［三叔！中間分界！成個磨碌！］真係奇聞，唔知我見識少定乜。咁都得！
1. 原文，港交所通告，但只得英文（https://bit.ly/2RUkOKY）。韓仔唔識中文掛。
2. 咁想睇中文嘅，明報算係譯得幾好，解咗你知（https://bit.ly/3eF0B5N）。
3. 明報都懶睇嘅，話你知。其實成單「鬧劇」，搞到咁複雜，因為石油就係比較複雜嘅嘢。彭博嘅Matt Levine 都有寫（https://bloom.bg/2wTQOHU，不過我估冇人會睇，呢條友仲長氣過我）。你炒盈富，背後咪有個永續嘅恒生指數。你炒納指ETF，正向反向十倍都好，背後都有個永續嘅指數。你炒黃金ETF，發行商等等有實金，可以一路擺住（理論上放公司都得，實際上香港好似放機場，「所以點解要有蔡思貝」），理論上都永續
4. 但原油係冇呢回事的。發行商之類冇得買桶原油放去雜物房對沖，只有原油期貨。然後呢幾日好多人都知，要roll over，一個一個月咁碌。做金融嘅呢啲就常識，但行外人唔知正常—所以，冇人叫你買。
5. 但，而家即係點呢？原本下次，係5月頭，會將6月期貨轉去7月。唔係明晒，都大約明啦，係咪？
6. 咁今次個公告做乜？就係即時！係即時！時光機，全部6月期貨，轉去9月。直到8月先回復正常（到時會轉去10月期油）。
7. 唔講太深嘅嘢先，首先，點解咁做？因為，唔咁做，「怕你會total loss」．Total loss，quite simply，就係Total loss，歸零。（＊）。三叔真係良善仁愛，讓禮物放下來。
8. 不過，有辣有唔辣（韓仔嘢都有唔辣？（＊＊））。三叔都話你知，後果係乜？「如果6月期油反彈你就冇仇報架啦！彈幾多都唔關你事」。當然亦提返你「9月期油都可以變零或負數架」
9. 咁如果真係9月期油都變零或負數，之後會唔會再咁玩多次？唔知，我冇細睇。佢個公告寫One-off and Interim Change of Rolling Strategy —咁但，one off 完可以two off 嘛！一次性交可以交多幾次。正如公司可以派幾次特別息，有啲公司嘅temp做得仲耐過啲perm。好死架啫。
10. 好啦，正經講，你見到問題在邊未？問題係，點解三叔可以忽然「為你好」，即時咁轉咗？即係唔係話要搞場諮詢（「你是否願意在你屋企樓下起焚化爐？」）。但，咁都得？一個唔該真係6月期油反彈，就花生了。
11. 當然，我相信，堂堂咁大間公司，當然係問過legal，好可能在prospectus 第358頁第14章第5節b（iii）嘅remark入面嗰條link個網頁用韓文寫咗的。一定係，除非唔係。況且，證監都過得喎。
12. 係咯，證監都過得喎。
13. 「又有冇諗過」，其實而家即時將6月roll去9月，即係幫你低賣高買呢？即係當你打埋靶。理論上係減少你損失，但亦代表你冇仇報。
14. 講到尾，本人好似從來冇寫過原油ETF，當然係有原因。主要因為唔識。都係嗰句，股票都未識玩，樓都未識玩，阿Sa同阿嬌未分到嘅（我都係2008年後先分到），做乜走去玩原油期貨ETF？
15. 硬係簡單啲唔得嘅，硬係要諗埋啲loop loop loop 大法。再講一次，SFC都批得嘅，我相信係冇問題—SFC咁多律師，你有冇見有人告得贏？所以應該係冇問題
16. 下次，就唔好搵啲咁複雜嘅嘢玩啦。地球好危險的。有冇聽邊個玩呢啲玩到上岸？我就冇啦—除咗三叔自己。
17. 最後，唔明個題或者張圖嘅，自己去聽：https://bit.ly/3bEa9w9
（＊）股票同ETF，應該不能負數嘅，唔係實物，你唔使抬佢走，有得佢消失在空氣中就得。當然理論上可能你間行收你存倉費呀月結單費呀嗰啲。可以打去X佢老母，或者轉嚟埃汾間行
（最尾嗰句講笑啫，費事有人以為我要咁拉客，大佬，你估你幾億倉咩，埃汾打次邊爐都千千聲啦，你自己計trade幾多先夠我食碟牛肉。「仲要同公司分」。但反正埃汾又唔係經紀又唔係sales）
（＊＊）我好認真咁問一個問題：辛辣麵有冇唔辣架呢？埃汾太（＊＊＊）答我：你唔落包粉咪得。我就問佢，唔落包粉仲係咪辛辣麵？佢冇理我。我再問，到底辛辣麵係指連埋包粉煮出嚟嘅嘢，定係個麵餅本身？佢繼續唔理我。
（＊＊＊）又係我最憎嘅注上注。但忠實讀者應該留意到，由「囡囡」變成「埃汾太」。唔係我離咗婚或忽然結婚，而係費事有人唔明，以為我有個女，或者以為我只同居唔結婚
——————————————-
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
prospectus中文 在 prospectus 在英語-中文（繁體）詞典中的 ... - Cambridge Dictionary 的相關結果
prospectus 的例句. prospectus. According to this definition, the official curriculum is the written curriculum found in prospectuses and syllabi, ... ... <看更多>