陳健安 - 一吻穿越四十六億歲 featuring 毒檸王國 扭擰劇場
故事三《鐵達尼一號二號》
C: 你睇下個女仔，幾靚吖……
N: 其實係我睇到先嘅。
C: 你傻架，你不如話係你出世先，所以乜都你先~
N: 咁就其實係你出世先嘅。
C: 咪係囉！
N: 所以你咪應該讓我囉，哥哥。
C: 你係哩啲時候先嗌我阿哥架啫~
N: 唔係呀，我係嗌哥哥，唔係嗌阿哥。
C: 算，你去吖~你追到先算啦。
N: 下？你唔去嗱？
C: 讓你吖嘛~
N: 咁大個人洗乜你讓呀，睇我唔起呀？
C: 吖你好煩下喎~
N: 你讓我我就唔想啦~一係咁，大家一齊去吖~一係就大家一齊唔好去啦~
C: 咁大家一齊唔好去啦~反正都唔識講英文~
N: 咪係囉~不過可能佢識講中文~會唔會係華僑吖嗱……
C: 邊有咁好彩呀~著得國際學校校服都唔方識中文啦~仲要係金毛喎~
N: 嗯……壞學生。咪啦都係~
以上對話發生喺鐵達尼號沉沒之後嘅好多好多年後……兩個拍親拖都經常沉船嘅兄弟，中學開始，佢地試過去教會識女仔，就後俾人發現唔虔誠，飛咗；出嚟做嘢，試過做SALES掛住追同事，追追下追唔到quota，俾人炒咗；更試過，追巴士嘅時候上到車見到全港唯一美女車長要求合照，最後因行車時與司機談話被罰$5000，慢慢佢地研發到，避免沉船嘅方法，就係唔好搭船，鐘意海，你企喺海邊睇下咪算囉~後來佢地主要嘅活動，係講女，並非溝女，注意部首係唔同嘅。但係人係敵唔過大自然嘅，就算你只係企喺海邊，都會俾大浪捲入海洋之中……而且，都幾大鑊……
C: 你地而家係一齊~
N: 係呀。
G: 唔係呀。
N: 咩呀，我地係曖昧中，咁但係曖昧都準備係一齊架啦~
G: 我未揀好呀。
C: 咁你而家揀吖。
N: 你又幾時同佢講過嘢啫？
G: 我識你就喺公司識，識你阿哥就飲嘢識。
N: 咁即係識我先啦，因為我啲同事帶你落去飲嘢，之後你先識到佢架嘛。
C: 都話唔係咁分咯！你做緊嘢，佢係用同事身分同你講嘢，我地飲嘢，佢就做番自己同我飲嘢。
N: 點可能咁計啫！即係平時佢做嘢就唔係佢呀！你講吖，今朝返工嗰個你係邊個，你講佢知！
G: 我？
C: 你睇佢答得幾猶豫！
一如大家所料吖，爭論落去都唔會有結果，於是佢地決定，喺個女仔未做到決定之前，一三五就同細佬出街，二四六就同阿哥出街，星期日就一齊返屋企食飯唔好煩！一直相安無事，當然啦，女仔唔需要做選擇，就梗係唔做醜人啦，直至有一日，星期日，佢去到兩兄弟屋企，門冇鎖，入面冇嘢唔見，只係冇咗兩個人，但係佢喺兩個地方，分別搵到兩封信。
C/N: ZITA，當你睇到哩封信嘅時候，我已經離開咗，再喺咁落去，我地三個入面，都唔會有人得到幸福，所以我決定離開，成全你地，唔好搵我，我知你唔會。我會去一個好遠嘅地方，應該有一段時間唔會返嚟，保重 / take care。
唔好以為係砌劇嗰條友mix錯嘢，兩兄弟真係唔知約定定唔覺意留低兩封幾乎一樣嘅信，就離開咗間屋，剩低ZITA一個，留咗喺一間唔屬於自己嘅屋入面唔知喊好定笑好。
N: 哥，你估佢發現到封信未？
C: 你當佢盲架咩，我成封擺喺枕頭面喎~你嗰封擺咗喺邊呀？
N: 差唔多啦，爐頭面。
C: 乜呀……
N: 我諗住淒美啲吖嘛……
C: 搞咁多嘢你真係~
N: 係咪三個月後先返架？
C: 梗係啦~你未行過船咩？
N: 未呀~
C: 咁行下囉~
N: 哦……你行過咩？
C: 冇呀，我地個牌一齊考架喎……
N: 係囉……唉~ZITA真係慘，一次過冇晒兩個男人。
C: AHAHAHAHA
N: AHAHAHAHA
編劇 製作 阿檸
OSCAR 飾演 旁白
黃淑蔓 飾演 ZITA
陳健安 飾演 兄
阿檸 飾演 弟
陳健安 黃淑蔓 OSCAR阿檸 - 一吻穿越四十六億歲
featuring 毒檸王國 扭擰劇場
故事三《鐵達尼一號二號》
星期一至五 下午四點半至五點半 毒檸王國時段播出
sales quota中文 在 sales quota中文在PTT/Dcard完整相關資訊 - 健康急診室 的推薦與評價
提供sales quota中文相關PTT/Dcard文章，想要了解更多有quota、over quota中文、quota報價有關健康/醫療文章或書籍，歡迎來健康急診室提供您完整相關 ... ... <看更多>