《Impossible is 甩繩》
「聽到連詩雅講英文就想死」 …其實比起偽 abc，我更怕大陸人口音。
我好怕 lecturer 係大陸人…
由於政府要「國際化」香港嘅大學，於是近年來不停提升「非香港」講師同學生嘅數目，所謂「非香港」，極大部份都係大陸來嘅。每次當我知道個 lecturer係大陸人，我都會好忟憎。聽大陸人講英文，無助增進英文能力，但有效提升我EQ。佢哋永遠發唔到個 TH 音，於是就變成「Impossible is 甩繩」，「please say some 繩」，Cathy 同學亦會慘變成「cat 屎」同學。
聽大陸同學 present，係令人坐立不安…
(得架啦，唔好再同我講「有啲大陸人英文好叻」) ，大陸同學好鐘意背左佢哋個 presentation script，然後快速 rap 出來，佢哋講野就好似「切蘋果塊皮唔斷」咁。另一方面，大陸同學會用中文拼音嘅方法講英文，例如 her，佢會讀成普通話「河」，而普通話「河」係好有企圖清痰嘅 feel，令人好難受。明明佢 present 影響唔到你，你都好忟憎，好困擾，好似星期日企喺皇后像廣場，聽好多個賓妹同時講野，覺得自己即將患有精神病。
※※※※※※※※※※※※
「你英文又唔係叻，點可以批評人英文差？」
我知喺外國人眼中，大陸人同香港人講英文都一樣咁衰，但我總覺得我哋係講得好過大陸人。有人會話「你英文又唔係叻，點可以批評人英文差？」。其實個道理就等於你睇港姐，即使我係豬排，唔等於我要放棄踩個佳麗係豬排。大家係唔會因為自身嘅能力，而就住就住咁批評，所以我好明大家點解對連詩雅講英文咁唔順超。
「連詩雅英文唔係差，但唔係好囉，扮ABC，假到死…」
連詩雅英文好唔好我唔知，只係知佢觀眾緣唔好，做咩都睇佢唔順超，覺得佢無料扮四條。我覺得佢模仿能力幾好，呃得下人，有形無實，總好過無形又無實。好似鵬哥扮小鳳姐，我都會讚佢模仿得好出色，但唔係歌藝好出色。老實講，我唔覺得連詩雅扮野，我覺得佢本身個性格係「生成咁假」。好似講得好複雜，情形就好似有啲人真係無整容，佢係生得似整容失敗咁，其實佢都唔想架。
※※※※※※※※※※※※
學英文使唔使學埋外國人native嘅口音？
大家覺唔覺得楊怡楊卓娜惠英紅講廣東話係有啲與眾不同嘅口音，你係外國人，你學廣東話，會唔會學佢哋嘅口音？er… 「個人選擇」囉，你覺得佢哋口音真係顛倒眾生，咪學囉。
模仿口音喺我眼中係個人喜好，就好似卓韻芝有期鐘意放兩粒鼻屎喺眼皮，佢like 咪得囉。如果連詩雅覺得咁講英文有快感，由得佢囉。正如有一期，我堂妹睇完《阿旺正傳》，痴左線咁學佢智障咁講野，我都忍佢架。
PS. 日常生活上，我係唔會俾偽 abc口音嚇窒，公開試考oral，總有一兩個好名嘅名校生好似連詩雅咁，用 abc accent 虛張聲勢，我唔會俾佢嚇窒嘅，英文嘅野係去來溝通，而唔係去來表演架嘛。
presentation script中文 在 How to write a presentation script - YouTube 的推薦與評價
In a previous video, I talked about how to create epic content for your presentations. In this video, I'm going to follow that up and teach ... ... <看更多>