吃喝玩樂篇🏨朋友成日話幼稚園唔請假玩等幾時🙈嶠爸11月頭生日，上年我哋就快閃台北3日，今年去唔到旅行，就約埋朋友一家嚟個酒店 Staycation，因為兩位爸爸生日都好接近，就一於搵個藉口去玩返兩日，而我哋今次就揀咗去 Royal View Hotel 嚟個兩日一夜之旅。
帝景酒店有好幾個唔同主題嘅房間，而我哋今次就揀咗「激鬥跑車主題房」，房間都幾大，有一張跑車小童床，劻霖一入房見到已經超級興奮😍係估唔到連大人床都有主題，係格仔被袋🏁就好似賽車場咁，好鬼正！最最最吸引嘅係佢有個打機位🎮，真係好似落咗機舖到打機咁！爸爸真係癲狂地玩，唔好蝕丫嘛🤭
我哋住呢邊個 view 真心唔錯，望出去就見到汀九橋，仲有靚靚海景，真心正🥰房內仲有好多賽車貼紙🏎️，連廁所都有，很不錯☺️不過因為疫情，沙灘就關咗，所以我哋今次就冇機會去麗都灣沙灘一遊，希望下次有機會啦！
講返個 trip，我哋星期四入住，3pm check in，星期五嘅 11am check out，價錢好抵，$750，而且仲包四份英式早餐，個早餐都唔細份，有份生果，飲品就自助形式，有咖啡，奶茶，橙汁，牛奶。食飽早餐，返上房執好行李🧳，再打多陣機，就夠鐘 check out 啦！
✨主題房係 Royal View Hotel 官網到 book 嘅！要留意返，受歡迎嘅主題房係會比較快滿，因為佢嘅主題房多數都係得一間，大家有心水日期就要 book 定啦！
🚗荃灣地鐵站有 shuttle bus 入酒店，十幾分鐘車程，好近。
💙下次再去會試下住其他主題房，超心儀「森林小樹屋主題房」，希望下次有機會住到！
#staycation #royalviewhotelhongkong #爸爸生日慶生 #帝景酒店 #帝景酒店主題房 #激鬥跑車主題房 #芊嶠與劻霖成長日記
royalviewhotelhongkong 在 Royal View Hotel 的推薦與評價
... RoyalViewHotelHongKong #RoyalViewHotel #Family #HongKongHotel #tingkau #TsuenWan #ResortHotel #Cafelido #Themedroom #Racingcar | Facebook. Switch to the ... ... <看更多>