面有書有講）。咁你就樂極生悲啦。。咁所以，有冇睇《幻愛》？原來啲有幻聽嘅人，會用電話錄低段聲播返，就知係咪幻覺。同樣地，唔該你轉走啲錢，或者拎出嚟數，就知係咪你嘅錢。當然啦，更好嘅，就係唔好講「仆你個臭街，我唔撚撈啦」，等轉咗錢先講。但又事實，犯啲咁低級錯誤嘅人，都真係工作平衡，Work嚟把撚的（你又識多一個術語了）。

（＊＊＊）其實往往係因為大股東，或大股東個仔輸錢。請睇舊作，胡文新的女孩（https://bit.ly/3eZThkZ）。合和做乜無啦啦金融海嘯後派特別息？只能講句世上只有爸爸好，記住孝順父母呀，特別如果你老豆係胡應湘

（＊＊＊＊）理論上再絶啲，你借100蚊畀佢，佢還返98蚊都得，是為負利率，以前係天方夜譚，而家其實好多呢類東西，只能講個世界神神地。多得聯儲局

（＊＊＊＊＊）關於CB是乜東東，可以睇舊文（https://fbook.cc/3Bec）

（＊＊＊＊＊＊）又一麻煩嘢。ISDA在呢個context，好似幫你簽死亡證，declared legally dead咁，佢去決定啲咩CDS（Credit default swap，賭人地爆煲嗰啲）（＊＊＊＊＊＊＊）係咪有派彩。因為即係七孔流血還七孔流血，死還死，咁腦死亡係咪死亡？之類嘅問題。同樣地，你日常講違約梗係易，但上到法庭就唔係咁簡單。例如我同啲債券持有人傾重組又算唔算？或者我發新債然後收晒啲舊債但terms差啲而九成持有人同意又計唔計違約？九成九呢？之類嘅法律問題。問律師啦。

（＊＊＊＊＊＊＊）有關CDS，睇舊文（https://fbook.cc/3Beg）。或者睇下衞報講當年希臘人人以為違晒約，其實都係冇！你以為，同律師認為，係兩回事（https://bit.ly/3iAocq6）

----------------------------------------------------------------
收費短片第二擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。
影片簡介：https://bit.ly/2ZILRwf　
或者睇置頂 post都得：https://fbook.cc/3BRq
講銀行加按息係咪睇淡樓市，美股有冇泡沫，奧地利發100年債券有乜啟示。
仲講樓，講埋Growth vs Value．

以下係報名方法：

【最新李聲揚收費影片】股市係咪真係太貴? 要買究竟邊隻係抵?
*影片下方會有內容撮要，唔想睇片可以睇字
影片/課程編號：CC003
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC003 ]
2/利用信用卡網上付款
3/及後有登入資料可以立即收看
查詢：whatsapp 63832145