以下，係一個悲慘故事，更悲慘嘅係，呢個係一個真人真事…
我大大話喺投行界打滾N年，咩風浪未見過，唔好話金融風暴、金融海嘯…，連丁蟹我都未驚過。不過，過去幾個月，可算係我入行以來，遇過嘅難關頭幾位…就係－－我間投行開唔到銀行戶口！！！！！
話說，我間行，一間歐資大行，就睇好香港市場。於是派我喺香港做開荒牛，開拓吓新市場新業務啦。即係咁，要賺到第一桶金，最重要係咩？係要有銀行戶口。
「唔好意思，我係代表我間歐洲XXX銀行嚟開戶。」我挺起胸膛，昂首闊步行入滙豐，點知…「唔好意思，先生，你要打去呢個電話，會有同事幫你。」大家都是行家，有電話專人Serve係應該嘅，我微笑接過單張。Oops！當我睇到三隻字，我知我錯了！仲要係大錯特錯，呢個電話，原來係「中！小！企！」熱線！
「小姐，你係咪搞錯咗，我哋係歐洲大行，你開Google睇吓，上市公司嚟，我真係要打去呢條Hotline？」「係呀，呢度我哋冇人幫你做到，你打去啦。」係咪發神經？我啲客，單係開戶閒閒哋幾千萬，我間行市值億億聲，你當我哋中！小！企！？
算…正所謂龍游淺水遭蝦戲，為開戶口死死地氣，我代表我間歐資大行，打去中小企熱線。幾經轉駁，終於有真人接聽，「我代表XXX銀行想開戶？」然後一把機械式，操純正廣州腔廣東話嘅CS，就機關槍式問我一輪問題，「係咪秘書公司？公司咩形式註冊？公司全名？業務性質？……」
撻得個朵，你唔會又唔幫我開戶啩……話晒，我哋都係市值億億聲、歐資……「唔好意思，由於你間公司未營運，同埋未有牌照，所以現階段唔會同你開戶，到你開業先再搵我哋啦。」「我係XXX銀行喎，你唔幫我開戶，我點開業？我開到業，我就唔使你開戶啦？」「唔好意思，我哋幫唔到你…拜拜」
香港，國際金融中心，全球最自由經濟體，但我實在估唔到，作為一間歐洲有名有姓品質保證嘅大型銀行，都會開唔到銀行戶口嘅一日，最令我讚嘆嘅係，我間行居然係俾「中小企中心」Reject，中小企喎！即係Small and medium enterprise喎！
於是我放棄匯豐，我向其他行問，又幾經辛苦，花盡我三吋不爛之舌，終於中銀（2388）肯同我開，不過，人生哪有盡如人意？有咁順景嘅，因航（293）就唔係因航啦。「先生，我需要你公司管理層嘅證件同埋住址證明…」What？我點問我老細拎住址證明？即係咁，你會唔會走去問歐智華，「Excuse me？啲人唔Trust你住呢度，May I have your住址證明please？」真係傻的嗎？
排除萬難，我終於Fight到唔使交住址證明，至於個Passpost，我另外要搵公正行去證明一張。我唔明，我好唔明，點解連香港政府監管機構都認受嘅證件，反而監管機構轄下嘅銀行唔承認。
最後，為開一個戶口，我不停俾歐洲嘅同事恥笑。搞咗幾個月，我間銀行，終於開到銀行戶口啦。今次之後，我得出一個結論，就係希特拉處理唔到嘅事，已經唔再係Cut有線（九倉都Cut到啦，仲有邊個Cut唔到），而係，希特拉都分分鐘開唔到戶口。
by千頌C@堆填區
http://fb.com/winbigwok
oops咩意思 在 oops發音在PTT/Dcard完整相關資訊 - 小文青生活 的推薦與評價
提供oops發音相關PTT/Dcard文章，想要了解更多oops咩意思、opss中文、opps中文有關歷史/ ... 发音指南：学习如何用母语英语中的“oops”发音，“oops”英文翻译和音频发音. ... <看更多>